Mika 2:2 - KITABU KITAKATIFU

² Na va kayirangwa milimi, nokugyigumira; netsinyumba kandi, nokutsihila: na va dambidzanga mundu nenyumba yeye, yee, va dami)idzanga mundu nemiyandu gyigye.

Mika 2:2 ပူးပေါင်းရင်းမြစ်များ

1 Avami 21:1

Inyima wevindu yivi, ga duka, Nabothu Mujezireeli ya li nekizabibu, kya li mu Jezireeli, himbi ne nyumba yobwami ya Ahabu mwami wa Samaria.

2 Avami 9:26

Ligali ndoli masahi ga Nabothu mgolova, na masahi gavana veve, Yahova a vola; na nda ku vanzira mu kidieli yiki, Yahova a vola. Kunangwa kalunu u mu ginge, u mu te mu kidieli zana, kuli livola lya Yahova.

Ayubu 31:38

Kivala kyange ni ki va ni ki kupa lwanga ku inze, Na tsinkumbe tsyakyo kulira halala;

Kutwula 20:17

U ta kayirwa inyumba yowakyo mba, u ta kayirwa mukali wowakyo mba, kinga mutugwa muyai wewe, kinga mutugwa mukana wewe, kinga ing'ombe yeye, kinga isukiri yeye, kinga kilala ku vyosi vya a veye navyo.

Isaya 3:14

Yahova a lingira mu likalaga navakulundu vavandu veve navanene vavo: Ni mwinye ava mali kulia mulimi gwamazabibu; vyalanywa ku vadaka vi veye mu tsinyu mba tsyenyu:

Isaya 5:8

Ubudamano bu veye kuvo ava medanga inyumba ku inyumba yindi, na va hambannya mulimi ku mulimi gundi, ubwiyangu bu luhe bu dake, na mwinye ga mu dukiye kudalang'ana hagati hekivala

Jeremia 22:17

Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.

Ezekieli 18:12

noku dambidza avadaka navadambi, nokunuula avandu nekirage, wa vula kwirannya kihambiriru, wa ginga tsimoni tsitsye kuhenza vifwananyi, wa tumekira kivihiri,

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Ezekieli 22:13

Kunangwa, henza, kigira yaga inze mwene nkong'ondi amakono ku vyambeti vivyo vya wa nyolera ku ga ta li bulungi, noku masahi gogo aga li mu ive.

Ezekieli 33:26

Mu singira ku kivavi kyenyu, mu kola kivihiri, mwononnya mukali sa mulala wowakye: na mwinye mu la nyola kivala yikyo?

Ezekieli 45:9

Mwami Yahova a vola ndi: Ga mu dukira, mwinye avanene va Israeli: mu twulidze kirage nobunuuli, na mu kole likalaga nobulungi; mu twulidze linyaga lyenyu vindu vyavandu vange, Mwami Yahova a vola.

Ezekieli 46:18

Kandi munene a la vula kuvugula ku miyandu gyavandu, kuvasindika nokuvatwulidza mu miyandu gyavo; a la ha avayai veve miyandu mu vindu vivye mwene, avandu vange va vule kusalanywa sa mulala kutwula mu miyandu gyigye.

Ezekieli 8:17

Hene yaho ya mbolera, U loli yaga, Ive mwana womundu? U lolanga ndi, ki veye kyangu ku inyumba ya Yuda kukola kivihiri yiki kya va kolanga hano? Kigira va mali kwizulitsa kirage ku kivala, na va girunkani kandi va duke kuvihiriridza inze: na henza va vika lusya ku amolo gavo.

Amosi 2:7

yavo ava heraniranga ulugukyi lwelirova lu veye ku mitwe gyavadaka, nokukyaminya inzira yomuhooma: na muyai na dada wewe vingira kuva nomkana mulala, kuvika budamano ku lieta lyange litakatifu:

Amosi 4:1

Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

Amosi 8:4

Mu hulire yaga, O mwinye avenyanga kumira avadambi, nokuheridza avadaka mu kivala,

Mika 3:9

Mwadza, mu hulire yaga, mwinye ava mu veye mitwe gyenyumba ya Yakobo, na mwinye avamehanga mu inyumba ya Israeli, avadunyiranga likalaga, nokukyaminya ubulungi.

Mika 6:12

Kigira avatugi va yaho vizuye kirage, na va menyanga mu va vehanga, na ululimi mminwa gyavo lu veye nobugadi.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

1 Timoteo 6:10

Kigira kitinya kyobudamano tsing'ano tsyosi ki veye liyanza ubutugi: bwa valala vivika mu likayirwa va goti kandi va twuli ku lisuuvira, kandi nokwetumita avene nobusaliri bunyingi.