Matayo 7:15 - KITABU KITAKATIFU

¹⁵ Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

Matayo 7:15 ပူးပေါင်းရင်းမြစ်များ

1 Avami 13:18

Na ye ya mu volera, Inze kandi mbeye muprofeti kuli ive; nengelosi ya mbo lera ku likuva lya Yahova, na a vola, U mwiranye halala nive mu inyumba yoyo, a duke kulagira nokunwa madzi. Navutswa ya mu volera bubehi.

Jeremia 29:21

Yahova wa mahe, Nyasaye wa Israeli, a vola ndi, ku makuva ga Ahabu mwana wa Kolaia, noku makuva ga Zedekia mwana wa Maaseia, ava profetera mwinye ububehi mu lieta lyange: Henza, nda va vika mmukono gwa Nebukadirezaru mwami wa Babuloni; naye a la viitira imbiri wetsimoni tsyenyu;

Jeremia 29:32

kigira yaga Yahova a vola, Henza, nda haana mageli ku Shemaia Munehelami, nekisukululwi kikye; si a la va nomundu u menya mu avandu yava, kandi si a la lola ubulahi, bwa ndi kolera avandu vange, Yahova a vola, kigira ya vola bwebaali ku Yahova.

Ezekieli 13:16

li vola li veye, avaprofeti va Israeli ava profeta ku makuva ga Yerusalemi, na ava lola malola gemirembe ku makuva galyo, si ha veye nemirembe, Mwami Nyasaye a vola.

Ezekieli 13:22

Kigira mu vereridza myoyo gyavalungi namakuva genyu gobubehi, ava inze nda vula kuvereridza; nokudinyeridza amakono gomudamano, a vule kwirana nokuleka inzira yeye indamano, nokuhona a ve mwoyo;

Ezekieli 22:25

Ha veye nelihambana lyobwebaali lyavaproieti veve hagati hehe, kuli king'ang'a ki fwumanga nokutandula vihimwa: va mali kumira myoyo gyavandu; va vugula akiba nevindu vyobuguli budinyu; va medi livalidzwa lyavakunzakali veve hagati hehe.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Danyeli 11:34

Na inyinga ya va li gwa va la konywa nobukonyi bukekeke; navutswa avanyingi va lehambannya kuvo namakuva gobugohi.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Zekaria 13:4

Na ga la duka mu lidiku yilyo, avaprofeti va la va netsisoni sa mulala kigira lilola lilye, lwa a profetanga; kandi si va livika ingubo yobwoya va duke kugada:

Matayo 10:17

Navutswa mu gelihe ku vandu: kigira va la mu hila mu viina, na mu masomero gavo va la mu kuya;

Matayo 16:11

Kigira ki si mu manya mba si nda mu volera amakuva gemilango? Navutswa mu gelihe ku mamera ga Vafarisayona Vasadukayo.

Matayo 16:6

Yesu ya va volera, Mu henze bulahi, mu gelihe ku mamera ga Vafarisayo na Vasadukayo.

Matayo 24:11

Navaprofeti vobubehi vanyingi va la twula na va gotidze vanyingi

Matayo 7:14

Kiliango ki veye king'erere ki tsitsa mu liva mwoyo, nenzira yakyo i veye ing'erere, navo ava ki lola ni vakekeke.

Luka 12:15

Kandi ya va volera, Mwelinde ku likayirwa lyosi: kigira liva mwoyo lyomundu si li veye ku vindu vinyingi vya a veye navyo.

Luka 6:26

Mu la lola ubudamano mwinye, avandu vosi lwa va mu laha bulahi kigira avaguga vavo va kola ndiyo ku vaprofeti vobubehi.

Yohana 10:12

U tungangwa, na a ta veye mwayi, wamagondi ga ta va agege, a lola kisalang'ongo ni kidza, ma a leka magondi, yiruke, kandi kisalang'ongo ki ga gamula, kandi ki ga salannya:

Vikolwa 13:40

Kunangwa mu henze bulahi gase ga ladza ku mwinye agavaprofeti va vola:

Vikolwa 13:6

Kandi lwa va mala kuvita kisulu kyosi kuduka Pafo, va nyola musegetiri mulala, muprofeti wobubehi, Muyuda, lieta lilye lya langwa Bar-Yesu.

Vagalatia 2:4

navutswa kigira avamitu vobubehi ava letwa makiriri, avingira makiriri kuluta libohololwa lyetu lya ku veye nalyo mu Kristo Yesu, va duke kukuvika mu butugwa:

Vafeso 4:14

ku ta va kandi avana vadoto ava viting'anywa yiyi neyiyi nokuvodonkanywa netsimbuudza tsyosi tsyamegidzo, ku busegetiri bwavandu mu bugeeri bwobugadi, ku lilonda ubugadi bwobugotidzi.

Vafeso 5:6

Mu ta leka mundu kali mulala a mu gade namakuva ga vutswa: kigira kyamakuva yaga ubutima bwa Nyasaye bu dukanga ku vana vobutingu.

Vafilipi 3:2

Mu gelihe ku tsimbwa, mu gelihe ku va kolanga tsimbi, mu gelihe ku lyekalaga:

Vakolosai 2:8

Mu henze bulahi gase mundu ku vosi a la mu lanyera ku ubugeeri bwomkivala nobugadi bwa vutswa, ku tsing'ano tsyavandu noku megidzo golugano lwelirova, ga ta li ku lugano lwa Kristo.

2 Timoteo 3:13

Navutswa avandu avadamano navagadidzi va lisunda imbiri nokukira kuva vadamano, va gadanga, navo va gadangwa.

2 Timoteo 4:3

Kigira inyinga i ladza ya va li vula kubugirira megidzo geligali navutswa va li vungidzira avegidzi kuli likayirwa lyavo, va veye namatu geviyago;

2 Petro 3:17

Kunangwa mwinye, avayanze, kigira mu manya vindu yivi, mwelinde gase lihyolo lyavebaali li la mu gotidza, mu gwe kutwula mu buluviriri bwenyu avene.

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.

Yudasi 1:4

Kigira ha veye navandu valala ava seta kwingira galaha, ava tanga kung'oderwa likalagirwa yili, ava vula kutia Nyasaye, ava girunkannya tsimbabasi tsya Nyasaye wetu tsi duke kuva kifwabwi, avambakana nga Munene wetu muderwa naye no Mwami wetu Yesu Kristo.

Likunula 16:13

Kandi nda lola gya twula mu munwa gwoguyoka, nomu munwa gwa uyu inyama, nomu munwa gwomuprofeti wobubehi, roho gyivaka midamano, kuli amakere:

Likunula 17:6

Kandi nda lola mu kali zana u hambiki amasahi gavatakatifu, kandi amasahi gavalolekidzi va Yesu. Inyinga nda mu lola, nda genya ligenya linene.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.