Mika 4:5 - KITABU KITAKATIFU

⁵ Kigira avandu vosi va genda sa mulala mu lieta lyomunya saye wewe; navutswa kwinye ku la genda mu lieta lya Yahova Nyasaye wetu mihiga nemihiga.

Mika 4:5 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

2 Avami 17:29

Navutswa tsihiri sa indala tsyelombera avanyasaye vavo avene, na va va vika mu tsinyumba tsya hadiguluku ha Vasamaria va lomba, ihiri sa indala mu lidala lyavo lya va menya mu.

2 Avami 17:34

Kuduka lero va kolanga kuli miima gyoku matsyambiri: si va tia Yahova mba, kandi si va kola kuli miima gyavo, kinga kuli likalaga lyavo, kinga kuli malago, kinga kuli lilaga lya Yahova ya laga avana va Yakobo, wa ya gulika Israeli;

Zaburi 20:6

Kalunu mmanya Yahova a honyanga mbake wewe A la mu tivulira kutwula muligulu lilye litakatifu Nobuhonnyi bwetsingulu tsyomukono gwigwe mulungi.

Zaburi 48:14

Kigira Nyasaye uyu ni Nyasaye wetu mihiga nemihiga: A la va mwimiriri wetu kuduka likudza.

Zaburi 71:16

Ndadza nevikolwa vyetsingulvya Mwami Yahova: Ndidzulitsa avandu ubulungi bubwo, na bubwo bweng'ine.

Isaya 2:5

O inyumba ya Yakobo, hambi, ku gende mu bulavu bwa Yahova.

Isaya 26:13

O Yahova Nyasaye wetu, avanene vandi va ta li ive, vamehi ku kwinye; navutswa ku ive weng'ine ku la tala lieta lilyo.

Isaya 26:8

Yee, ku lindiriye ive, O Yahova mu inzira yelikalaga lilyo; likayirwa lyemyoyo gyetu li yeki ku lieta lilyo, nokulidzulitsa lilyo.

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Zekaria 10:12

Nda va vika tingulu mus Yahova; na va la genda yiyi na yiyi mu lieta lilye, Yahova a vola.

Vikolwa 14:16

Naye inyinga yamakula aga vita, ya leka tsihiri tsi londe miima gyavo avene.

Kwidzulitsa 27:10

Kunangwa u hulire mwoyo gwa Yahova Nyasaye wowo, u kole malago gege nemiima gigye, ga nku laganga lero.

Vakolosai 2:6

Kunangwa kuli mwa vugula Kristo Yesu Mwami, mu gende ndiyo muye,

Vakolosai 3:17

Kandi ku vyosi vya mu kolanga mu makuva nomu likola, mu kolere vyosi mu lieta lyo Mwami Yesu, mu santidzere Nyasaye Dada ku uyu.

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.