Mika 1:2 - KITABU KITAKATIFU

² Mu hulire mwinye avandu vetsihiri tsyosi; u hulire, ive lirova, na vindu vyosi vi veye mu: Mwami Yahova a lolekidze ku mwinye, uyu Mwami mu litempeli lilye litakatifu.

Mika 1:2 ပူးပေါင်းရင်းမြစ်များ

1 Avami 22:28

Na Mikaiya ya mu volera, Nu u va nu wirana nemirembe ligali, Yahova si a vola nomunwa gwange mba. Ya vola, Mu hulire, avandu mwinye mwosi.

2 Kyetsinyinga 18:27

Na Mikaia ya mu volera, Nu u va nu wirane ligali nemirembe, Yahova si ya vola nomunwa gwange. Ya vola, Mu hulire, mwinye avandu vosi.

Zaburi 11:4

Yahova a veye mu litempeli lilye litakatifu; Yahova, intebe yeye i veye mi gulu; Tsimoni tsitsye tsi lola, vigohe vivye vi geridza, avana va avandu.

Zaburi 24:1

Lirova li veye lya Yahova, na vyosi vizula mulyo; Vivala vyetsihiri, na yavo ava menya muvyo.

Zaburi 28:2

U hulire mwoyo gwelisaala lyange, lwa nzanira ive, Lwa nginga makono gange ku luvega lwa hatakatifu hoho.

Zaburi 50:1

Nyasaye, Wanyala Vyosi, kah Yahova, u voye, Nokulanga lirova kutwula ku litonga lyeliuva nokuduka ku liyera lyalyo.

Zaburi 50:12

Ni mba ni mbeye nenzala, si nda ku volera; Kigira lirova; Ni lyange, na vyosi vizula mu.

Zaburi 50:7

Avandu vange, mu hulire, na nda vola; O Israeli, na nda ku lolekidzira: Mbeye Nyasaye, kali Nyasaye wowo.

Tsing'ano 8:4

Ku mwinye, O avasatsa, nanganga; Na mwoyo gwange gu veye ku avana va vandu.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 18:3

Mwinye vosi avamenyi mu lirova, na mwinye avamenyi ku kivala lwa ibendera i sungwa igulu ku viguiu, mu lole; na lwa kisiliva ki kupwa, mu hulire.

Isaya 50:7

Kigira Yahova Nyasaye a la nkonya; kigira yaga nda vula kuva isoni: kunangwa nda vika mmoni mwange kuli ligina lidinyu, na inze manya si nda nyola tsisoni.

Jeremia 22:29

O lirova, lirova, lirova, hulira likuva lya Yahova.

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Jeremia 42:5

Hene yaho va volera Jeremia, Yahova a ve mulolekidzi weligali nobusuuvirifu hagati hetu, ni ku va ni ku vula kukola kuli kyosi kya Yahova Nyasaye wowo a la tuma ive kuleta ku kwinye.

Jeremia 6:19

U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

Jona 2:7

Inyinga mwoyo gwange gwa kudza mu inze, ndidzulitsa Yahova; Na lisaala lyange lya duka ku ive, mu litempeli lilyo litakatifu.

Jona 2:8

Yava ava henza vyabutswa vyobubehi Veyahula neliverererwa lyavo avene.

Habakuk 2:20

Navutswa Yahova a veye mu litempeli lilye litakatifu: lirova lyosi li kiring'ane imbiri wewe.

Malaki 2:14

Na mwi nye mu volanga, Kigira ki? Kigira Yahova ya li muloli hagati hoho na mukali wobusoleli bubwo, wa ive wa mu kolera ubugadi, kali ni ya li wakyo, na mukali welilagana lilyo.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Kwidzulitsa 32:1

Mu tegidze amatu, mwinve ligulu, na nda vola; Nelirova li huliridze amakuva gomunwa gwange.

Likunula 2:11

Uyu u veye nogutu, a hulire aga Raho a voleranga mavugano. Uyu u guutanga si a la nyola kivi kyelikudza lya kaviri.

Likunula 2:17

Uyu u veye nogutu, a hulire likuva lya Roho a voleranga mavugano. Uyu u guutanga nda mu ha mana i viseywi, kandi nda mu ha ligina lilavu, li ng'odeywi ku lieta lihya, lya u vula ho mundu u manyi, na a ta li uyu u hebeywi.

Likunula 2:29

Uyu u veye nogutu, a hulire aga Roho a voleranga mavugano.

Likunula 2:7

U veye nogutu, a hulire ga Roho a voleranga mavugano. Uyu u guutanga, nda mu ha a duke kulia agomusala gwelivamwoyo, gu veye mu Paradisio mwa Nyasaye.

Likunula 3:13

Uyu u veye nogutu, a hulire aga Roho a voleranga mavugano.

Likunula 3:22

Uyu u veye nogutu, a hulire aga Roho a voleranga mavugano.

Likunula 3:6

Uyu u veye nogutu, a hulire aga Roho a voleranga mavugano.

Vakalagi 11:10

Navakulundu va Gileadi va volera Jefetha, Yahova a la va mulolekidzi hagati hetu; n ligali kwinye ku la kola kuli likuva lilyo.