Mika 2:13 - KITABU KITAKATIFU

¹³ Wononnya wanegiye imbiri wavo: va sambuye ni va viti ha kiribwa, na va twuli ha kiribwa; mwami wavo wimiye imbiri wavo, na Yahova wimiye kuva mu mutwe gwavo. Na nda vola, Mwadza, mu hulire.

Mika 2:13 ပူးပေါင်းရင်းမြစ်များ

Kutwula 14:19

Kandi ingelosi wa Nyasaye ya vimirira imbiri welihe lya Israeli, ya twula yo ni yirana inyima wavo; na munara gwelilesi gwa twula imbiri wavo, nokusingira inyima wavo;

Isaya 42:7

kukunula tsimoni tsi ta lolanga, kuvatwulidza mbuhambe avabofwa, na ava menyanga mu kisundi kuvatwulidza mu inyumba yavahambe.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 52:12

Kigira si mu la tsia kyova bwangu bwangu, kandi si mu la genda neliruka: kigira Yahova a limira imbiri wenyu; na Nyasaye wa Israeli a la va wokumulonda inyima.

Isaya 55:4

Henza, mali kumuhaana a ve muloli imbiri wavandu, mwimiriri nomunene wavandu.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Hosea 1:11

Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.

Hosea 13:14

Inze nda va honnya kutwula ku tsingulu tsyekihadisi; nda va honnya kutwula ku likudza: O likudza, ma duya gogo ga veye haliha? O Kihadisi, lidividza lilyo li veye haliha? Lyeganira li la viswa ku tsimoni tsyange.

Hosea 2:2

Mu hing'ane na mama wenyu mu hing'ane; kigira si a veye mukali wange, kandi si mbeye musatsa wewe; a vike ihale ubuheyi bwibwe bu twule imbiri wewe, namakuva gobuheyi a ga twulidze hagati he tsimbere tsitsye;

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Mika 2:12

Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

Mika 3:1

Mwinye ava veye mitwe gya Yakobo, na mwinye avamehanga mu inyumba ya Israeli: si ga dukanga mwinye kumanya likalaga?

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Zekaria 10:12

Nda va vika tingulu mus Yahova; na va la genda yiyi na yiyi mu lieta lilye, Yahova a vola.

Vahebraina 6:20

ha Yesu yingiye kigira kwinye, kuli mwimiriri wetu, u mali kugwa musalisi munene wemihiga nemihiga ku lugano lwa Melikizedeki.

Joshua 3:6

Kandi Joshua ya volera vasalisi, nokuvola, Mu gingi lisanduku lyelilagana, mu tange kwambuka. Navo va ginga lisanduku lyelilagana, na vimirira avandu.

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.