Mika 6:9 - KITABU KITAKATIFU

⁹ Mwoyo gwa Yahova gu langanga ku lidala, mundu wobugeeri a la lola lieta lilye: mu hulire impimbo, ni bwaha wa gi laga.

Mika 6:9 ပူးပေါင်းရင်းမြစ်များ

2 Samweli 21:1

Mmadiku ga Daudi ya li ho inzala mihiga gyivaka, muhiga nomuhiga; na Daudi yenya mmoni mwa Yahova. Na Yahova ya vola, Ga veye kigira Saulo, na kigira inyu mba yeye ya masahi, kigira yiita Vagibeoni.

Ayubu 10:2

Nda volera Nyasaye, U ta nkalagira mahyolo; U vuulire inze kivune kya u hangalidzanira ni inze.

Ayubu 23:14

Kigira a dukidza kya nda lagwa: Kandi vindu vinyingi kuli yivi vi veye halala naye.

Ayubu 5:17

Henza, a veye nobugasu mwldu wa Nyasaye a hedzanga mageli: Kigira yaga u ta lega amageli go Wanyala Vyosi.

Zaburi 107:43

Ku vosi wobugeeri a la gumira makuva yaga; Na va la ganagana tsimbabasi tsya Yahova.

Zaburi 48:10

Kuli lieta lilyo li veye, O Nyasaye, Na ndiyo lidzominywa lilyo li veye ku kiheri kyelirova: Mkono mulungi gugwo gwizuye ubulungi.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Zaburi 9:16

Yahova yelolekidzi mwene, a lombi likalaga: Mudamano u tegeywi mu likola lyamakono gege mwene. (Higaion. Selaha)

Tsing'ano 22:3

Mundu weliva lyobugeeri a lolanga ubudamano, na yivisa; Navutswa ava ta li nelimanya va vitanga, na va salira mubwo.

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 27:10

Kigira lidala lyetsingulu li tigaye lyere, bumenyo bu lekwa hang'anye, kuli mwigendanyama: ha zana kimoli ki laya, ki la gona ha zana, nokulia tsisya tsyalyo.

Isaya 30:27

Henza, lieta lya Yahova li twula ihale, li sambanga nobutima bwibwe, nomu mwoki munene gu vuyanga igulu: minwa gyigye gyizuye ubutima, nolulimi lwilwe lu veye kuli muliru gu sambanga:

Isaya 66:6

Mwoyo gwekivihiri gu twulanga mu lidala, mwoyo gu twulanga mu litempeli, mwoyo gwa Yahova wa vanziranga kisalya yavo avasigu veve.

Isaya 9:13

Navutswa avandu va vula kugi runkana ku uyu wa va kuya, kandi va vula kwenya Yahova wa mahe.

Jeremia 26:18

Mika Mumorashiti ya profeta mmadiku ga Hezekia, mwami wa Yuda; na ya volera avandu vosi va Yuda, na a vola, Yahova wa mahe a vola ndi: Zioni li la limwa kuli mulimi, na Yerusalemi li la va vitumi, na kigulu kyenyumba ki la leng'ana na hadiguiuku homulitu.

Jeremia 26:6

hene yaho nda kola inyumba yiyi i ve kuli Shilo, na nda kola lidala yili li ve lilaamwa ku tsihiri tsyosi tsyelirova.

Jeremia 47:7

Ive u nyala ndi kwehodzeridza, kigira Yahova u mali kukulaga malago? Ku Ashikelon, noku luginga lwenyanza, niho ha ya laga likuva yili.

Ezekieli 7:9

Imoni yange si i la leka, kandi si nda va netsimbabasi: nda leta ku ive kuli tsinzira tsitsyo; na vivihiri vivyo vi la va hagati hoho; na mu la manya inze, Yahova, nkuyanga.

Hosea 13:16

Samaria li levika ama hyolo galyo; kigira litinguhi ku Nyasaye walyo: va la gwa ku kivavi; avana vadoto vavo va la shonolanywa, navakali vavo va veye inda va latanywa.

Hosea 14:9

Ibwaha u veye nobugeeri, nowokumanya vindu yivi? Ni bwaha u veye netsiganagani a vi manye? Kigira tsinzira tsya Yahova tsi veye tsinungi, na avobulungi va la genda mutsyo; navutswa avamahyolo va la gwa mutsyo.

Amosi 2:5

Navutswa nda leta muliru ku Yuda na gu la samba tsinyumba tsyobwami tsya Yerusalemi.

Amosi 6:1

O bayaye kuvo avelemeridzanga mu Zioni, kandi ku yavo ava menyanga nemirembe mu kigulu kya Samaria, avasatsa ava manyekana avehiri inene ku tsyosi, avenyumba ya Israeli yadza kuvo

Mika 3:12

Kunangwa Zioni li la limwa kigira mwinye, na Yerusalemi li la gwa vitumi, na kigulu kyenyumb ki la va kuli hadiguluku homulitu.

Mika 6:10

Kuduka kalunu akiba yobudamano i kikiri mu inyumba ya vadamano, nekigero kva geha kyokuvihiriridza?

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Zefania 3:2

Si ya hulira mwoyo yigu; si ya bugirira kwegidzwa; si ya suuvira ku Yahova; si yisunda himbi ku Nyasaye wewe.

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.