Matayo 7:24 - KITABU KITAKATIFU

²⁴ Ku vosi u hulira amakuva gange yaga, na a ga kola, a la fwananywa nomundu mugeeri, wombaka inyumba yeye ku lwanda:

Matayo 7:24 ပူးပေါင်းရင်းမြစ်များ

Ayubu 28:28

Na ya volera mundu makuva yaga, Henza, kutia Yahova, nibwo ubugeeri; Nokutwula ku budamano nilyo limanya.

Zaburi 111:10

Kutia Yahova ni litanga lyobugeeri; Lihulira lilahi li veye ku vosi ava kolanga malngo gege: Lidzominywa lilye li menyanga mihiga nemihiga.

Zaburi 119:130

Livuula lyamakuva gogo li leta ubulavu Li hedza avasiru limanya.

Zaburi 119:99

Mbeye nelimanya kuvita avegidzi vange vosi; Kigira lilolekidza lilyo li veye lya nganagana.

Tsing'ano 10:25

Kihudzudzi ni ki mali kuvita mudamano si a veye ho kandi, Navutswa wobulungi a veye muse gwa madiku gosi.

Tsing'ano 10:8

Avobugeeri mmwoyo gwavo va la vugula amalago; Navutswa musiru wamakuva manyingi a la gwa hasi.

Tsing'ano 12:7

Avadamano va tung'aminyangwa, na si va veye ho; Navutswa inyumba yomulungi i la singira.

Tsing'ano 14:8

Ubugeeri bwomugeeri bu veye ku mannya inzira yeye; Navutswa ubusiru bwavasiru bu veye ubugadi.

Matayo 12:50

Kigira ku vosi u li kola ubulaliri bwa Dada wange u veye migulu niye amitu wange, nambotso wange, na mama wange.

Matayo 16:18

Ninze nku volera, Ive u veye Petro, kandi ku lwanda yilu ndombaka livugana lyange; neviribwa vye Kihadisi si vi nyala kuliguuta.

Matayo 24:45

Mutugwa mulahi nomugeeri ni bwaha, womwami wewe a vika a ve munene wenyumba yeye, kuvaha vyokulia vyavo vyetsinyinga tsi duka?

Matayo 25:2

Vatanu kuvo va li ava siru na vatanu kuvo va li avageeri.

Matayo 25:4

navutswa avageeri va hila maguta mu tsichupa tsyavo halala netsitaya tsyavo.

Matayo 25:9

Navutswa avageeri va tivula ni va va volera, Namusiya si ga la dukira kwinye na mwinye: nobulahi mu tsie kuvo ava gulanga maguta, mwegulire.

Matayo 7:25

imbula ya kupa, na madzi gizulira, nembuudza ya huudza, vya kupa ku inyumba yeyo; navutswa si ya gwa mba: kigira ya handa ku lwanda.

Matayo 7:26

Ku vosi u hulira amakuva gange yaga, na a vula kugakola, a la fwananywa nomundu musiru, wombaka inyumba yeye ku muyeke:

Luka 11:28

Navutswa ya vola, Yee, navutswa va veye nobugasu ava hulira likuva lya Nyasaye, na va li gumira.

Yohana 13:17

Mwinye ni mu manya vindu yivi, mu veye nobugasu ni mu vi kola.

Yohana 14:15

Ni mba ni mu yanza inze, mu la gumira malago gange.

Yohana 15:10

Ni mu va ni mu gumira malago gange, mu la menya mu buyanzi bwange; kuli inze ngumira malago ga Dada wange, kandi menya mu buyanzi bwibwe.

Yohana 15:14

Mwinye mu veye avalina vange, ni mu kola vindu vya mmu laga.

Varumi 2:13

kigira si va li ava huliranga lilaga ava veye nobulungi imbiri wa Nyasaye, navutswa yavo ava kolanga lilaga nivo ava li volwa va veye nobulungi;

1 Yohana 2:3

Ku yaga ku manya, ku mu manya, ni ku gumira amalago gege.