Mika 1:16 - KITABU KITAKATIFU

¹⁶ Welombere kyavusu, u vege lisu lilyo kigira avana va yanzidzanga ive: u galaminye kyavusu kikyo kuli indidzu; kigira va tsia mu butugwa kutwula ku ive.

Mika 1:16 ပူးပေါင်းရင်းမြစ်များ

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

Ayubu 1:20

Hene yaho Ayubu ya singira, na ya tandula ijoho yeye, kandi ya vegwa mutwe gwigwe, nokugwa hasi, nokusigamira;

Isaya 15:2

Vanegira kutsia Bayithu, na Dibon kuduka hadiguluku, kulira; Moabu va kupira tsikwili, ku Nebo, noku Me deba; vyavusu vi veye ku mitwe gyavo vosi, tsinderu tsyosi tsi ve geywi.

Isaya 22:12

Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:

Jeremia 16:6

Vosi avanene na vakekeke va la kudza mu kivala yiki: va la vula kutebwa, kandi avandu si va la va syomera mba, kandi si va lekalagira yavo mba, kandi si va la vegera uluvego mba;

Jeremia 4:8

Kigira yaga webohe ingubo yeli gunia, u syome, nokukupa tsikwili kigira ubutima bululu bwa Yahova bu vuli kwiranywa kutwula ku kwinye.

Jeremia 47:5

Kyole ki duki ku Gaza; Ashikelon li mali ku kiring'anywa ligali, nelitigala lyelivona lyavo: u lekalaga ku duka inyinga ki?

Jeremia 6:26

O mukana wavandu vandi, webohe ingubo yeligunia, nokugalagala mu ligoke: welombere lisyoma, kuli va syomanga ku likudza lyo mwana muyai muderwa, lisyoma lyobululu; kigira umulanyi a ladza ku kwinye nonoho.

Jeremia 7:29

U vege lisu lilyo, O Yerusalemi, nokuli ta, mu tange lisyoma hadiguluku; kigira Yahova u suye nokuleka likula lyobutima bwibwe.

Lisyoma lya Jeremia 2:19

Vuka, u kupe lwanga mbudiku mu litanga lyobulindi; U tsuke mwoyo gugwo kuli amadzi imbiri womumoni mwa Yahova: Ginga makono gogo kuhenzidza kuye kigira livamwoyo lyavana vovo vadoto, yavo ava kudza myoyo kigira inzala ku kiheri kyelihasi sa lilala.

Amosi 7:11

Kigira Amosi u voye, Jeroboam a la kudza nekivavi, na Israeli ligali a la hilwa kutwula mkivala kikye kutsia mbuhambe.

Amosi 7:17

kigira yaga Yahova a vola: Mukali wowo a la va wamalaya mu lidala, navayai vovo navakana vovo va la gwa ku kivavi, nekivala kikyo ki la gavulwa nomugoye; na ive mwene u la kudzira mu kivala kidamano, na Israeli ligali a ladikidzwa a twule mu kivala kikye.

Amosi 8:10

Na nda girunkannya madiku manene genyu ga ve lisyoma; na tsinyimbu tsyenyu tsyosi tsi la va lilira; na nda vika tsingubo tsyamagunia mu vikenge vyosi, na kyavusu ku mitwe gyosi: na nda ga kola ga ve kuli lisyomera umwana muyai muderwa, na kiheri ki ve kuli lidiku lilulu.

Kwidzulitsa 28:41

U livula avana vayai navakana, va la vula kuva avovo; kigira va la Ianywa.