Mika 5:8 - KITABU KITAKATIFU

⁸ Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya.

Mika 5:8 ပူးပေါင်းရင်းမြစ်များ

Litanga 49:9

Yuda a veye mwana weking'ang'a; Mwana wange u diguluki kutwula ku kilanye: Ya kukuna, ya seta kuli king'ang'a, Kandi kuli king'ang'a kikali; ibwaha u li mu vukidza?

Zaburi 104:20

U lomba kisundi, na bu veye ubudiku, Mubwo tsinyama tsyomulitu tsi gendanga.

Zaburi 44:5

Ku la tsoma avasigu vetu netsi ngulu tsitsyo: Ku lieta lilyo ku la duvaga yava ava vukira kwinye.

Zaburi 50:22

Kalunu mu ganagane yiki, mwinye aviviriranga Nyasaye Gase nda mu donyannya, na a vule wokuhonnya:

Tsing'ano 30:30

King'ang'a ki veye netsingulu kuvita tsinyama tsyosi Na si ki girunkana kulekera inyama yindi inzira;

Isaya 5:29

lihuma lyavo li la va kuli lifwuma lyeking'ang'a, va la fwuma kuli ving'ang'a visoleli; yee, va la fwuma noku gumira vilanye, nokuvivugula va tsie navyo bulahi, na si ha la va nomundu kuvahonnya.

Ezekieli 39:10

va luhe va vule kutsia kuvugula tsinku mmulimi, kinga kutenya tsinku mmulitu; kigira va la lomba miliru gyevyuma vyobulwani; va la va hamba avahambe yavo ava li ni va va hamba avahambe, nokunuula yavo ava li ni va va nuula, Mwami Nyasaye a vola.

Hosea 5:14

Kigira nda va kuli king'ang'a ku Efiraim, na kuli king'ang'a kisoleli ku inyumba ya Yuda: inze, yee, inze mwene nda tandula na nda tsia; nda hila ihale, na si ha veye no nyaia kuhonnya.

Mika 2:12

Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

Mika 4:13

Si ngira u huule, O mukana wa Zioni; kigira nda kola lwiga lulwo kuva kivya, na tsimbagayu tsitsyo kuva mugasa; na u la duvaga avandu vanyingi: na vyambeti vyavo u la gima Yahova, nobutugi bwavo u la gima.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Mika 5:3

Kigira yaga a la va leka, kuduka inyinga yelivula lya uyu u lumangwa: inyinga yeyo ava tigala vavamwavo veve va lirana ku avana va Israeli.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Zekaria 10:5

Na va la va kuli avobunyali, va duvaga vasigu vavo mbudohi bwoku mahasi mbulwani; va la lwana kigira Yahova a veye halala navo; navo ava nina ku tsiparasi va la genya.

Zekaria 11:6

Kigira inze si nda vererera ava menyanga mu kivala yiki kandi mba, Yahova a vola: navutswa henza, nda va vika sa mulala mmukono gwomutende wewe, nommukono gwomwami wewe: na va la kuya kivala, na si nda va honnya kutwula mmakono gavo.

Zekaria 12:3

Na ga la duka ku lidiku yilyo, nda kola Yerusalemi kuva ligina liliduhu ku avandu vosi; vosi ava ginga musigo yigwo va laatwa tsing'oma ligali; netsihiri tsyosi tsyelirova tsi la vungidzwa halala kulyo.

Zekaria 14:18

Na bwiko bwa Egepeti ni va vula kwanegira, kinga ni va vula kudza, imbula si i la kupa kuvo mba; ipelegi i la va ho, ya Yahova a duyira tsihiri tsi vula kwanegira kutsia kulomba lilia lyamadiri.

Zekaria 9:15

Yahova wa mahe a la va sola; na va la lia nokuduvaga magina ga laswa nolu kova; na va la nwa, nokukupa liyoga kuli lyewaini; na va lizula kuli tsi ndavo, kali mu tsikona tsyobwali.

Malaki 4:3

Na mu la duvaga vadamano; kigira va la va ligoke isi wevirenge venyu mu lidiku lwa nda kola yaga, Yahova wa mahe a vola.

Livalidza 24:9

Ya goneka, nokugona hasi kuli king'ang'a Kandi kuli king'ang'a kikali; ubwaha a la mu vukidza? A gasidzwe ku vosi u ku gasidzanga, Na uyu u ku laamanga a laamwe.

Matayo 10:14

Ku vosi u ta mwingiridza kandi u ta hulira amakuva genyu, lwa mu li twula munyumba yeyo kinga mu lidala yilyo, mweye ulugukyi lwevirenge vyenyu.

Vikolwa 18:6

Lwa va hangalidzana naye ni va nyega, ya sung'usa ingubo yeye na a va volera, Masahi genyu ga ve ku mitwe gyenyu avene; inze ntigaye museredze: kutwula kalunu ntsitsa ku Tsihiri.

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu:

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;