Matayo 7:14 - KITABU KITAKATIFU

¹⁴ Kiliango ki veye king'erere ki tsitsa mu liva mwoyo, nenzira yakyo i veye ing'erere, navo ava ki lola ni vakekeke.

Matayo 7:14 ပူးပေါင်းရင်းမြစ်များ

Zaburi 16:11

U la mmannya inzira yelivamwoyo: Imbiri wa ive ha veye nobusangali budukiru; Mu mukono gugwo mulungi ha veye nobuyanzi mihiga nemihiga.

Tsing'ano 8:20

Inze ng'endanga nevirenge mu inzira yobulungi Hagati hetsinzira tsyelikalaga lilungi;

Isaya 30:21

amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Isaya 57:14

Naye a la vola, Mu lombe, mu lombe, mu lungekidze inzira, twulidza vyokwikigitala ku inzira yavandu vange.

Jeremia 6:16

Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

Matayo 20:16

Ndi avenyima va la va avembiri, navo avembiri va la va avenyima.

Matayo 22:14

Kigira vanyingi va langwa, navutswa vakekeke va tovoleywi.

Matayo 7:13

Mwingire mkiliango ki veye king'erere: kigira inzira i tsitsa hokudividza ni mambalalu, nekiliango kyayo ki veye kigalamu na vanyingi vingiranga mu.

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

Marko 8:34

Ya langa avandu navegidzwi veve, na a va volera, Mundu na a va ni yenya kunonda, yegaye, a ginge musalaba gwigwe a nonde.

Luka 12:32

Mu ta tia, mwinye kyayo kikekeke; kigira Dada wenyu a yanza kumuha ubwami.

Yohana 16:2

Va la mu kunga mu mavugana: kandi isaa yidza ya vosi ava mwiita va levolera va kolera Nyasaye ubutumwa.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

Varumi 9:32

Kigira ki? Kigira si va gi londa nelisuuvira, navutswa kuli va londa nelikola. Vikigitala ku ligina lyokwikigitalidza;