Matayo 7:5 - KITABU KITAKATIFU

⁵ Mugadi ive, u tange kutwulidza musala gu veye mmoni yoyo; kunangwa u la lola bulahi kutwulidza lindu mmoni yamwavo wowo.

Matayo 7:5 ပူးပေါင်းရင်းမြစ်များ

Matayo 22:18

Navutswa Yesu ya manya ububi bwavo, na a vola, Kigira ki mu ntega, Avagadi?

Matayo 7:3

Kandi kigira ki u henza lindu li veye mmoni yamwavo wowo, navutswa si u ganagana ku musala gu veye mmoni yoyo?

Matayo 7:4

Kinga u la nyala ndi kuvolera amwavo wowo, Amitu, leka nku twulidze lindu mmoni yoyo; na henza musala gu veye mmoni yoyo?

Matayo 7:6

Nakyo kitakatifu mu ta ha tsimbwa, kandi mu ta sikisa tsilulu tsyenyu imbiri wetsimpidzi, gase tsi la tsi duvaga nevirenge, na tsi girunkane na tsi mu tandule.

Luka 12:56

Mwinye avagadi, mu manya kugera mmoni mwelirova neligulu; navutswa kigira ki si mu manya kugera inyinga yiyi?

Luka 13:15

Navutswa Mwami ya mu tivulira na a vola, Mwinye avagadi, Ku mwinye sa mulala si mu boholola ing'ombe yenyu kinga isukiri yenyu kutwula mu kego, mu tsia kuginwehidza ku lidiku lyelisabato?

Luka 4:23

Kandi ya va volera, Ligali, mu la mbolera lugano yilu, Wetsinyasi wehonnye: amakuva gosi ga kwa hulira wa kola Kapernaume, u kole hano mu kivala kikyo.

Luka 6:42

Kinga u la nyala ndi kuvolera amwavo wowo, Amitu, u leke, nku twulidze lindu mu imoni yoyo, na ive mwene si u lola musala gu veye mu imoni yoyo? Mugadi ive, u tange kutwulidza musala gu veye mu imoni yoyo, kunangwa u la lola bulahi kutwulidza lindu li veye mu imoni yamwavo wowo.

Vikolwa 19:15

Mwoyo mudamano gwa tivula ni gu va volera, Yesu mmanya, kandi Paulo mmanya, navutswa mwinye mu veye avandu ki?