Mika 6:7 - KITABU KITAKATIFU

⁷ Yahova a la yanzidzwa netsieifu tsya magondi makole, kinga nemigera gyamaguta tsielfu likumi? Mbaane wokutanga kwivulwa wange kigira mahyolo gange, lwivulu lwomubiri gwange kigira bwoni bwomwoyo gwange?

Mika 6:7 ပူးပေါင်းရင်းမြစ်များ

2 Avami 16:3

Navutswa ya genda ku inzira yavami va Israeli, yee, ya vitidza mwana wewe hagati ho muliru, kuli livihiriridza lyavetsihiri, ava Yahova ya kunga va twule imbiri wavana va Israeli.

2 Avami 21:6

Na ya vitidza mwana wewe muyai hagati homuliru, na ya ng'olera ku malesi, na ya kola busegetiri, na ya tsia ku avevigingi vya syukira, na vakumu: ya kola budamano bunyingi imbiri wa Yahova, kurnuvihiriridza.

2 Avami 23:10

Naye yononya Tofeti, ha veye mwivona lya avana va Hinom, mundu a ta vitidza mwana wewe muyai, kinga mwana wewe mukana ku muliru ku Moleku.

2 Avami 3:27

Hene yaho ya vugula mwana wewe, wa tanga kwivulwa, uyu wa dukana nelyameha mbugono bwibwe, nokumuhaana a duke kuva kihaanwa kyokusambirwa ku lidigi. Na ha li nobutima bunene ku Israeli; navo va mu leka, ni virana mu kivala kyavo.

Ayubu 29:6

Tsinyinga yitsyo tsinduvatiru tsyange tsyogidzangwa namaguta, Na lwanda lwa tsuka ku inze migera gyamaguta

Zaburi 50:9

Si nda vugula igiriki yomu inyumba yoyo, Kinga tsikole tsyomu kego kikyo.

Zaburi 51:16

Kigira ive si u sangaliranga kihaanwa; nkano nda ki haana: Si u yanzidzangwa na kihaanwa kyokusambwa.

Zaburi 51:18

U kolere Zioni bulahi mu liyanzidza lilyo: Wombake madigi ga Yerusalemi.

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Tsing'ano 21:3

Kukola agobulungi na agelikalaga Ga yanzidza Yahova kuvita kihaanwa.

Isaya 1:1

Yaga na malola ga Isaya mwana wa Amozu, ya lola ku makuva ga Yuda na Yerusalemi, mmadiku ga Uzia, na Jotham, na Ahazu, na Hezekia, avami va Vayuda.

Isaya 40:16

Na Lebanon si gu veye nobudukiru ku muliru, netsinyama tsyagwo tsyosi si tsi duki kuva kihaanwa kyokusambwa.

Jeremia 19:5

navombaki hadiguluku ha Baal, va duke kusamba avana vavo avayai ku muliru va ve vihaanwa vyokusambwa ku Baal; likuva lya nda vula kulaga, kandi lya nda vula kuvola, kandi lya vula kwingira mu mwoyo gwange:

Jeremia 6:20

Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

Jeremia 7:31

Na vombaka hadiguluku ha Tofethu, ha veye mwivona lyomwana wa Hinom kusamba avana vavo vayai navakana mu muliru; inkuva ya nda vula kulaga, kandi si yingira mu mwoyo gwange.

Ezekieli 23:37

Kigira va heyi, na makono gavo ga veye namasahi, na va heyi ku vifwananyi vyavo; kandi avana vavo vayai va vivulira inze, va mali kuvavitidza ku muliru va tsie kuvyo kusambwa.

Hosea 5:6

Va la tsia halala nevyayo vyavo vyamagondi netsing'ombe kwenya Yahova; navutswa si va la mu nyola mba: wivisi mwene kuvo.

Hosea 6:6

Kigira inze nyenyanga tsimbabasi, si nyenya vihaanwa; nelimanya Nyasaye nyenya nga kuvita vihaanwa vyokusambwa.

Kyavalevi 18:21

Kandi u ta haana kali mulala ku lwivulo lulwo kuvakola kuvita muliru kigira Moleku; kandi u ta lega lieta lya Nyasaye wowo: inze mbeye Yahova.

Kyavalevi 20:1

Na Yahova ya volera Musa, na a vola,

Amosi 5:22

Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu.

Filemona 1:12

wa ntuma yirane mwene ku ive, ngugwo ni mwoyo gwange ligali:

Vakalagi 11:31

hene yaho ga la va, ku vyosi ki twula mu viliango vyenyumba yange kuvugana ninze, lwa ngereranga nemirembe kutwula ku avana va Amon, kindu l yiki ki la va kya Yahova, naho nda ki haana ki ve kihaanwa kyokusambwa.

Vakalagi 11:39

Na ga duka ku kiheri kyemyeli gyiviri zana, yirana ku dada wewe, wa mu kolera kuli lilagana lilye lya ya laga: naye ya li na kikiri kumanya musatsa. Na gya li miima mu Israeli,

1 Samweli 15:22

Na Samweli ya vola, Yahova a veye neliyanza vihaanwa vyokusambwa nevisyuviriru, kuli a yanza lihulira umwoyo gwa Yahova? Henza, lihulira li veye lilahi kuvita vihaanwa, nelihuliridza li veye lilahi kuvita itinya yamagondi makole.