Matayo 8:4 - KITABU KITAKATIFU

⁴ Yesu ya mbolera, U henze bulahi, u ta volera mundu kali mulala; navutswa u tsie, wimannye ku musalisi, u twulidze kihaanwa kya Musa ya laga, ki ve kilolekidza ku avandu.

Matayo 8:4 ပူးပေါင်းရင်းမြစ်များ

Isaya 42:21

Ga yanzidza Yahova, kigira ubulungi bwibwe, kukuminya Lilaga, noku likola lidzominywe.

Kyavalevi 13:49

na lilwala zana ni li va ni li veye nelifwana lyobulimu, kinga lyakanyu mu ingubo, kinga mu lisero, kinga mu tsimbusi tsyobulungi, kinga tsyobugika, kinga mu kyosi kyelisero; li veye lilwala lyobugere, na li la mannywa ku musalisi.

Matayo 10:18

kandi mu la hilwa imbiri wavanyampara navami kigira inze li ve lilolekidza kuvo noku Tsihiri.

Matayo 16:20

Hene yaho yeganehidza avegidzwi veve va ta volera mundu kali mulala a veye Kristo.

Matayo 17:9

Lwa va sulunguta kutwula mu kigulu, Yesu ya veganehidza na a vola, Mu ta volera mundu kali mulala, kya mu loli, Mwana wa Adamu a luhe a simuguke mu vakudzi.

Matayo 3:15

Navutswa Yesu ya tivula na a mbolera, Leka kalunu: kigira nobulahi kudukidza ndi ubulungi bwosi. Hene yaho ya mleka.

Matayo 5:17

Mu ta ganagana ndadza kwononnya malago na vaprofeti: si ndadza kwononnya, navutswa kugadukidza.

Matayo 6:1

Henze bulahi, mu ta kola bulungi bwenyu imbiri wa vandu, va mu lole: kigira ni mu kola ndiyo, si mu nyala kunyola madanyi ku Dada wenyu u veye migulu.

Matayo 9:30

Na tsimoni tsyavo tsya kunulwa. Yesu ya veganehidza ligali na a va volera, Mu henze bulahi, mundu a ta manya kali mulala.

Marko 13:9

Mu gelihe avene, kigira va la mu zama mu hilwe mu kyina; va la mu duya mu masomero; mu la singira imbiri wa vanyampara na vami kigira inze, mu ve kilolekidzu kuvo.

Marko 3:12

Na a gyambakannya ligali gyi ta mbuula mba.

Marko 5:43

Na a veganehidza ligali, va ta leka mundu kali mulala a manya yaga: na a va volera, a hebwe vyokulia.

Marko 6:11

Kandi hosi ha va ta mwingiridza nokuvula kumuhulira, lwa mu twula ho, mu vungulule lugukyi lu veye mu tsi nduvatiru, lu ve lilolekidza kuvo.

Marko 7:36

Ya veganehidza va ta volera mundu: navutswa kuli wa ya veganehidza va kira kulandidza amakuva.

Marko 8:30

Na a veganehi dza va ta volera mundu, kali mulala.

Marko 9:9

Lwa va li ni va twula mu kigulu, ya veganehidza va ta volera mundu vindu vya va loli, kuduka lwo Mwana wa Adamu a li simuguka kutwula mu vakudzi.

Luka 17:14

Lwa ya va lola ya va volera, Mu tsie kwemannya ku vasalisi. Kuna ngwa lwa va li ku inzira va takaswa.

Luka 21:13

Vi la mu girunkanira kugwa kilolekidzu.

Luka 4:41

Kandi amademone ga twula ku vanyingi, ni ga hanzuka, ni ga vola, Ive u veye Mwana wa Nyasaye. Ya ga gaya, si ya ga leka ga vole, kigira ga manya a veye Kristo.

Luka 5:14

Na a mwegane hidza u ta volera mundu kali mulala: navutswa u tsie kwemannya ku musalisi, u hile vyokutakaswa kukwo, kuli Musa ya laga, vi veye vyokulolekidzakuvo.

Luka 8:56

Avivuli veve va genya: navutswa ya veganehidza va ta volera mundu kali mulala, aga kileywi.

Luka 9:21

Navutswa ya veganehidza na a va ha munwa va ta volera mundu kali mulala yaga;

Yohana 5:41

Si mbugula ubukumi ku vandu.

Yohana 7:18

Uyu wevolera yenya ubukumi bwibwe bwene: navutswa uyu wenya ubukumi bwa uyu wa mu tuma, uyu a veye weligali, kandi si a veye na ga ta lungiki muye.

Yohana 8:50

Navutswa inze si nyenya ubukumi bwange: ha veye no Mulala wenya kandi a kalaga.