Mika 4:4 - KITABU KITAKATIFU

⁴ Navutswa va likala sa mulala isi womuzabibu gwigwe kinga isi womukuyu gwigwe; si ha veye nomu ndu kali mulala u va tihidza mba: kigira munwa gwa Yahova wa mahe gu voye yaga.

Mika 4:4 ပူးပေါင်းရင်းမြစ်များ

1 Avami 4:25

Na Yuda na Israeli va menya bulahi, sa mulala isi womuzabibu gwigwe na isi womukuyu gwigwe, kutwula Dan kuduka Beersheba, madiku gosi ga Solomoni.

1 Avami 5:5

Na, henza, nsaavira kwombakira lieta lya Yahova Nyasaye wange inyumba, kuli Yahova ya volera Daudi dada wange, na a vola, Mwana wowo, wa ndi vika ku intebe yoyo yobwami mbugono bubwo, uyu a lombakira lieta lyange inyumba.

Ayubu 11:19

Kandi u la gona hasi, na si ha la va nowokukutihidza; Yee, vanyingi va lenya mmoni mumwo.

Zaburi 72:3

Vigulu vi la letera avandu mirembe, Kandi tugulu, mu bulungi.

Tsing'ano 3:25

U ta tia ubutihidzi bwa nonoho, Kinga ubwoneku bwavadamano lwa bu duka:

Isaya 1:20

navutswa ni i va mu sula nokwebaala, kivavi ki la mu lia; kigira munwa gwa Yahova gu vola yaga.

Isaya 17:2

Madala ga Aroeri ga lekwa; ga la va gevyayo vyamagondi ga gona yo, na si ha veye na u nyala kugatihidza.

Isaya 22:25

Mu lidiku yilyo musumari yigwo gwa dinyiridzirwa halahi gu la twula ho bugono bwagwo; Yahova wa mahe a vola, na gu la temagwa nokugwa hasi; na musigo gwa sungwa ku gu la twulidzwa; kigira Yahova ya vola.

Isaya 26:16

Yahova, mu kivi kyavo vadza ku ive; va saala lisaala lwa wa va ha mageli.

Isaya 32:17

Na miyinzi gyobulungi Yi la va mirembe; nelikola lyobulungi li la va bwehodzeridzi nelisuuvira mihiga nemihiga.

Isaya 36:16

Mu ta hulira Hezekia mba: kigira mwami wa Asuria a vola, Mu kole ninze mirembe, mu twule mudze ku inze; na mu lie sa mulala muzabibu gwigwe, na sa mulala amakuyu gege, na mu nwe sa mulala amadzi ga isiongo yeye mwene:

Isaya 40:5

nobukumi bwa Yahova bu la lang'aminywa, na vomubiri vosi halala va la bu lola: kigira munwa gwa Yahova gwa vola yaga.

Isaya 54:14

U la dinyeridzwa mu bulungi: u la va ihale ku lidambidza, kigira si u la tia mba; na ihale ku litihidza, kigira li la vula kwisunda himbi ku ive.

Isaya 58:14

hene yaho u leyanzidza mu Yahova; nda ku nyinnya ahadiguluku helirova; na nda ku lihidza miyandu gya Yakobo guga wowo: kigira munwa gwa Yahova gu mali kuvola yaga.

Jeremia 23:4

Na nda singeridza kuvo avayi, avokuvaya; na si va la tia kandi, kinga kutimuka enkolo, kandi si ha la va nomulala u gota, Yahova a vola.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Ezekieli 34:28

Na si va la va vilanye vyetsihiri kandi, kandi tsinyama tsyekivala si tsi la va lia kandi mba; navutswa va la menya nemirembe, na si ha la va no nyala kuvatihidza.

Ezekieli 38:11

na u la vola, Ndanegira ku kivala kyotu dala tu ta li netsingaga; nda tsia ku yava ava veye mu busosi, avamenya nemirembe, vosi va menya bugira tsingaga, na ava ta veye nemiluguyu kinga viribwa;

Ezekieli 39:26

Navo va la ginga tsisoni tsyavo, namahyolo gavo gosi aga va hyola ku inze, lwa va li menya nemirembe mu kivala kyavo avene, na si ha la va ho nomundu kali mulala wokuvatihidza;

Kyavalevi 26:6

Na nda mu ha mirembe mu kivala, na mu la gona, kandi si ha la va no nyala kumutihidza: na nda heridza tsinyama tsindamano mu kivala kyenyu, kandi kivavi si ki la vita mu kivala kyenyu.

Mika 5:3

Kigira yaga a la va leka, kuduka inyinga yelivula lya uyu u lumangwa: inyinga yeyo ava tigala vavamwavo veve va lirana ku avana va Israeli.

Zefania 3:13

Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Zekaria 3:10

Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.