Mika 2:10 - KITABU KITAKATIFU

¹⁰ Mu singire, mu tsie; kigira hano si ha veye hokusosa henyu mba; kigira ubudamano bwononnyanga, kuduka lidividza lilitu.

Mika 2:10 ပူးပေါင်းရင်းမြစ်များ

1 Avami 9:7

hene yaho nda kalaga Israeli va twule mu kivala kya nda va ha; nenyumba yiyi, ya ntakasiye lieta lyange, ndi gi syuva ihale netsimoni tsyange; na Israeli a la va uluga no nelieta lyokukyaywa hagati ha avandu vosi.

2 Avami 15:29

Mu madiku ga Peka mwami wa li Israeli, Tigilathu pileseru mwami wa Asuria yadza, na vugula lidala lya Ijon, na Abel beth maaka, na Jonoa, na Kedesh, na Hazoru, na Gileadi, na Galilaya, nekivala kyosi kya Nafitali; na ya va hila avalhambe na a tsia navo Asuria.

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

2 Kyetsinyinga 7:20

hene yaho ndiha yava na vitinya vyavo mu kivala kyange kya nda va ha; ne nyumba yiyi ya nda takasira lieta lyange, nda gi syuva ihale netsimoni tsyange, kandi nda gi kola kuva lugano na lieta lyokukyaiywa hagati hetsihiri tsyosi.

Zaburi 106:38

Na va tahidza amasahi ga ta li nekindu kugo, Kali masahi gavayai vavo navakana vavo, Ava va salisira vifwananyi vya Kanani; Na kivala kyononywa nobuda mano bwamasahi.

Zaburi 95:11

Kigira yaga ndisuha mu butima bwange, Si va lingira mu bwelemeridzi bwange.

Jeremia 10:18

Kigira Yahova a vola ndi, Henza, inyinga yiyi nolukova lwokulasa nda ta avamenyi ku kivala yiki, nda va dambidza, va hulire kivi.

Jeremia 3:2

Ginga tsimoni tsitsyo u henze hadiguluku, u duke kulola; ni haliha ha va vuli kugonera ive? Ku luginga lwetsinzira wikaye kuvalindirira, kuli Muarabu mwigendanyamana ive wononnyi kivala nobuheyi bubwo nobudamano bubwo.

Jeremia 9:19

Kigira mwoyo gwelisyoma gu hulirwa kutwula Zioni, kuvola, Ai, kwa lanywa kuli ndi ku genya ligali, kigira ku leki kivala, kigira va sambuye tsinyumba tsyetu.

Ezekieli 36:17

Ive mwa na womundu, inyinga inyumba ya Israeli ya menya mu kivala kyavo kyene, va kyononnya nenzira yavo nevikolwa vyavo: inzira yavo imbiri wange ya fwanana nobubi bwomukali inyinga yelitsia mu mweli.

Ezekieli 36:19

nda va salannya hagati hetsihiri, na va salannywa hagati hevivala: kuli inzira yavo na kuli vikolwa vyavo nda va kalagira.

Kwidzulitsa 12:9

kigira mu kikiri kuduka mu bwelemeridzi noku miyandu, gya Yahova Nyasaye wowo a ku ha.

Kwidzulitsa 30:18

ng'ambanga ku mwinye lero ndi, ligali mwinye mu la diva; si mu nyala kumenya madiku manyingi mu kivala, kya wambukanga Yordani wingire ku kigumira.

Kwidzulitsa 4:26

nda langa ligulu nelirova kulolekidza ku mwinye lero, mu la duka kudividzwa ligali bwangu ku kivala ha mwambuka Yordani kukigumira; si mu la nyola madiku genyu kuva manyingi kukyo, mu lononywa ligali.