Mika 6:8 - KITABU KITAKATIFU

⁸ Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Mika 6:8 ပူးပေါင်းရင်းမြစ်များ

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

Litanga 5:22

na Enoka ya genda halala na Nyasaye inyima wokwivula Methusela mihiga tsimia tsivaka, na yivula avayai navakana:

2 Kyetsinyinga 30:11

Navutswa avalala Vasheri na Vamanase, na Vazebuloni vegehidza, ni va tsia Yerusalemi.

2 Kyetsinyinga 32:26

Navutswa Hezekia yegehidza ku luyai lyomwoyo gwigwe, uyu nava menyi Yerusalemi, kuduka ubutima bwa Yahova bwa vula kuduka kuvo mmadiku ga Hezekia.

2 Kyetsinyinga 33:19

Ka ndi lisaala lilye, na kuli ya hulirwa, nobwoni bwibwe nelihyola lilye, na hadiguluku ha yombaka, nelisingeridza lilye misala gyemisambwa, neki fwananyi kyokuvadzwa, lwa ya li na a kikiri kwegehidza, henza, vyosi vya ng'odwa mu makuva ga Hozai.

2 Kyetsinyinga 33:23

Naye si yegehidza mwene imbiri wa Yahova, kuli Manase dada wewe yegehidza; navutswa uyu Amoni ya kiridza ubwoni.

2 Kyetsinyinga 34:27

kigira mwoyo gugwo gwa ii mudoto, wegehidza imbiri wa Nya saye, lwa wa hulira makuva gege ku hano, noku yavo ava menyanga ho, na wegehidzi imbiri wange, na u tanduye tsingubo tsitsyo, nokulira imbiri wange; Yahova a vola, Inze nku huliye.

Nehemia 9:13

Kandi wika ku kigulu kya Sinai, na wa volerana navo nomwoyo gwa twula migulu, na wa va ha miima gyobulungi namalago geli gali, namalago malahi, nelilagana,

Zaburi 101:1

Ndimba tsye tsimbabasi tsyo buyanzi na tsye likalaga lilungi: Ku ive, O Yahova, ndimba tsyokwidzominya.

Zaburi 112:4

Mu kisundi ubulavu bu lolekanga ku avalungi: A veye netsimbabasi, neliverera, nobulungi.

Zaburi 112:9

A sugeridzi, na a haani ku avadaka; Ubulungi bwibwe bu hindiranga mihiga nemihiga: Ulwiga lwilwe lu la nenehidzwa nobukumi.

Zaburi 37:26

Lidiku lyosi a kolanga tsimbabasi, nokuhambidza kivete; Na visukululwi vivye vi gasidziywi.

Zaburi 73:28

Navutswa nubulahi ku inze kwisunda himbi ku Nyasaye: Nkoli Mwami Yahova kuva kyokwivisa mu kyange, Nduke kuvola miyinzi gyigyo gyosi.

Tsing'ano 21:3

Kukola agobulungi na agelikalaga Ga yanzidza Yahova kuvita kihaanwa.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Isaya 56:1

Yahova a vola ndi, Mu linde likalaga, mu kole ubulungi; kigira ubuhonnyi bwange bu ve himbi, nobulungi bwange lilang'aminya lyabwo li veye himbi.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Jeremia 22:16

Ya kalaga makuva gomudaka nomudambi; kunangwa bwa li bulahi. Inkuva yiyi si i veye limanya inze? Yahova a vola.

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Jeremia 9:23

Yahova a vola ndi, Wobugeeri a tiyidzominya ku ubugeeri bwibwe mba, kandi wobunyali a tiyidzominya ku tsingulu tsitsye mba, kandi mutugi a tiyidzominya ku butugi bwibwe mba:

Lisyoma lya Jeremia 3:26

Nobulahi umundu a suuvire, nokulindirira ubuhonyi bwa Yahova nelyekudzira.

Ezekieli 16:63

u duke kwidzulitsa, nokutimuka enkolo, u vule kukunula munwa gugwo kandi, kigira tsisoni tsya u veye natsyo, lwa nku sameha yaga gosi aga wa kola, Mwami Nyasaye a vola.

Ezekieli 33:14

Kandi, lwa mbolera mudamano, Ive ligali u la kudza; ni yeganira nokuleka ubwoni bwibwe, na a kola aga dukana kukolwa, nagobulungi;

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Hosea 12:6

Kigira yaga girunkana u yeke ku Nyasaye wowo: u linde tsimbabasi nelikalaga, kandi u lindirire Nyasaye wowo kazozo.

Hosea 6:6

Kigira inze nyenyanga tsimbabasi, si nyenya vihaanwa; nelimanya Nyasaye nyenya nga kuvita vihaanwa vyokusambwa.

