Matayo 9:22 - KITABU KITAKATIFU

²² Navutswa Yesu yekevuka na a mlola, ya vola, Mkana wange, lema mwoyo, lisuuvira lilyo li ku honnyi. Mkali ya honnywa kutwula isaa yeyo.

Matayo 9:22 ပူးပေါင်းရင်းမြစ်များ

Matayo 15:28

Ma Yesu ya tivula na a mu volera, Mkali, lisuuvira lilyo li veye linene: u nyole kuli kya wenya. Na mkana wewe ya honnywa inyinga zana.

Matayo 17:18

Yesu ya li gaya; nelidemone lya twula kuye: na muyai ya hona inyinga zana yeyo.

Matayo 8:13

Yesu ya volera munyampara, Tsia; kuli wa li kusuuvira, ga la kolwa ndiyo ku ive. Mutumwa wewe ya hona ku isaa yeyo.

Matayo 9:2

Kandi henza, va mu letera mundu wa fwogoya na a gona ku kitali: na Yesu lwa ya lola lisuuvira lyavo ya volera wa fwogoya, U leme mwoyo, mwana wange, u sameheywi bwoni bubwo.

Matayo 9:29

Hene yaho ya dira tsimoni tsyavo, na a vola, Kuli lisuuvira lyenyu mu nyole.

Marko 10:52

Yesu ya mu volera, Tsia bulahi; lisuuvira lilyo li ku honnyi. Nonoho ya nyola kulola, na a mu londa ku inzira.

Marko 5:34

Na a mu volera, Mkana wange, lisuuvira lilyo li ku honnyi; genda bulahi, u ve mulamu.

Luka 17:19

Kandi ya mu volera, Vuka, u tsie: lisuuvira lilyo li ku honnyi.

Luka 18:42

Kandi Yesu ya mu volera, U duke kulola: lisuuvira lilyo li ku honnyi.

Luka 7:50

Ya volera mukali, Lisuuvira lilyo li ku honnyi; u tsie nemirembe.

Luka 8:48

Naye ya mu volera, Mkana wange, lisuuvira lilyo li ku honnyi; u tsie nemirembe.

Yohana 4:53

Ise ya manya niyo isaa ya Yesu ya mu volera, Muyai wowo a veye mwoyo: kandi ya suuvira navenyumba yeye vosi.

Vikolwa 14:9

Uyu ya hulira Paulo na a vola: Paulo ya mwumika na a lola a veye nelisuuvira lyokuhonnywa,

Vikolwa 16:18

Ya kola ndiyo madiku manyingi. Navutswa Paulo ya verera ligali, na a girunkana na a volera mwoyo yigwo, Nku laga ku lieta lya Yesu Kristo, u twule kuye. Kandi gwa twula isaa zana yeyo.

Vahebraina 4:2

Kigira kwinye kwilwadzwa ivangeli kuli yavo, navutswa likuva lya va hulira si lya va konya, kigira va vula ku tsuganya lisuuvira halala nelihulira.