Matayo 7:2 - KITABU KITAKATIFU

² Kigira likalagira lya mu kalagira, mu la kala girwa nalyo: na mugero gwa mu gera, nagwo mu la gererwa ku.

Matayo 7:2 ပူးပေါင်းရင်းမြစ်များ

2 Samweli 21:5

Na va volera mwami, Mundu uyu wa dividza kwinye, nokutwulidza livola ku kwinye, kuduka ku dividzwe, ku vule kumenya mu tsinzako tsya Israeli tsyosi,

Zaburi 109:17

Yee, Ya yanza ubunyegi, na bwa duka kuye; Si ya yanza ubugasu, nabwo bwa li ihale naye.

Kutwula 21:24

imoni u vanze imoni, lino u vanze lino, mukono u vanze mukono, kirenge u vanze kirenge,

Isaya 33:1

Ubudamano bu ve ku ive wononnyanga, na ive si wononnyangwa; wa tumekira ubugadi, navo si va ku kolera ubugadi Lwa u lekeye kwononnya, ive u lononnywa, kandi lwa u mala kutumekira ubugadi, navo va la ku kolera ubugadi.

Jeremia 34:17

Kigira yaga Yahova a vola: Mwinye si mu huliye inze mba, kulandidzanira makuva gelibohololwa, mundu sa mulala namwavo wewe, na sa mulala nowakye: henza, inze nandidzira mwinye amakuva gelibohololwa, Yahova a vola, li veye libohololwa lyekivavi, nobulwaye, nenzala; na nda kola mwinye ku sigiswa yiyi neyiyi mu bwami bwosi bwomu lirova.

Jeremia 51:24

Nda tunga Babuloni na vosi ava venyanga Kalidei, nda va tunga ubudamano bwavo bwosi bwa va kola mu Zioni imbiri wetsimoni tsyenyu, Yahova a vola.

Obadia 1:15

Kigira lidiku lya Yahova li veye ahimbi ku tsihiri tsyosi: kuli wa kola yaga, na ive u la kolerwa ndiyo; litunga lilye li lirana ku mutwe gugwo mwene.

Matayo 6:14

Kigira mwinye ni mu sameha vandu mahyolo gavo, Dada wenyu womigulu a la mu sameha.

Marko 4:24

Na a va volera, Mu henze bulahi aga mu huliranga inengo ya mu geranga mu, kandi mwinye mu la gererwa mu: namwinye mu la medwa.

Luka 6:38

Mu haane na mwinye mu la hebwa; kigero kilahi kigatirangwa kandi ki sung'usangwa vi duka kusalika, ndiyo va la mu ha mu viritu vyenyu. Kigira ligera lya mu gera, lilyo lya mu li gererwa.

2 Vakorintho 9:6

Navutswa yaga mbola, Uyu u midzanga nobuimani a gesanga vyobwimani; kandi u midzanga nobuhaani agesanga vyobuhaani.

Yakobo 2:13

Kigira likalaga si li veye netsimbabasi ku uyu u ta li netsimbabasi: tsimbabasi tsiidzominyanga ku likalaga.

Likunula 18:6

Li hebwe kuli lya haana, kandi mu li he hali kaviri kuvita miyinzi gyalyo: mu kikombe kya lya tsukannya mu li tsukannyire mu hali kaviri.

Vakalagi 1:7

Na Adonibezeki ya vola, Avami makumi gatano nagaviri ava kalagwa videte vyavo vinene nevino vyavo vinene, va dola vyokulia vyavo isi wemeza yange: kuli nda kola Nyasaye u ntungi ndiyo. Na va mu leta Yerusalemi, na a kudzera yo.

Vakalagi 5:27

Yinama ha virenge vivye, ya gwa, na ya gona ho; Ha virenge vivye yinama, na a gwa: Ha yinama, ni ho ha ya gwa na a kudzi.

1 Samweli 15:33

Na Samweli ya mu volera, Kuli kivavi kikyo kya kola avakali va ve bugira avana, ni ndiyo mama wowo a la va bugira mwana hagati ha avakali. Na Samweli ya dononnya Agagi imbiri wa Yahova ha Gilgali.