Mika 6:4 - KITABU KITAKATIFU

⁴ Kigira nda leta ive kwanegira kutwula mu kivala kya Egepeti, nda ku tungira u twule mu inyumba yobutugwa: na nda tuma mbiri wowo Musa, na Haruni, na Miriamu.

Mika 6:4 ပူးပေါင်းရင်းမြစ်များ

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

Zaburi 77:20

Wimirira avandu vovo kuli mwimiriri wekyayo, Nomukono gwa Musa na Haruni.

Kutwula 12:51

Kunangwa lidiku zana yili, Yahova ya twulidza avana va Israeli mu kivala kya Egepeti na amahe gavo.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 3:10

Kalunu, hamba na nda ku tuma u tsie ku Farao, u duke kutwulidza avandu vange avana va Israeli, va twule mu Egepeti.

Kutwula 4:10

Na Musa ya volera Yahova, Mwami, inze si mbeye mundu wa makuva, kutwula kale, kinga kuduka kalunu lwa u volerana na mutumekiri wowo; kigira mbeye welivola lya galaha, na lulimi lwange lu veye lwekivoyo.

Kutwula 4:16

Na uyu a la va umolomi wowo ku avandu; kunangwa, uyu a la va ku ive kuli munwa, na ive u la va kuye kuli Nyasaye.

Kutwula 6:27

Yavo nivo ava volera Farao mwami wa Egepeti, va duke kutwulidza avana va Israeli mu Egepeti: yava nivo Musa zana na Haruni.

Jeremia 32:21

na wa twulidza avandu vovo Israeli kutwula mu kivala kya Egepeti nevyokulolekidza nevyokugenya nomukono gwetsingulu, nomukono gwa nyirwa, nelitihidza linene;

Amosi 2:10

Kandi nda mwanegeridza kutwula Egepeti, na nda mwimirira mihiga makumi gane mwigendanyama, mu duke kugumira kivala kya Vaamori.

Livalidza 12:1

Na Miriamu na Haruni va monya Musa kigira mukali Mukushi wa ya kwa; kigira ya hila mukali Mukushi.

Livalidza 33:1

Yitsi ni tsing'endo tsya avana va Israeli, tsyelitwula lyavo mu kivala kya Egepeti, kuli amahe gavo mu mukono gwa Musa na Haruni.

Vikolwa 7:36

Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.

Kwidzulitsa 15:15

Na u lidzulitsa ive wa li mutugwa mu kivala kya Egepeti, na Yahova Nyasaye wowo ya ku boholola: kunangwa nku laga lilaga yili lero.

Kwidzulitsa 24:18

navutswa widzulitse wa li mutugwa mu Egepeti, na Yahova Nyasaye wowo ya ku bohololayo: kunangwankulaganga kukola likuva yili.

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Kwidzulitsa 5:6

Inze mbeye Yahova Nvasaye wowo, wa ku twulidza mu kivala kya Egepeti, mu inyumba yobutugwa.

Kwidzulitsa 7:8

navutswa kigira Yahova a mu yanza, na kigira yenya kudukidza lyesuha lya yesuhira avaguga venyu, kunangwa Yahova ya mu twulidza nomukono gwetsingulu, ya mboholola mu inyumba yo butugwa, mmukono gwa Farao mwami wa Egepeti.

Kwidzulitsa 9:26

Na nda saala Yahova, ni mbola, O Yahova Nyasaye, u ta dividza avandu vovo, miyandu gyigyo, ava wa boholola nobunene bubwo, ava wa twulidza Egepeti nomukono gwetsingulu.

1 Samweli 12:6

Na Samweli ya volera avandu, A veye Yahova wa vika Musa na Haruni, niye wanegeridza vaguga venyu va twule mu kivala kya Egepeti.