Mika 2:1 - KITABU KITAKATIFU

¹ O bayaye ku yavo ava saaviranga vidamano nokukola budamano ku vitali vyavo lwa bu kyedzanga, va bu tumekiranga, kigira bu veye mu bunyali bwa makono gavo.

Mika 2:1 ပူးပေါင်းရင်းမြစ်များ

Litanga 31:29

Mbeye netsingulu mmukono gwange kukukolera ubudamano: navutswa Nyasaye wa dada wowo ya volerana ninze ubudiku lwa veye, ve na a mbolera, Welinde u ta volera Yakobo amalahi kinga madamano.

1 Avami 21:7

Jezebeli mukali wewe ya mu volera, Ive wameha kalunu ubwami bwa Israeli, naho? Vuka u lie vyokulia, nomwoyo gugwo gu sangale: inze nda ku ha kizabibu kya Nabothu Mujezereeli.

Esther 3:8

Na Haman ya volera mwami Ahasueru, Va veye ho avandu valala ava salana nokwavukana ha gati ha vandu vetsiprovinse tsyosi tsyobwami bubwo; na amalago gavo ga veye lugano ku yago ga vandu vosi; kandi va vula kugimira amalago gomwami: kigira yaga mwami si a nyola vyambeti kuvaleka va tigala.

Esther 5:14

Ma Zereshu mukali wewe, na avalina veve vosi va mu volera, Gu lombwe mwinuya gwoku sunga gweligera lya makono makumi gatano ubutambi bwagwo, na mu gamba u volerane nomwami, Morde kai a sungwe ku mwinuya: ma ive wingire mu lilia nobusangali halala nomwami. Na likuva yili lya yanzidza Haman; na ya laga musala gu lombwe.

Esther 9:25

na vutswa lwa inkuva yiyi ya duka imbiri womwami ya haana munwa mu tsibaruwa tsiganagani tsindamano, tsya ya ganagana ku Vayuda, tsi galuke ku mutwe gwigwe, na uyu navana veve va sungwa ku kisunga.

Ayubu 15:35

Va vereka bubi, nokwivula ubudamano, Na inda yavo i lombanga ubugadi.

Ayubu 24:14

Mulumindi a vukanga mabwebwe; Yiitanga avadaka navadambi; Mbudiku a veye kuli mwivi.

Zaburi 36:4

A ganagana ubudamano ku kitali kikye; Yevika mwene ku inzira i ta liindahi; Si a dunyira ububi mba.

Zaburi 36:5

Tsimbabasi tsitsyo, O Yahova, tsi veye migulu; Na ubusuuvirifu bubwo bu duka ku malesi.

Zaburi 58:3

Avadamano va veye avageni kutwula munda: Va tsia haluvega kutwula livulwa lyavo, ku livola ububehi.

Tsing'ano 12:2

Mundu mulahi a la nyola tsimbabasi ku Yahova; Navutswa mundu wetsiganagani tsindamano a la kalagirwa.

Tsing'ano 14:22

Ava lombanga ubudamano va la vula kugota naho? Navutswa tsimbabasi na ageligali vi la va ku yavo ava lombanga ubulahi.

Tsing'ano 3:27

U timana ubulahi yavo ava ga dukiranga kuhebwa, Lwa mukono gugwo gu veye netsingulu kukola.

Tsing'ano 4:16

Kigira si va gona tsindolo, ni ga ta li va koli ubudamano; Na tsindolo tsyavo tsi twulidzwa kuvo, ni ga ta li vikigitalidza umundu.

Isaya 29:20

Kigira mutihidzi u heridzeywi, nomulegi u heri, na vosi ava lindiriranga ubu damano va twulidzeywi;

Isaya 3:14

Yahova a lingira mu likalaga navakulundu vavandu veve navanene vavo: Ni mwinye ava mali kulia mulimi gwamazabibu; vyalanywa ku vadaka vi veye mu tsinyu mba tsyenyu:

Isaya 32:7

Viju vya uyu mwimani vi veye vidamano: a saaviranga lisaavira lida mano a duke kudividza avahokya namakuva gobubehi, kali lwa avadambi va volanga agobulungi.

Isaya 5:8

Ubudamano bu veye kuvo ava medanga inyumba ku inyumba yindi, na va hambannya mulimi ku mulimi gundi, ubwiyangu bu luhe bu dake, na mwinye ga mu dukiye kudalang'ana hagati hekivala

Isaya 59:3

Kigira makono genyu gononnyeywi namasahi, na videte vyenyu nobudamano; minwa gyenyu gyi vola bubehi, netsinimi tsyenyu tsi monyanga budamano.

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Ezekieli 11:2

Na ya mbolera, Ive mwana womundu, yavo navandu ava saavira budamano, ava haananga makuva madamano mu lidala yili;

Ezekieli 33:26

Mu singira ku kivavi kyenyu, mu kola kivihiri, mwononnya mukali sa mulala wowakye: na mwinye mu la nyola kivala yikyo?

Ezekieli 38:10

Mwami Nyasaye a vola ndi: Ga la duka mu lidiku yili, tsiganagani tsi lingira mwoyo gugwo, na ive u la saavira lisaavira lidamano:

Ezekieli 46:18

Kandi munene a la vula kuvugula ku miyandu gyavandu, kuvasindika nokuvatwulidza mu miyandu gyavo; a la ha avayai veve miyandu mu vindu vivye mwene, avandu vange va vule kusalanywa sa mulala kutwula mu miyandu gyigye.

Mika 6:12

Kigira avatugi va yaho vizuye kirage, na va menyanga mu va vehanga, na ululimi mminwa gyavo lu veye nobugadi.

Nahum 1:11

Mulala u twuli hagati hoho, u saaviye ubudamano ku Yahova, a volanga makuva gobudamano.

Zekaria 7:10

mu ta dambidza mukunzakali, kinga mwana mbisandu, kinga umumenya, kinga mudaka; na mulala ku mwinye a vula kusaavira ubudamano mu mwoyo gwigwe ku amwavo wewe.

Marko 15:1

Mugamba mabwebwe nonoho avasalisi vanene navakulundu navang'odi nekyina kyosi, va tevana amakuva gokukola, ma va boha Yesu ni va twula naye kumuhila wa Pilatu.

Luka 20:19

Kandi avang'odi navasalisi vanene venya kumugumira isaa zana; navutswa va tia avandu: kigira va manya ya kupa lugano yilu kuvo.

Yohana 19:11

Yesu ya mu tivulira, Ive si u nyala kuva netsingulu ku inze kali hakuzu, nu u ta hebwa tsi twula migulu: kigira yaga u veye nobwoni bunene nu uyo wa mbika mu makono gogo.

Vikolwa 23:12

Lwa bwa kya Avayuda va hambana halala, ni visuha, ni va vola, si va nyala kulia, kandi si va nyala kunwa va kikiri kwiita Paulo.

Vikolwa 23:15

Kunangwa mwinye, halala nekyina, mu volere munyampara munene, a mu lete hasi ku mwinye kuli mwenya kumanya ligali amakuva gege: na kwinye kwetegeki kumwiita na a kikiri kuduka himbi.

Varumi 1:30

avahuudziridzi, ava dunyira Nyasaye, avobutindi, avoluyai, aviidzominya, avekonga mu vindu vidamano, ava ta tia avivuli vavo,

Kwidzulitsa 28:32

Avana vovo vayai navakana va la hebwa ihiri yindi; netsimoni tsitsyo tsi la henzerera nokukuvuka kigira likayirwa mbasu bei: na si ha la va nekindu mu bunyali bwomukono gugwo mba.