Mika 3:5 - KITABU KITAKATIFU

⁵ Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.

Mika 3:5 ပူးပေါင်းရင်းမြစ်များ

Tsing'ano 28:21

Si bu li bulahi kwelidza avandu; Kinga mundu kukola mahyolo kunyola lidonye lyobukima.

Isaya 3:12

Makuva gava ndu vange, avana va va dambidza, na vakali vameha kuvo. O avandu vange, yavo ava kwimiriranga va ku kyaminyanga, va dividzanga inzira yetsinzira tsitsyo.

Jeremia 23:27

Ava ganagananga kunga avandu vange vivirire lieta lyange kigira maloto gavo ga va voleranga mundu sa mulala nowakye, kuli avaguga vavo vivirira lieta lyange kigira Baal.

Jeremia 23:32

Henza mbeye nobusigu ku yavo ava profetanga amaloto gobubehi, Yahova a vola nokugavola, nokwikigitalidza avandu vange na makuva gavo gobubehi; nelyegingira lyavo lya vutswa: navutswa inze si nda va tuma mba, kandi si nda va laga; kandi si va konya avandu yavo kali hakuzu mba, Yahova a vola.

Jeremia 6:14

Va honnyi ulugoma lwa avandu vange hakekeke vutswa, ni va vola, Mirembe, mirembe; inyinga mirembe gyi ta veye ho.

Jeremia 6:4

Mu lombe ubulwani kuye; mu vuke, kwanegire inyinga yombasu hagati. Bayaye ku kwinye kigira mbasu gu simi, kigira viriri vyomgolova vi tambihi.

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Ezekieli 13:9

Mukono gwange gu la va ku vaprofeti va lolanga vindu vya vutswa, ava segetiranga ububehi: si va la va mu makuva gavandu vange, kandi si va la ng'odwa mu mang'oda genyumba ya Israeli, kandi si va lingira mu kivala kya Israeli, na mu la manya inze mbeye Mwami Nya saye.

Hosea 4:5

Na ive u likigitala mu inyi nga yombasu, na muprofeti kandi a likigitala halala nive mu inyinga yobudiku; na nda dividza mama wowo.

Joeli 3:9

Mu landidze yaga mu tsihiri; mwe tegekidze ku bulwani, mu vukidze avasatsa vetsingulu; avasatsa vosi vobulwani visunde himbi, vanegire.

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Malaki 2:8

Navutswa mwa girunnkana nokuleka inzira zana; mwikigitalidzi avanyingi mu lilaga; mwononnyi lilagana lya Levi, Yahova wa mahe a vola.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

Varumi 16:18

Kigira ava veye ndi si va tumekira Kristo Mwami wetu, navutswa va tumekira inda yavo, kandi va gada myoyo gya yava ava ta li nobudamano ku livola lyavo lidoto.