Mika 2:12 - KITABU KITAKATIFU

¹² Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

Mika 2:12 ပူးပေါင်းရင်းမြစ်များ

Litanga 36:33

Na Bela ya kudza, na Jobabu mwana wa Sera wa Bozra yameha mbugono bwibwe.

1 Kyetsinyinga 1:44

Na Bela ya kudza, na Jobabu mwana wa Zera wa Bozra yameha mbugono bwibwe.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 27:12

Na ga la va mu lidiku yilyo, Yahova a la hula amakuyu galyo kutwula ku kisenukiru kyo Mugera kuduka ku mugera gwa Egepeti; na mu la vungidzwa sa mulala, O mwinye avana va Israeli.

Isaya 34:6

Ki vavi kya Yahova kizuye masahi, ki komeridziywi nobunolu, namasahi gavana vamagondi netsimbuli namaguta getsimbigu tsyamagondi makole: kigira Yahova a veye nekihaanwa ha Bozra, na liita linene mu kivala kya Edom.

Isaya 5:17

Inyinga yeyo avana va magondi va leyaya kuli va veye mu kyayiru kyavo avene, na hatswa hosi havakomeru vagendagendi va la lia.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 3:18

Mu madiku yago inyumba ya Yuda i la genda halala nenyumba ya Israeli, navo va ladza halala kutwula ku kivala kya kasikasini, kuduka ku kivala kya nda ha avaguga venyu kuva imiyandu gyavo.

Ezekieli 34:11

Kigira Mwami Nyasaye a vola ndi: Henza, inze mwene, yee, inze, ndenya magondi gange, nokuganyola.

Ezekieli 34:13

Na nda ga twulidza mu avandu, nokugavungidza ga twule mu vivala yivyo, na nda ga vika mu kivala kyago kyene; na nda gaya mu vigulu vya Israeli, himbi nemigerera gya madzi, na hosi mu kivala kyavandu va menya mu.

Ezekieli 34:22

kunangwa nda honnya kyayo kyange, na si ga la va vilanye kandi mba; na nda kalaga hagati he ligondi neligondi.

Ezekieli 34:31

Na mwinye amagondi gange, amagondi gekyayiru kyange, mu veye avandu, na inze mbeye Nyasaye wenyu, Mwami Nyasaye a vola.

Ezekieli 36:37

Mwami Nyasaye a vola ndi: Kandi kigira inkuva yiyi inyumba ya Israeli i la teva inze, mba kolere: nda va meda navandu kuli kyayo kyamagondi.

Ezekieli 37:21

U va volere, Mwami Nyasaye a vola ndi: Henza, nda vugula avana va Israeli va twule hagati hetsihiri, tsya va tsia mu, na nda va vungidza tsimbega tsyosi, noku va leta nokuvavika mkivala kyavo avene:

Hosea 1:11

Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.

Amosi 1:12

Navutswa nda leta muliru ku Teman, na gu la samba tsinyumba tsya Bozra tsyobwami.

Mika 2:13

Wononnya wanegiye imbiri wavo: va sambuye ni va viti ha kiribwa, na va twuli ha kiribwa; mwami wavo wimiye imbiri wavo, na Yahova wimiye kuva mu mutwe gwavo. Na nda vola, Mwadza, mu hulire.

Mika 4:8

Na ive kitaradzi kyekyayo, kigulu kyomukana wa Zioni, ki ladza ku ive, yee, lyameha lyakale li ladza, bwami bwomukana wa Yerusalemi.

Mika 5:7

Na avatigala va Yakobo va la va hagati ha avandu vanyingi kuli lime li twulanga ku Yahova, kuli lunyirira ku bunyasi, vi ta lindiriranga umundu, kinga kulindirira avana vavandu.

Mika 5:8

Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya.

Mika 7:14

U lihidze avandu vovo nempimbo yoyo, kyayo kyemiyandu gyigyo, yavo ava menyanga veng'ine, mu mulitu gu veye hagati ha Karimeli: vaye mu Bashan na Gileadi, kuli vaya mu madiku ga kale.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Zefania 3:20

Inyinga yeyo nda leta mwinye ku mwingeridza, inyinga yeyo nda mu vungidza halala; kigira nda mu kolera lieta nelidzominywa mu avandu vetsihiri tsyosi tsyomu lirova, lwa ngalukidza lyadikidzwa lyenyu imbiri wetsimoni tsyenyu, Yahova a vola.