Mika 3:11 - KITABU KITAKATIFU

¹¹ Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Mika 3:11 ပူးပေါင်းရင်းမြစ်များ

Tsing'ano 17:23

Mundu mudamano a vugulanga kikuikula mu kiritu A kyaminye tsinzira tsyelikalaga.

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 48:2

(kigira velanga avene va veye avandu velidala litakatifu, nokwidira ku Nyasaye wa Israeli; welieta lilye li langwa Yahova wa mahe):

Isaya 5:23

avahedzanga mudamano ubulungi ni va vugula kikukula, na va nuula wobulungi ubulungi bwibwe.

Isaya 56:11

Yee, tsimbwa yitsyo tsi veye tsimpuvali kazozo, si tsi nyola liguta mba; kandi yava va veye avayi ava ta manya kindu: va girunkani sa mulala kulonda inzira yeye mwene, sa mulala ku vyambeti vivye, kutwula ku tsimbega tsyosi.

Jeremia 23:17

Va voleranga kazozo yavo ava leganga inze, va vola, Yahova a voye, Mu la nyola mirembe; nomundu sa mulala u gendanga nobudinyu bwomwoyo gwigwe va mu volera, Ubudamano kali bulala si bu la mu nyola mba.

Jeremia 26:7

Navasalisi navaprofeti navandu vosi va hulira Jeremia lwa ya vola makuva yaga mu inyumba ya Yahova.

Jeremia 5:12

Vambakani Yahova, nokuvola, Uyu si a li iye mba; kandi si ku la lola kivavi kinga inzala mba:

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 7:4

Mu ta suuvira ku makuva gobubehi, kuvola, Litempeli lya Yahova, litempeli lya Yahova, litempeli lya Yahova, ni yava.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Ezekieli 34:2

Ivemwana womundu, profeta ku avayi va Israeli profeta, u va volere, kali ku avayi Mwami Nyasaye a vola ndi, O bayaye ku avayi va Israeli aveyayanga avene si ga dukiranga avayi kwaya magondi?

Hosea 4:18

Kyokunwa kyavo ki gwiye kilulu; va londanga malaya kazozo; avamehi veve va yanza tsisoni ligali.

Hosea 4:8

Avene velihidzanga mu ubwoni bwavandu vange, na va vikanga mu myoyo gyavo ubudamano bwavo.

Amosi 5:14

Mwenye bulahi, mu tenya budamano, mu duke kuva mwoyo; ni ndiyo Yahova, Nyasaye wa mahe, a la va halala nive, kuli mu vola.

Amosi 9:10

Avobwoni vosi vavandu vange va la kudza nekivavi yavo ava volanga, Ubudamano yibu si bu la ku nyola, kinga kuvugana nekwinye.

Mika 3:5

Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.

Mika 7:3

Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi.

Zefania 3:3

Avanene veve hagati hehe va veye ving'ang'a vi fwumanga; avakalagi veve va veye visalong'ongo vyamgo lova; si va lekanga ki tigala kuduka mugamba kali kilala mba.

Zefania 3:4

Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage.

Malaki 1:10

Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

Malaki 2:9

Kigira yaga mmali kukolera mwinye avokulegwa na vahanzahanza imbiri wa avandu vosi, kuli mwinye mwa vula kulinda tsinzira tsyange, navutswa mwa li nelyelidza ku vandu mu malago.

Livalidza 16:15

Na Musa ya vihirirwa ligali, na a volera Yahova, U ta bugirira kihaanwa kyavo: inze si nda vugula kali isukiri indala kuvo, kandi si nda saliridza mundu kali mulala kuvo.

Livalidza 22:7

Na avakulundu va Moabu na avakulundu va Midiani va tsia ni va ginga madanyi gokulagulira mu makono gavo; na va duka ku Balaam, ni va mu volera makuva ga Balaki.

Matayo 3:9

mu ta ganagana mkiritu, mu vole, Ku veye na guga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga.

1 Timoteo 3:3

a ta va muhambiki, a ta va wekizalo; navutswa a ve muhooma, a ta va mutindi, u ta yanza ifetha;

Tito 1:11

ava ga dukiranga mi nwa gyavo gyi kunikwe; va veye ava i tung'aminyanga avetsinyumba vosi vegidzanga vindu vi ta dukana kigira vyambeti vidamano.

1 Petro 5:2

Mu linde kyayo kya Nyasaye ki veye ku mwinye, nokukihenza, ga ta va ku linigwa, navutswa ku mwoyo gwobuyanzi, kuli ubulaliri bwa Nyasaye: kandi ga ta va kigira linyola ubutugi budamano, navutswa nomwoyo gwobugulu;

Yudasi 1:11

O bayaye bu ve kuvo kigira va londa inzira ya Kaini, nokunyagulira ligali lihyolo lya Balaam kigira madanyi, nokudiva mu bwebaali bwa Kora.

1 Samweli 8:3

Navana veve va vula kugenda mu tsinzira tsitsye, navutswa va tsia haluvega kulonda ubutugi, na va vugula vikukula, nokukyaminya likalaga.