Mika 5:5 - KITABU KITAKATIFU

⁵ Na mundu uyu a la va mirembe gyetu. Lwa Muasuria a lingira mu kivala kyetu, nokuduvaga mu tsinyumba tsyetu tsyobwami, hene yaho kulavukidza kuye avayi vatano na vaviri, navandu vanene vatano na vavaka.

Mika 5:5 ပူးပေါင်းရင်းမြစ်များ

Ayubu 5:19

A la honnya ive ku vivi vitano na kilala; Yee, kali mu vitano na viviri si ha veye nobudamano kali bulala bunyala kudira ive.

Zaburi 72:7

Mu madiku gege avalungi va la gasidzwa, Na mirembe minyingi kuduka mweli gu fweye.

Tsing'ano 30:18

Ha veye ho nevindu vivaka vyokugenya vyokuvita inze, Yee, vine vya nta manya:

Tsing'ano 30:29

Vi veye ho vibaka vyolugendo lulahi, Yee, vine vyolugendo lulahi:

Tsing'ano 6:16

Vi veye ho vindu vitano na kilala vya Yahova a dunyiranga; Yee, vitano na viviri vi veye vyokuvihiriridza kuye:

Kohelethu 11:2

U he ava ndu vatano na vaviri vidieli vyavo, yee, kali vatano na vavaka; kigira si u manya ni budamano ki ubu la va ku kivala;

Isaya 14:25

nda vunannya Muasuria mu kivala kyange, nda mu duvagira isi wevirenge mu vigulu vyange: kunangwa inira yeye i la twula kuvo, nemisigo gyigye gyi la twula ku ma vega gavo.

Isaya 44:28

u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Isaya 65:8

Yahova a vola ndi, Kuli iwaini impya i nyolekanga mu kiganda, na mulala a vola, U tononnya, kigira bugasu bu veye mukyo: ni ndiyo ndi kola ku vatumekiri vange, mbule kuvononnya vosi.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Jeremia 33:15

Mmadiku yago, nenyinga yeyo, nda sebukidzira Daudi Kisibu kyobulungi; naye a la kola likalaga nobulungi mu kivala yiki.

Amosi 1:3

Yahova a vola ndi: Ku mahyolo gavaka ga Damasko, yee, kuduka ku gane, si nda girunkannyira lihebwa mageli lyalyo; kigira va duvagi Gileadi nemivango gyekivya.

Amosi 1:6

Yahova a vola ndi: Kigira mahyolo gavaka ga Gaza, yee, kigira gane, si nda girunkannyira lihebwa mageli lyalyo; kigira va hila avandu vosi kutsia mbuhambe, kuvavika mmakono ga Edom.

Zekaria 10:11

Naye a la vita hagati henyanza yelidambidza, nokukuya viguvuli vyenyanza, noluliva lwosi lwomugera gwa Nile lu la kama; noluyai lwa Asuria lu likidzwa, na impimbo yobwami ya Egepeti i la gota.

Zekaria 10:3

Ubutima bwange bwaaki ku avayi, na nda kalagira tsikole; kigira Yahova wa mahe a henzanga kyayo kikye, inyumba ya Yuda, na a la va kola va ve kuli iparasi yeye indahi inyinga yobulwani.

Zekaria 12:6

Mu lidiku yilyo nda kola yavo avamehanga mu Yuda va ve luju lwomuliru mu tsinku, na kuli ulumuli lwomusala hagati heviganda vyengano; navo va la lia avandu vosi va kumbiridza tsimbega tsyosi, ku luvega lwomukono mulungi noku luvega lwomukono mmosi, ava Yerusalemi va la menya kandi mbugono bwavo, li vo a li veye ha Yerusalemi.

Zekaria 9:10

Na nda twulidza ligari lyobuiwani ku Efiraim, na iparasi ku Yerusalemi; na buta bwobulwani bu la twulidzwa: na a lilwadza mirembe ku vetsihiri: na lyameha lilye li la va kutwula ku inyanza yiyi ku duka ku inyanza yiyi, na kutwula ku Mugera ku duka ku kiheri kyelirova.

Zekaria 9:13

Kigira mmali kukumba Yuda a ve ku inze, mmali kwizulitsa ubuta na Efiraim; na nda vukidza avana vovo, O Zioni, ku avana va Ebugreki na nda ku kola kuva kuli kivavi kyomundu wobunyali.

Luka 2:14

Ubukumi bu ve igulu migulu ku Nyasaye. Nemirembe ku kivala ku vandu ava ya yanza.

Yohana 14:27

Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 19:14

Namahe gavasi kari ga veye migulu ava nina ku tsiparasi tsindavu, nokuvikwa ingubo yekatani indahi, nendavu ni siye ku, ga mu londa.