Mika 6:12 - KITABU KITAKATIFU

¹² Kigira avatugi va yaho vizuye kirage, na va menyanga mu va vehanga, na ululimi mminwa gyavo lu veye nobugadi.

Mika 6:12 ပူးပေါင်းရင်းမြစ်များ

Zaburi 120:2

O Yahova, u honnye mwoyo gwange ku minwa gyobubehi Noku ululimi lwobugadi.

Zaburi 35:20

Kigira si va vola mirembe mba; Navutswa va ganagana makuva gobugadi ku avemirembe mu kivala.

Zaburi 78:36

Navutswa va mu volera makuva madoto geminwa gyavo, Na va veha kuye nolulimi lwavo.

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 3:8

Kigira Yerusalemi li sambuywe, ne Buyuda bu gwiye; kigira tsinimi tsyavo nevikolwa vyavo vi hing'ana na Yahova, kuvihiriridza tsimoni tsyobukumi bwibwe.

Isaya 5:7

Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Jeremia 9:8

Lulimi lwavo lu veye mbano gwokwiita; lu volanga ubugadi: mundu mulala a volera wakye nemirembe mmunwa gwigwe, navutswa mu mwoyo gwigwe a mu gonekanga.

Hosea 7:1

Lwa nyanza kuhonnya Israeli, hene yaho ubudamano bwa Efiraim bu lang'aminyeywi, na ububi bwa Samaria; kigira va kola ububehi, nomwivi yingiranga mugati, nekiduma kyavanuli vononnyanga kyova.

Hosea 7:13

O bayaye ku yavo kigira va leka inze ni va tsia kugendagenda; ubudivi bu ve kuvo kigira va hyola ku inze: kali inze ni nda yanza kuvahonnya, navutswa va vola bubehi ku inze.

Amosi 2:4

Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

Amosi 6:4

ava gonanga ku vitali vyamino genzogu, na venyirira ku vitali vyavo, na va lia vimeme vi twula mu kyayo, nevimoli vi twulanga mu kego;

Zefania 1:9

Kandi mu lidiku yilyo nda kalagira vosi ava sira mukingi, yavo avizulitsa inyumba yomwami wavo kirage nobugadi.

Zefania 3:3

Avanene veve hagati hehe va veye ving'ang'a vi fwumanga; avakalagi veve va veye visalong'ongo vyamgo lova; si va lekanga ki tigala kuduka mugamba kali kilala mba.

Vikolwa 24:9

Kandi Avayuda va bugirira, ni va vola vindu yivi ni ndiyo vya li.

Varumi 3:13

Amadundu gavo ga veye kilindwa kyalamu; Netsinimi tsyavo va tumikiye ubugadi: Ubusungu bwenzoka bu veye mu minwa gyavo: