Matayo 7:21 - KITABU KITAKATIFU

²¹ Si va lingira vosi mbwami bwomigulu ava mbolera, Mwami, Mwami, navutswa uyu u kola ubulaliri bwa Dada u veye migulu.

Matayo 7:21 ပူးပေါင်းရင်းမြစ်များ

Matayo 12:50

Kigira ku vosi u li kola ubulaliri bwa Dada wange u veye migulu niye amitu wange, nambotso wange, na mama wange.

Matayo 16:17

Yesu ya tivula, na a mu volera, U veye nobugasu, Simoni wa Jona: kigira inyama namasahi si ga ku vuulira mba, navutswa Dada wange womi gulu.

Matayo 18:10

Mu henze mu ta lega mulala ku vakekeke yava: kigira mmu volera, mwigulu tsingelosi vavo va hongera kulola mtsimoni tsya Dada wange u veye migulu.

Matayo 18:19

Kandi mmu volera, vaviri ku mwinye ni va sanga mu lirova ku kindu kya va saala, Dada wange u veye migulu a la va lombera.

Matayo 18:3

na a vola, Ligali mmu volera, ni mu tigirunkannya kugwa kuli avana vakekeke, si mu li nyala ligali kwingira mu bwami bwomigulu.

Matayo 18:35

Dada wange womigulu a la mu kolera ndiyo, ni mu ta sameha avamwavo mu myoyo gyenyu.

Matayo 19:24

Kandi mmu volera, Nu bwangu ing'amia kuvita muluhu gwesindani, kusira mutugi kwingira mu bwami bwa Nyasaye.

Matayo 25:10

Lwa va li ni va tsie kugula, userereywi yadza; navo vetegeki vingira naye mu kiserero: na kiliango kya hanwa.

Matayo 25:21

Mwami wewe ya mu volera, U koli bulahi, mutugwa mulahi nomsuu viridzi: wa linda bulahi vindu vikekeke, nda ku vika ku vindu vinyingi; wingire mu buyanzi bwomwami wowo.

Matayo 26:39

Yisunda hambiri hakekeke, na a gwa mammama na a saala na a vola, Dada wange, ni ki nyalika, kikombe yiki ki mbite: navutswa ga ta va kuli ubulaliri bwange, navutswa ga ve kuli ubulaliri bubwo.

Matayo 26:42

Ya tsia kandi na a saala, na a vola, Dada wange, ni ga ta nyalika kikombe yiki ki mbite, mbule kukinwa, ubulaliri bubwo bu kolwe.

Marko 3:35

Ku vosi u li kola ubulaliri bwa Nyasaye, uyu niye amitu wange, na mbotso wange, na mama wange.

Marko 9:47

Imoni yoyo ni kwikigitalidza, u gi twulidze: ubulahi bwokwingira mu bwami bwa Nyasaye nemoni indala bu vita kuva netsimoni tsiviri, na u sikiswe mu gehena;

Luka 11:28

Navutswa ya vola, Yee, navutswa va veye nobugasu ava hulira likuva lya Nyasaye, na va li gumira.

Luka 13:25

Mwene inyumba lwa a singira kuhana kiliango, mwi nye mu tanga kusingira kyova nokwigulihidza, nokuvola, Mwami u kwigulire. Naye a la tivula na a mu volera, Si mmu manya wa mu twula.

Luka 18:25

Kigira ing'amia kuvita muluhu gwesindani ni bwangu kuvita mutugi kwingira mu bwami bwa Nyasaye.

Luka 6:46

Kandi kigira ki mu nanga, Mwami, Mwami, navutswa si mu kola ga mbola?

Yohana 14:7

Ni mba mwa manya inze, nkano mwa manya Dada wange kandi: kutwula kalunu mu mu manya, kandi mu mu loli.

Yohana 15:23

Uyu u dunyira inze a dunyira kandi Dada wange.

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Yohana 5:17

Navutswa Yesu ya va tivulira, Dada wange kali kuduka kalunu a kola miyinzi, na inze nkola miyinzi.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

Varumi 2:13

kigira si va li ava huliranga lilaga ava veye nobulungi imbiri wa Nyasaye, navutswa yavo ava kolanga lilaga nivo ava li volwa va veye nobulungi;

Vafeso 6:6

bu ta va butumwa bwetsimoni, kuli ava yanzeka ku vandu; navutswa kuli avatugwa va Kristo, ava kola ubulaliri bwa Nyasaye nomwoyo;

Vakolosai 4:12

Epafara, u veye mulala ku mwinye, mutugwa wa Kristo Yesu, a mu chelidza, weguluhidzanga mu lisaala madiku gosi kigira mwinye, mu duke kusingira avadukiru navekilema mwoyo ligali mu bulaliri bwosi bwa Nyasaye.

1 Vatesalonike 4:3

Kigira kya Nyasaye ya lalira ki veye litakaswa lyenyu, mwinye mu vule kutsia mbakana;

1 Vatesalonike 5:18

mu santidze ku vindu vyosi: kigira yibu bu veye ubulaliri bwa Nyasaye mu Kristo Yesu ku luvega lwenyu.

Tito 1:16

Veyamanga va manya Nyasaye; navutswa ku miyinzi gyavo va mweyambakana, avokuvihiriridza, nava ta hulira kandi ava ta dukana ku miyinzi gyosi milahi.

Vahebraina 13:21

a mu kole mu ve ava dukiru mu vindu vyosi vilahi kukola ubulaliri bwibwe, nokukola mu mwinye ki yanzekanga imbiri wewe, ku Yesu Kristo; wobukumi bu ve kuye mihiga nemihiga. Amini.

Vahebraina 4:6

Kunangwa kigira ku litigala avalala va lingira, kandi kigira yava ava tanga kwilwadzirwa amakuva malahi si vingira kigira livula kuhulira lyavo,

Yakobo 1:22

Navutswa mu ve avakoli velikuva, mu ta va avahuliri vutswa navigadi avene.

1 Petro 2:15

Kigira ubulaliri bwa Nyasaye bu veye ndiyo, ku likola bulahi mu duke kukiring'anya livula kumanya lyavandu avasiru.

1 Petro 4:2

kunangwa kutwula kalunu tsinyinga tsyenyu tsi tigaye mu mubiri, mu ta menya mu likayirwa lyavandu, navutswa mu bulaliri bwa Nyasaye.

Likunula 2:27

naye a la vameha nempimbo yekivya, kuli vindu vyomulongi vya tanyanngwa; kandi kuli inze nda vugula ku Dada wange:

Likunula 22:14

Va veye nobugasu avogidzanga tsingubo tsyavo, va duke kuva netsingulu kuduka ku musala gwelivamwoyo, nokwingira mu viribwa kuduka mu lidala.

Likunula 3:5

Uyu u guutanga a la vikwa ndi tsingubo tsindavu; na inze si ndeya lieta lilye mba mu kitabu kyelivamwoyo, kandi ndeyama lieta lilye imbiri wa Dada wange, kandi imbiri wetsingelosi veve.