Matayo 6:9 - KITABU KITAKATIFU

⁹ Mwinye mu saale ndi; Dada wetu u veye migulu lietalilyolidzominywe.

Matayo 6:9 ပူးပေါင်းရင်းမြစ်များ

2 Samweli 7:26

Na lieta lilyo lidzo minywe mihiga nemihiga, kuvola, Uyu Yahova wa mahe, niye Nyasaye ku Israeli; nenyumba yomutumekiri wowo Daudi i la dinyeridzwa imbiri wowo.

1 Avami 8:43

u hulire migulu hobumenyo bu bwo, nokukola kuli vyosi vya a ku saala, mugeni uyu, avandu velirova lyosi va duke kumanya lieta lilyo, kutia ive, kuli avandu vovo Israeli va ku tidzanga, kandi va manye inyumba yiyi ya nda kwombakira i langwa lieta lilyo kuyo.

1 Kyetsinyinga 17:24

Na lieta lilyo li dinyeridzwe noku kuminywa mihiga nemihiga, kuvola, Uyu Yahova wamahe niye Nyasaye wa Israeli, a veye Nyasaye ku Israeli, nenyumba ya Daudi mutumekiri wowo i dinyeridzeywi imbiri wowo.

2 Kyetsinyinga 20:6

na ya vola, O Yahova, Nyasaye wavaguga vetu, ive si u veye Nyasaye migulu? Kandi si u veye wokwameha ku bwami bwosi bwetsihiri? Kandi tsingulu nobunyali vi veye mu mukono gugwo, mundu si a nyala kuhing'ana nive.

Nehemia 9:5

Hene yaho Valevi, Jeshua, na Kadimieli, na Bani, na Hashabaneia, na Sherebia, na Hodia, na Shebania, na Pethahia, va vola, Mu singire mu santidza Yahova Nyasaye wenyu wokutwula mihiga nemihiga kuduka ku mihiga nemihiga; na lieta lilyo lyobukumi lidzominywe, lyobukumi kuvita bugasu bwosi nelidzominywa lyosi.

Zaburi 111:9

U leteye avandu veve ubuhonnyi; U lagi lilagana lilye li ve ho mihiga nemihiga: Lieta lilye li veye litakatifu na lyokutibwa.

Zaburi 115:3

Navutswa Nyasaye wetu a veye mwigulu: Ku vyosi u koli kuli ubulaliri bwibwe.

Zaburi 72:18

A gasidzwe, Yahova Nyasaye, Nyasaye wa Israeli, U veye yeng'ine mu likola vyokugenya:

Isaya 37:20

Kunangwa kalunu, O Yahova Nyasaye wetu, u ku honnye ku mukono gwigwe, tsihiri tsyosi tsyomu lirova tsi duke kumanya ive u veye Yahova, ive weng'ine.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 6:3

Mulala ya volera wundi, na a vola, Mutaka tifu, mutakatifu, mutakatifu ni Yaho va wa mahe: lirova lyosi lizuye ubukumi bwibwe.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Isaya 66:1

Yahova a vola yaga, Ligulu li veye intebe yange yobwami, na lirova li veye intebe yevirenge vyange: mu la nyombakira inyumba yo lugano ki? Kandi ni haliha ha duka kuva hango hange hokusosa?

Ezekieli 36:23

Na nda takasa lieta lyange linene, lyononnywa hagati hetsihiri, lya mwinye mwononnya hagati havo; na vetsihiri va la manya inze mbeye Yahova, Mwami Nyasaye a vola, lwa ndi takaswa mu mwinye imbiri wetsimoni tsyavo.

Ezekieli 38:23

Na ndii dzominya inze mwene, nokwetakasa inze mwene, ndemannya inze mwene mmanyekane imbiri wetsimoni tsyetsihiri tsinyingi; navo va la manya inze mbeye Yahova.

