Mika 6:16 - KITABU KITAKATIFU

¹⁶ Kigira amalago ga Omri nigo ga gumirwa, nelikola lyosi lyenyumba ya Ahabu, na mu gendanga mu makuva ga yava: nduke kukukola hatswa, na yavo ava menyanga mu kukunukirwa: na mu la ginga linyegwa lyavandu vange.

Mika 6:16 ပူးပေါင်းရင်းမြစ်များ

1 Avami 18:4

kigira ga li ndiyo, lwa Jezebeli yiita vaprofeti va Ya hova, na Obadia ya vugula vaprofeti mia, na a va visa makumi gatano, gatano mu tsimbagaywa, na a va ha vyo kulia, nokuvaha madzi.)

1 Avami 9:8

Noku inyumba yiyi, kali ni i veye nobukumi kuli yibu, navutswa sa mulala u vitanga a la genya, nokuhuga; na a la vola, Ki gira ki Yahova u koli ndi kivala yiki, nenyumba yiyi?

2 Avami 16:3

Navutswa ya genda ku inzira yavami va Israeli, yee, ya vitidza mwana wewe hagati ho muliru, kuli livihiriridza lyavetsihiri, ava Yahova ya kunga va twule imbiri wavana va Israeli.

2 Avami 21:3

Kigira yombaka kandi hadiguluku ha dada wewe Hezekia ya sambula; naye yombakira Baal ubwali, na a lomba misala gyemisambwa, kuli Ahabu mwami wa Israeli ya kola, na a sigamira lihe lyosi lyomigulu, nokulitumekira.

2 Kyetsinyinga 22:4

Ya kola ubudamano mu tsimoni tsya Yahova, kuli yavo avenyumba ya Ahabu va kola: kigira va li avavoli veve inyima welikudza lya dada wewe, ku lidividza lilye.

2 Kyetsinyinga 34:25

Kigira va ndeka, nokuvuyidza vimuli ku vanyasaye vandi, va duke kumbihiriridza nemi yinzi gyosi gyamakono gavo; kigira yaga ubutima bwange bu tsukwa hano, bu la vula kusiminywa.

Zaburi 1:1

A veye nobugasu mundu u vula kugenda mu makuva gavoni Kandi u vula kusingira ku inzira ya vetsimbi, Kandi si yikala ku kisako kya vekihenyahenye:

Zaburi 44:13

U ku kola kuva avandu vokunyegwa ku vatende vetu, Nokuva avelisekwa na avekihenyahenye kuvo ava ku ku mbiridza.

Zaburi 44:14

U ku kola kukyaywa mu tsihiri, Nokuva lisung'usirwa mutwe mu avetsihiri.

Isaya 25:8

Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.

Isaya 9:16

Kigira yavo avemiriri vavandu yava va va kyaminya; navo va vandu yavo vimirira va dividzwa.

Jeremia 19:8

Na nda kola lidala yili kuva kyobugenyi nokukunukirwa: ku vosi u vita ahimbi kulyo a la genya nokukunuka kigira liduywa lyalyo lyosi.

Jeremia 25:18

Yerusalemi, namadala ga Yuda, navami vago, navanene vago, kuvakola va ve hatswa, nekyokugenya, nelikunukirwa, nelilaamwa, kuli ga veye lero;

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 29:18

Nda va londerera nekivavi, nenzala, nobulwaye, nda va twulidza va sigiswe yiyi neyiyi mu bwami bwosi bwelirova, va duke kuva lilaamwa, neligenyerwa, nelikunukirwa, nelinyegwa, mu tsihiri yitsyo tsyosi tsya nda va hila mu;

Jeremia 51:51

Kwinye ku veye isoni, kigira ku hulive manyego; mmoni mwetu mu kunikeywi nekihenda I mwoyo: kigira avageni vingiye mu hatakatifu henyumba ya Yahova.

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Lisyoma lya Jeremia 5:1

Widzulitse, O Yahova, vya duka ku kwinye: Henza, u lole linyegwa lyetu.

Ezekieli 39:26

Navo va la ginga tsisoni tsyavo, namahyolo gavo gosi aga va hyola ku inze, lwa va li menya nemirembe mu kivala kyavo avene, na si ha la va ho nomundu kali mulala wokuvatihidza;

Danyeli 9:16

O Mwami, kuli ubulungi bubwo bwosi nku saalanga ligali, u leke ubutima bubwo nelivihirirwa lilyo vi girunkanywe kutwula ku lidala lilyo Yerusalemi, kigulu kikyo kitakatifu; kigira ku bwoni bwetu, noku mahyolo gavaguga vetu, Yerusalemi na avandu vovo va gwiye amanyego ku vosi ava menya ku tsindulu tsyetu tsyosi.

Hosea 12:14

Efiraim ya vihirirwa nobutima ligali: kigira yaga masahi gege ga la lekwa kuye, na manyego gege, mwami a lirannya kuye mwene.

Hosea 5:11

Efiraim u dambidzeywi, u mineywi mu likalagirwa; kigira ya bugirira kugenda mu amalago gavandu.

Mika 2:6

Mu ta profeta mba, ni ndiyo va profetanga. Si va la profetera yava: amanyego si ga la twula.

Mika 6:13

Kigira yaga nda ku kuya nelikuya lisaleridzanga; nku koli u gwe hatswa kigira ubwoni bubwo.

Likunula 2:20

Navutswa mbeye nelikuva yili ku ive, u bugirira ku mukali uyo Jezebeli, welanga mwene muprofeti kandi yegidzanga nokugotidza avatugwa vange kutsia mbakana, nokulia vindu viitirangwa misambwa.