Kyavalevi 26:41

inze kandi nda genda mu lihing'ana kuvo, na nda va leta mu kivala kyavasigu vavo: hene yaho myoyo gyavo gya vula kukebwa, ni gyi va ni gyi gehidzwa, navo va bugirira amageli gobwoni bwavo;

Amosi 5:24

Navutswa likalaga li sunduke kuli amadzi, nobulungi kuli mugera munene.

Mika 6:9

Mwoyo gwa Yahova gu langanga ku lidala, mundu wobugeeri a la lola lieta lilye: mu hulire impimbo, ni bwaha wa gi laga.

Zefania 2:3

Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Zekaria 7:9

Yahova wa mahe a vola yaga, na a vola, Kalaga likalaga lyeligali, na mu ve netsimbabasi nelivererera mundu sa mulala na avamwavo veve:

Matayo 5:3

Va veye nobugasu ava li nobudaka mmwoyo: kigira ubwami bwomigulu nu bwavo.

Matayo 5:7

Va veye nobugasu ava veye netsimbabasi: kigira va la verwa tsimbabasi.

Luka 10:42

navutswa kindu kilala kyeng'ine ki duki: kigira Maria u mali kutovola kindu kilahi, kya a li vula kunyagwa.

Luka 11:42

Mwinye Avafarisayo, O bayaye bu veye ku mwinye kigira mu tunga lizaka lyenaana nesadhabu? Netsingutsa tsyosi, na mu leka amakuva gobulungi nagobuyanzi bwa Nyasaye: navutswa nu bulahi kukola yivi, kandi kuvu la kuleka yivi vindi.

Luka 12:14

Navutswa ya mu volera, Mundu ive, ibwaha ya mbika kuva mukalagi kinga mugavuli ku mwinye?

Luka 6:36

Mu ve netsimbabasi, kuli Dada uenyu a veye netsimbabasi.

Varumi 7:16

Navutswa ni nkola aga nta yanza, mbugirira lilaga li veye lidahi.

Varumi 9:20

Ga ta va ndiyo, navutswa, ive mundu, u veye ibwaha u tivulira Nyasaye? Kindu kya lombwa ki nyala kuvolera uyu wa ki lomba, Kigira ki wa nomba ndi?

1 Vakorintho 7:16

Kigira u manyi ndi, ive mukali, mbula u la honnya musatsa wowo? Kinga u manyi ndi, ive musatsa, mbula u la honnya mukali wowo?

Vafeso 4:32

mu ve nobuhooma avene navene, nokuvererana tsimbabasi, nokusamehana avene navene, kuli Nyasaye ya sameha mwinye mu Kristo.

Kwidzulitsa 27:10

Kunangwa u hulire mwoyo gwa Yahova Nyasaye wowo, u kole malago gege nemiima gigye, ga nku laganga lero.

Kwidzulitsa 30:15

Henza, nku vikiye lero livamwoyo nobulahi imbiri wa ive, kandi likudza nobudamano;

Vakolosai 3:12

Kunangwa mu kole kuli avatovole va Nyasaye, ava veye avatakatifu navayanzwa, mwivike mwoyo gwetsimbabasi, nelikola lilahi, nelyegehidza, nobuhooma, nobwikudziri;

2 Vatesalonike 2:16

Kalunu Mwami wetu Yesu Kristo mwene, na Nyasaye Dada wetu wa ku yanza na a ku ha kilema mwoyo kyemihiga nemihiga nelisuuvira lilahi mu tsimbabasi,

Yakobo 2:20

Navutswa u la manya, Ive mundu u ta li kindu, lisuuvira bugira likola li veye ligumba?

Joshua 24:14

Kunangwa kalunu mu tie Yahova, nokumutumekira mu libugirira nomu geligali; na mu vike ihale avanyasaye ava vaguga venyu va tumekira engereka ya Mugera, nomu Egepeti; na mu tumekire Yahova.

1 Petro 3:8

Agekiheri, mu ve nomwoyo mulala, ava koleranira tsimbabasi, ava yanzana kuli avamwavo navamwavo, nayetsimbabasi tsyomugati, navemyoyo myegehidzu:

1 Samweli 12:23

Halala na yaga, ga ta va ku inze kukolera Yahova ubwoni ku lileka kusaalira mwinye: navutswa nda mwegidza mu inzira indahi nenungi.

1 Samweli 15:22

Na Samweli ya vola, Yahova a veye neliyanza vihaanwa vyokusambwa nevisyuviriru, kuli a yanza lihulira umwoyo gwa Yahova? Henza, lihulira li veye lilahi kuvita vihaanwa, nelihuliridza li veye lilahi kuvita itinya yamagondi makole.