Kyavalevi 10:3

Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Habakuk 2:14

Kigira lirova li lizula limanya lyobukumi bwa Yahova, kuli madzi ga kunikanga inyanza.

Zekaria 14:9

Na Yahova a la va Mwami welirova lyosi: mu lidiku yilyo Yahova a la va mulala, na lieta lilye lilala.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Matayo 10:29

Si ga gulangwa matondelidzi gaviri isenti indala? Navutswa kali lilala si li nyala kugwa hasi bugira Dada wenyu na a la li manya.

Matayo 23:9

Mu ta langa mundu dada wenyu mu lirova mba: kigira mulala a veye Dada wenyu, uyu u veye migulu.

Matayo 26:29

Navutswa mmu volera, Inze kutwula kalunu si nda nwa ku makuyu gemizabibu, nduhe nduke kumva mahya halala nemwinye mu bwami bwa Dada wange.

Matayo 26:42

Ya tsia kandi na a saala, na a vola, Dada wange, ni ga ta nyalika kikombe yiki ki mbite, mbule kukinwa, ubulaliri bubwo bu kolwe.

Matayo 5:16

Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Matayo 5:48

Mu veye avadukanu kuli Dada wenyu womigulu a veye mudukanu.

Matayo 6:14

Kigira mwinye ni mu sameha vandu mahyolo gavo, Dada wenyu womigulu a la mu sameha.

Matayo 6:6

Navutswa ive, nu wenya kusaala, wingire munyumba yoyo, nu u mali kuhana kiliango, u saale Dada wowo u vula kulolwa, na Dada wowo a lola mbuvisi a la ku ha madanyi.

Matayo 7:11

Mwinye ava veye avadamano, ni mu manya kuha avana venyu vindu vilahi, nasindi Dada wenyu u veye migulu a la kira kuhaana vindu vilahi kuvo ava msaala?

Luka 15:18

Nda twula ntsie ku dada, kandi nda mu volere, Dada, nda yona ku ligulu nembiri wowo:

Luka 15:21

Kandi mwana ya mu volera, Dada, nda yona ku ligulu nembiri wowo: si ndukana kandi kulangwa mwana wowo.

Luka 2:14

Ubukumi bu ve igulu migulu ku Nyasaye. Nemirembe ku kivala ku vandu ava ya yanza.

Yohana 20:17

Yesu ya mu volera, U ta ngumira, kigira nkikiri kwanegira kutsia wa Dada wange: navutswa u tsie ku vamwavo vange, u va volere, Inze nzanegira kutsia wa Dada wange, kandi Dada wenyu, kandi wa Nyasaye wange, kandi Nyhsaye wenyu.

Varumi 1:7

Ibaruwa yange yiyi i dukire vosi ava veye mu lidala lya Romi, avayanze va Nyasaye, ava langwa va ve avatakatifu. Tsimbabasi tsi ve ku mwinye, nemirembe gyi twulanga ku Dada wetu kandi ku Mwami Yesu Kristo.

Varumi 8:15

Kigira si mwa vugula roho gwobutugwa gu duke kandi mu butii; navutswa mwa vugula roho gwelibugirirwa kuva avana va Nyasaye. Ku yigu, gwa kwanirira ku, Abba, Dada.

Vagalatia 1:1

Paulo, mutumwa (si bwa twula ku vandu, kandi si bwa li ku mundu, navutswa bwa li ku Yesu Kristo, noku Nyasaye Dada, wa mu simugukidza kutwula mu vakudzu)

Vagalatia 4:6

Kandi kigira mu veye avana, Nyasaye ya tuma Roho wo Mwana wewe yingire mu myoyo gyetu nokulira, Abba, Dada.

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii:

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.

Likunula 5:12

ni va vola nomwoyo munene, U dukani Mwana Weligondi wiiteywi kuvugula linyala nobutugi, nobugeeri, netsingulu, nelidzominywa, nobukumi nobugasu.