Mika 2:11 - KITABU KITAKATIFU

¹¹ Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Mika 2:11 ပူးပေါင်းရင်းမြစ်များ

1 Avami 13:18

Na ye ya mu volera, Inze kandi mbeye muprofeti kuli ive; nengelosi ya mbo lera ku likuva lya Yahova, na a vola, U mwiranye halala nive mu inyumba yoyo, a duke kulagira nokunwa madzi. Navutswa ya mu volera bubehi.

1 Avami 22:6

Hene yaho mwami wa Israeli ya vungidza halala avaprofeti, kuli avandu tsimia tsine, na ya va teva, Ntsie kulwana Ramothugileadi, naho mbule ku tsia? Navo va mu volera, Yanegira, kigira Mwami a la li vika mmakono gomwami.

Ayubu 31:5

Ni mba ni ng'endanga na ga vutswa, Na kirenge kyange ni ki va ni ki gendanga bwangu ku bugadi

Tsing'ano 25:14

Kuli malesi gembuudza ga ta veye nembula, Na ndiyo uyu wiidzominya mbubehi ku vihaanwa vivye.

Isaya 28:7

Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Isaya 9:15

Na mukulundu na mundu wolu yali, uyu a veye mutwe; nomuprofeti wegidzanga makuva gobubehi, uyu a veye mukira.

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 23:14

Ku vaprofeti va Yerusalemi ndoli kandi kindu kyokumbihiriridza: va kola ubuheyi, nokugenda mu bubehi; nokuvika tsingulu mmakono ga yavo ava kola bmlamano, kmluka si ha veye nomundu wirana nokuleka ubudamano bwibwe: vosi va gwiye kuli Sodoma ku inze, na va menya mulyo va gwive kuli Gomora.

Jeremia 23:17

Va voleranga kazozo yavo ava leganga inze, va vola, Yahova a voye, Mu la nyola mirembe; nomundu sa mulala u gendanga nobudinyu bwomwoyo gwigwe va mu volera, Ubudamano kali bulala si bu la mu nyola mba.

Jeremia 23:25

Mmali kuhulira ga avaprofeti va vola, ava profetanga bubehi mu lieta lyange, ni va vola, Ndoti amaloto, Ndoti amaloto.

Jeremia 23:32

Henza mbeye nobusigu ku yavo ava profetanga amaloto gobubehi, Yahova a vola nokugavola, nokwikigitalidza avandu vange na makuva gavo gobubehi; nelyegingira lyavo lya vutswa: navutswa inze si nda va tuma mba, kandi si nda va laga; kandi si va konya avandu yavo kali hakuzu mba, Yahova a vola.

Jeremia 28:15

Hene yaho muprofeti Jeremia ya volera Hanania muprofeti, Hulira kalunu, ive Hanania; Yahova si ya tuma ive mba: navutswa ive u suuviridzanga avandu yava va suuvire ububehi.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Ezekieli 13:22

Kigira mu vereridza myoyo gyavalungi namakuva genyu gobubehi, ava inze nda vula kuvereridza; nokudinyeridza amakono gomudamano, a vule kwirana nokuleka inzira yeye indamano, nokuhona a ve mwoyo;

Hosea 7:14

Na si vanira inze nemyoyo gyavo, navutswa va hanzuka nemyoyo gyobululu ku vitali vyavo: navutswa vevugannya avene kigira ubuswage newaini; na va tinguha inze.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Mika 3:5

Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.

Varumi 16:18

Kigira ava veye ndi si va tumekira Kristo Mwami wetu, navutswa va tumekira inda yavo, kandi va gada myoyo gya yava ava ta li nobudamano ku livola lyavo lidoto.

Vafilipi 3:19

avekiheri kyavo ki veye lidiva, avomunyasaye wavo a veye inda yavo, avobukumi bwavo bu veye mu tsisoni tsyavo, ava tumikiranga vindu vyelirova.

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.