Mika 4:1 - KITABU KITAKATIFU

¹ Navutswa mu madiku gekiheri ga la va, kigulu kyenyumba ya Yahova ki la dinyeridzwa ku isonga yevigulu, na ki la nenehidzwa kuvita tugulu; navandu va la ng'unyana mukyo.

Mika 4:1 ပူးပေါင်းရင်းမြစ်များ

Litanga 49:1

Kandi Yakobo ya langa avana veve, na a vola: Mu vugane halala nduke kumuvolera aga li mu gwira mu madiku gadzanga.

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

Zaburi 110:3

Avandu vovo vehaana avene nobulaliri bwavo Ku lidiku lyetsingulu tsitsyo mu bulahi bwobutakatifu: Kutwula mu inda yamabwebwe U veye nelime lyobusoleri bubwo.

Zaburi 22:27

Viheri vyosi vyelirova vi lidzulitsa nokwirana ku Yahova; Kandi avetsinyumba tsyetsihiri tsyosi va la sigama imbiri wowo.

Zaburi 48:1

Yahova a veye munene, nowokwidzominywa ligali Mu lidala lya Nyasaye wetu, mu kigulu kikye kitakatifu.

Zaburi 86:9

Tsihiri tsyosi tsya wa lomba tsi la sigama imbiri wowo, O Mwami; Na va la kuminya lieta lilyo.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 43:6

nda volera kasikasini, Haana; na kusini, U tigalira mba; leta avayai vange kutwula ihale, navakana vange kutwula ku kiheri kyelirova;

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 54:2

U vambule ubwiyangu bwelihema lilyo, navo va sunde imbiri tsingubo tsyokukinga tsyobumenyo bubwo; u tigalira mba, u kole migoye gyigyo mitambi, u vike tsingulu ku vivambo vivyo.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Jeremia 26:18

Mika Mumorashiti ya profeta mmadiku ga Hezekia, mwami wa Yuda; na ya volera avandu vosi va Yuda, na a vola, Yahova wa mahe a vola ndi: Zioni li la limwa kuli mulimi, na Yerusalemi li la va vitumi, na kigulu kyenyumba ki la leng'ana na hadiguiuku homulitu.

Jeremia 3:17

Inyinga yeyo va la gulika Yerusalemi intebe yobwami ya Yahova; netsihiri tsyosi tsi la vugana ha Yerusalemi ku lieta lya Yahova: kandi si va la genda kandi kulonda budinyu bwomwoyo gwavo mudamano.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Jeremia 48:47

Kandi ndirannya lyadikidzwa lya Moabu mu madiku gekiheri, Yahova a vola. Likalagirwa lya Moabu li duki hano.

Ezekieli 38:16

u lanegira uudze ku ava ndu vange Israeli kulwana navo, kuli lilesi kukunika kivala; ga la va mu madiku gekiheri nda leta ive uudze kulwana nekivala kyange, tsihiri tsi duke kumanya inze, lwa ntakaswa mu ive, O Goga, imbiri wetsimoni tsyavo.

Ezekieli 40:2

Mu malola ga Nyasaye ya ndeta mu kivala kya Israeli, nokunsingeridza mu kigulu kitambi ligali, ikya li mu nelyombakwa lyelidala ku luvega lwa kusini.

Ezekieli 43:12

Yili ni lilaga lyenyumba: kwisonga ye kigulu, ku lwako lwakyo hosi ha la va hatakatifu ligali. Henza, yili ni lilaga lyenyumba.

Danyeli 10:14

Kalunu nduki ku kumannya aga li gwira avandu vovo mu madiku gekiheri; kigira madiku ge lilola ga kikiri amanyingi.

Danyeli 2:28

navutswa ha veye ho na Nyasaye migulu u vuulanga vi viseywi, uyu u mannyi mwami Nebukadinezaru, makuva aga li va ho mu madiku gekiheri. Liloto lilyo, na malola gomutwe gugwo ku kitali kikyo, ga veye yaga:

Danyeli 2:35

Hene yaho kivya, nobudohi, nomugasa, nefetha, na ithahabu, vya donyannywa halala, nokugwa kuli mukudzi gwo uloze gwekimei; na imbuudza ya vi hila, kuduka vi ta li na hokuva: na ligina lya duya kifwananyi lya gwa kigulu kinene, nokwizula lirova lyosi.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Danyeli 7:18

Navutswa avatakatifu va U Veye Igulu Ku Vyosi va la vugula ubwami, nokwameha mihiga gyosi, kuduka mihiga nemihiga.

Danyeli 7:22

kuduka Muhindira wa madiku ya duka, na avatakatifu va U Veye Igulu Ku Vyosi va hebwa likalaga, na inyinga ya duka ya vatakatifu va gumira ubwami.

Danyeli 7:27

Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Mika 3:12

Kunangwa Zioni li la limwa kigira mwinye, na Yerusalemi li la gwa vitumi, na kigulu kyenyumb ki la va kuli hadiguluku homulitu.

Zekaria 14:10

Na kivala kyosi ki la girunkannya kuli kivala kereremu, kutwula Geba kuduka Rimon ku luvega lwa kusini wa Yerusalemi; na li la gingwa igulu, nokumenya habugono halyo, kutwula ku kiribwa kya Benjamini kuduka ku kiribwa kyokutanga, kuduka ku kiribwa kyolwiga, nokutwula ku kitaradzi kya Hananeli kuduka ku vyokumina iwaini vyomwami.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Zekaria 8:3

Yahova a vola: Mmali kwirana ku Zioni, na nda menya hagati ha Yerusalemi: na Yerusalemi li la langwa Lidala lya geligali; na Kigulu kya Yahova wa mahe, Kigulu kitakatifu.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Vikolwa 2:17

Nyasaye a vola, ku madiku gekiheri, Nda tsuka Roho wange ku vandu vosi: Navayai navakana venyu va la profeta Navasoleii venyu va la lola malola Navasakulu venyu va la lota maloto:

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

2 Petro 3:3

mu litanga kumanya likuva yili, mu madiku gekiheri avekihenyahenye va ladza nekihenyahenye ava gendanga kuli likayirwa lyavo avene,

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.