Mika 3:7 - KITABU KITAKATIFU

⁷ Na valoli va la va isoni, na vasegetiri va la genya; yee, vosi va la kunika minwa gyavo; kigira si ha veye nelitivula lya Nyasaye.

Mika 3:7 ပူးပေါင်းရင်းမြစ်များ

Zaburi 74:9

Si ku lola lilolekidza lyetu: Kandi muprofeti si a tigala; Kandi si ha veye ku kwinye umanyi tsinyinga tsyanga.

Kutwula 9:11

Na avasegetiri si va nyala kusingira imbiri wa Musa kigira mavimba; kigira mavimba ga li ku avasegetiri, noku Avaegepeti vosi.

Isaya 44:25

U heridzanga vilolekidzu vya yavo avobehi, nokukola avasegetiri kugwa avalalu; wirannyanga avageeri inyi ma, nokukola bugeeri bwavo kuva lubusiru;

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Ezekieli 24:17

U kenye, navutswa ga ta va ha vulavu, ku lihulirwa mba, u ta syomera uyu wa kudza; wivike kigudu kikyo, wivike vilatu vivyo, u ta kunika minwa gyigyo mba, u vule kulia vyokulia vyavandu.

Ezekieli 24:22

Mu la kola kuli wa inze nda kola: mu la vula kukunika minwa gyenyu, kandi mu la vula kulia vyokulia vyavandu.

Kyavalevi 13:45

Na mugere u veye nelilwala yili, tsingubo tsitsye tsi la tandulwa, na lisu lyoku mutwe gwigwe li la yunguvala, na a la boha munwa gwigwe gwegulu, na a la hanzuka, Mbeye mudamano, mbeye mudamano.

Amosi 8:11

Henza, madiku ga ladza, Mwami Nyasaye a vola, Mmadiku yago nda leta inzala mu kivala, si i la va inzala Yobukima kinga ubuluhu bwamadzi, navutswa inzala yelihulira makuva ga Yahova.

Mika 3:4

Inyinga yeyo va lanira Yahova, navutswa a la vula kuvativulira; yee, a la visa mmoni mwimwe va vule kumulola inyinga yeyo, kuli va koli budamano mu likola lyavo.

Mika 7:16

Vetsihiri va la lola, no kuva isoni ku bunyali bwavo bwosi; va la kunika minwa gyavo na makono gavo; amatu gavo ga la hana.

Zekaria 13:4

Na ga la duka mu lidiku yilyo, avaprofeti va la va netsisoni sa mulala kigira lilola lilye, lwa a profetanga; kandi si va livika ingubo yobwoya va duke kugada:

1 Samweli 14:37

Na Saulo ya teva livola lya Nyasaye, Nda sulunguta nokulonda Vafilisiti naho? U la va vika mmukono gwa va Israeli? Navutswa si ya mu tivulira lidiku yili mba.

1 Samweli 28:15

Na Samweli ya volera Saulo, Kigira ki ive u ndambidzi nokumbukidza? Na Saulo ya tivula, Inze mbeye mu lisaliridzwa ligali; kigira Vafilisiti va lwananga na inze, na Nyasaye u ndeki, na si ya ntivulira, kinga na vaprofeti, kinga na malola: kigira yaga nda langa ive, u nungike aga nda kola.

1 Samweli 28:6

Na Saulo lwa ya teva Yahova, Yahova ya vula kumutivulira, kinga na malola, kinga na Urim, kinga navaprofeti.

1 Samweli 9:9

(Kale mu Israeli, mundu lwa ya tsitsanga kuteva kindu ku Nyasaye, ya volanga ndi, Ku tsie ku muloli; kigira uyo a langwa kalunu Muprofeti, kale ya langwa Muloli.)