Mika 4:10 - KITABU KITAKATIFU

¹⁰ U ve nelilumwa u kupe lukwili u duke kwivula O mukana wa Zioni, kuli mukali wivu langa; kigira kalunu u la twula mu lidala, na u la menya mu mulimi, na u la duka kali ku Babuloni: ha zana u la honnyirwa ho, ha zana Yahova a la ku tungira u twule mmukono gwavasigu vovo.

Mika 4:10 ပူးပေါင်းရင်းမြစ်များ

2 Avami 20:18

Kandi mu avana vovo avayai, ava li twula ku ive, ava ive u livula, va la va hila avahambe, navo va li va vitsiri mu inyumba yobwami yomwami wa Babuloni.

2 Avami 25:4

Ma va hudula lidigi lyelidala, navandu vosi velihe viruka ubudiku, va londa inzira yekiribwa kya li hagati ha madigi gaviri, kya li himbi nomulimi gwomwami (Vakalidei va li ni vigaliye lidala zana); nomwami ya tsia ku inzira ye Kereremu.

2 Kyetsinyinga 33:11

Ma Yahova ya leta kuvo avanya mpara velihe lyomwami wa Asuria wa vugula Manase na a boheywi munyororo, ni va mu vika kivya, na va tsia naye Babuloni.

2 Kyetsinyinga 36:20

Navo va hona ku kivavi ya tsia navo Babu loni; ni va gwa avatugwa kuye noku avana veve kuduka ku lyameha lya Vapersia:

2 Kyetsinyinga 36:23

Kurusi mwami wa Persia a volanga, Ubwami bwosi bwelirova Yahova, Nyasaye womigulu, u heye inze; kandi u lagi inze kumwombakira inyumba ha Yerusalemi, li veye mu Yuda. U veye ku mwinye mu avandu veve vosi, Yahova Nyasaye wewe ave naye, yanegire, a tsie.

Zaburi 106:10

Na ya va honnya ku mukono gwa uyu wa va dunyira, Nokuvananula ku mukono gwomusigu.

Isaya 43:14

Yahova, Mutungiri wenyu, Mutakatifu wa Israeli, a vola ndi: Kigira mwinye nda tuma mutumwa Babuloni, na ndikidza vosi kuli avakungi, kali Vakalidei, mu bwato bwelisangala lyavo.

Isaya 45:13

Mmu singeridzi mbulungi, na nda lungekidza tsinzira tsitsye tsyosi: a lombaka lidala lyange, na a la boholola avandu vange vadikidzwa, si ga veye ku litungwa kinga lihebwa madanyi, Yahova wa mahe a vola.

Isaya 48:20

Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Jeremia 13:4

Vugula mu sipi gwa u guli, gu veye mu kikenge kikyo, u singire, u tsie ku mugera gwa Farati u gu vise yo mu bogo bweligina.

Jeremia 15:21

Na nda honnya ive kutwula mmukono gwavadamano, na nda tungira ive kutwula mmukono gwa uyu u tihidzanga.

Jeremia 29:20

Kunangwa kigira yaga mu hulire likuva lya Yahova, mwinye vosi ava veye ku buhambe, ava nda hila Babuloni kutwula Yerusalemi.

Jeremia 4:31

Kigira mbuliye mwoyo kuli muoyo gwomukali u veye mu lilumwa, litsunwa kuli uyu wivulanga mwana wewe wokutanga, mwoyo gwomukana wa Zioni, uherananga kunyola mwika, nokunyira amakono gege, na a vola, O bayaye ku inze kalunu kigira mwoyo gwange gu kudzanga imbiri wa valumindi.

Jeremia 48:41

Keriothu li vuguywe, netsimpinga tsi gumeywi, lidiku yilyo myoyo gya valuviriri va Moabu gyi la va kuli mwoyo gwomukali u lumangwa.

Jeremia 52:27

Na mwami wa Babuloni ya va kuya, nokuviitira ha Ribila mu kivala kya Hamathu. Ni ndiyo Yuda ya hilwa mbuhambe nokutwulidzwa mu kivala kikye.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Hosea 13:13

Ubusaliri bwomukali u lumangwa bu la duka kuye: a veye mwana u ta veye nobugeeri; kigira inyinga i duki i ta dukana kusingira ha avana va hudula va twule.

Hosea 2:14

Kunangwa, henza, nda mu kwe sa neligoonya, nokumuhila mwigenda nyama, na nda mu volera makuva gokumuleminya mwoyo.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Mika 5:3

Kigira yaga a la va leka, kuduka inyinga yelivula lya uyu u lumangwa: inyinga yeyo ava tigala vavamwavo veve va lirana ku avana va Israeli.

Likunula 12:14

Kandi mukali ya hebwa amabaha gaviri gendidzu inene, a bulukire kutsia mwigendanyama ha bugono bwibwe, ha a lagiridzwa inyinga, netsinyinga, nenusu yenyinga, a twule imbiri wenzoka.