Mika 2:3 - KITABU KITAKATIFU

³ Kunangwa Yahova a vola ndi: Henza, inze nsaaviye budamano ku bwiko yibu, bwa mu vula kunyala kutwulidza magoti genyu kubwo, kandi si mu la genda mu luyai; kigira i veye inyinga indamano.

Mika 2:3 ပူးပေါင်းရင်းမြစ်များ

Isaya 29:20

Kigira mutihidzi u heridzeywi, nomulegi u heri, na vosi ava lindiriranga ubu damano va twulidzeywi;

Isaya 3:16

Kuvita yaga, Yahova a vola, Kigira avakana va Zioni vegingira, na va gendanga namagoti manyiriku, netsimoni tsinyumu, ni va genda ku litematema inzira, nokutuula muliviti gwetsinyambula tsyomu virenge vyavo;

Isaya 5:19

navo ava volanga, A kole bwangu, yanguhidze miyinzi gyigye ku gyi lole; na makuva go Mutakatifu wa Israeli gesunde himbi gadze, ku ga manye

Jeremia 18:11

Kunangwa kalunu, u volere avandu va Yuda, na va menya mu Yerusalemi, u vole, Yahova a vola: Henza, nombanga ubudamano ku mwinye, nokusaavira lisaava ku mwinye: mwirane kalunu sa mulala a leke inzira yeye indamano, mu lombe tsinzira tsyenyu, nevikolwa vyenyu.

Jeremia 27:12

Nda volera Zedekia mwami wa Yuda kuli makuva yaga gosi, ni mbola, Mu vike amagoti genyu isi wenira yomwami wa Babuloni, mu mu tumekire uyu navandu veve, mu ve mwoyo.

Jeremia 34:17

Kigira yaga Yahova a vola: Mwinye si mu huliye inze mba, kulandidzanira makuva gelibohololwa, mundu sa mulala namwavo wewe, na sa mulala nowakye: henza, inze nandidzira mwinye amakuva gelibohololwa, Yahova a vola, li veye libohololwa lyekivavi, nobulwaye, nenzala; na nda kola mwinye ku sigiswa yiyi neyiyi mu bwami bwosi bwomu lirova.

Jeremia 36:23

Na gaduka, Jehudi lwa ya mala kusoma miliango gyivaka kinga gyine, mwami ya li kalaga na kabano, na a li ta ku muliru gwa li gwaakanga ku mahiga, kuduka ni li mala ku hya lilinga lyekitabu kyosi mu muliru gwa li ku mahiga.

Jeremia 43:2

hene yaho Azaria mwana wa Hoshaia, na Johanan mwana wa Karea, navandu vosi avoluyai, va vola, ni va volera Jeremia, Ive u volanga bubehi: Yahova Nyasaye wetu si a ku tumi kuvola, Mwinye mu ta tsia Egepeti kumenya yo;

Jeremia 8:3

Na yavo ava tigala ku bwiko budamano yibu va la tovola likudza imbiri welivamwoyo, hosi ha nda va hila, Yahova wa mahe a vola.

Lisyoma lya Jeremia 1:14

Inira ya mahyolo gange, mukono gwigwe gu gi bohi; Ga hambannyeywi halala, ga nini kwigoti lyange; u heridzi tsingulu tsyange: Yahova u mbiki mu makono gavo, ava nta nyala ku singira kuvo mba.

Lisyoma lya Jeremia 2:17

Yahova u koli aga ya saavira; u dukidzi likuva lilye lya ya laga mmadiku ga kale; U tsomi hasi, si ya vera tsimbabasi mba: Ya ha musigu lisangala ku ive; ya kuminya lwiga lwa yavo ava dambidzanga ive.

Lisyoma lya Jeremia 5:5

Ava ku londerera va veye ku magoti getu Ku luhi, si ku lola bwelemeridzi mba.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Amosi 2:14

Na hokwiruka ha la gota ku yavo avetsimbiru; kandi wetsingulu si a la meda tsingulu tsitsye; kandi wobuluviriri si a lehonnya mwene;

Amosi 3:1

Huliri likuva yili lya Yahova a vola ku mwinye, O avana va Israeli, ku aviko vosi ava ndanegeridza mu kivala kya Egepeti, ni mbola

Amosi 3:2

Mwinye veng'ine va nda manya ku bwiko bwosi bwomu lirova: kuna ngwa nda galukidza ku mwinye ubudamano bwenyu bwosi.

Amosi 5:13

Kunangwa u ve neliganagana a la kiring'ana inyinga kuli yiyi; kigira i veye inyinga indamano.

Mika 2:1

O bayaye ku yavo ava saaviranga vidamano nokukola budamano ku vitali vyavo lwa bu kyedzanga, va bu tumekiranga, kigira bu veye mu bunyali bwa makono gavo.

Varumi 16:4

ava haana magoti gavo kigira livamwoyo lyange; si mba santidza tsyeng'ine, navutswa mavugano gosi ge Tsihiri:

Vafeso 5:16

mwegulire ubwiyangu, kigira tsinyinga tsi veye tsindamano.

Kwidzulitsa 28:48

kunangwa u la tumekira avasigu vovo ava Yahova a leta ku ive, nenzala, nobuluhu, nekyahonyo, nobudaka bwevindu vyosi: naye a la ku vika inira yekivya kwigoti lilyo, i luhe i ku dividze.

Yakobo 2:13

Kigira likalaga si li veye netsimbabasi ku uyu u ta li netsimbabasi: tsimbabasi tsiidzominyanga ku likalaga.