Matayo 6:5 - KITABU KITAKATIFU

⁵ Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

Matayo 6:5 ပူးပေါင်းရင်းမြစ်များ

Zaburi 5:2

U hulire mwoyo gwe lilira lyange, Mwami wange, na Nyasaye wange; Kigira nsaalanga ku ive.

Zaburi 55:17

Mgolova na mugamba na mbasu hagati, nda lira, na nda kenya; Naye a la hulira mwoyo gwange.

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Tsing'ano 16:5

Ku vosi u veye nomwoyo gwoluyai a veye livihiridza ku Yahova: Kali makono ni ga hambana si a la vula kukalagirwa.

Isaya 1:15

Lwa mu nyira makono genyu, nda visa tsimoni tsyange mbule kumulola; yee, lwa mu saala lisaala linyingi, si nda li hulira mba; makono genyu gizuye masahi.

Jeremia 29:12

Na mwinye mu lanira inze, mu la tsia kusaala inze, na nda mu hulira.

Danyeli 6:10

Na lwa Danyeli ya manya mang'oda ga vikeywi lieta, ya tsia mu inyumba yeye (nu u manyi madirisha gege ga li malamu mu inyumba yeye kuhenza ku luvega lwa Yerusalemi); naye y a sigama hali kavaka ku lidiku, na a saala, na a santidza imbiri wa Nyasaye wewe, kuli wa ya kolanga ku matsyambiri.

Matayo 21:22

Na vindu vyosi vya mu teva mu lisaala nelisuuvira, mu la vi nyola.

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Matayo 23:5

Navutswa miyinzi gyavo gyosi gya va kola, va kolanga avandu va va lole: va kola tsifilateri tsyavo tsimamba lalu, ni va dasa tsing'oli ku nyasi kwetsingubo tsyavo,

Matayo 23:6

ni va yanza kwikala hambiri mu lilia, kandi visako vinene mu masomero,

Matayo 6:1

Henze bulahi, mu ta kola bulungi bwenyu imbiri wa vandu, va mu lole: kigira ni mu kola ndiyo, si mu nyala kunyola madanyi ku Dada wenyu u veye migulu.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 6:2

Lwa u twulidza tsisadaka, u ta kupa kisiliva imbiri wowo, kuli avagadi va kola mmasomero na ku tsinzira, avandu va vidzominye. Ligali mmu volera, Va mali kunyola madanyi gavo.

Matayo 9:38

Mu saale Mwami mwene ligesa, a hile avagesi mu ligesa lilye.

Marko 11:25

Lwa mu singera kusaala, ni mu ve nekindu kumundu, mu mu samehe; Dada wenyu u veye migulu a duke kumusameha ubwoni bwenyu.

Marko 12:38

Mu migidzo gege ya vola, Mu gelihe avang'odi, ava yanza kugenda netsingubo tsintambi, nokuchelidzwa mu vitu,

Luka 11:43

Mwinye Vafarisayo, O bayaye bu veye ku mwinye kigira mu yanza visako vyokwegingira mu masomero nokuchelidzwa mu vitu.

Luka 18:1

Ya va kupa lugano va duke kulola nu bulahi va saala tsinyinga tsyosi, va ta luha mba;

Luka 18:13

Navutswa musololi wobushutu, ya singira ihale si ya li nomwoyo gu duka kuhenza igulu, navutswa yiduya ku kiritu kikye, na a vola, Nyasaye, u mbere rere inze mwoni.

Luka 20:47

ava lia tsinyumba tsyavakunzakali, kandi va saala namakuva manyingi ku bugadi. Yava va la nyola likalagirwa linene.

Luka 6:24

Navutswa mu la lola ubudamano, mwinye avatugi kigira mu mali kunyola lihodzeridza lyenyu.

Yohana 16:24

Kuduka kalunu mu kikiri kusaala kindu ku lieta lyange: mu saale, mu la hebwa, ubuyanzi bwenyu bu duke kudukidzwa.

Vafeso 6:18

nelisaala lyosi nokusaava mu lisaala tsinyinga tsyosi mu Roho, nokulinda mugeni yaga nelihongera lyosi nokusaalira avatakatifu vosi,

1 Vatesalonike 5:17

mu saale Nyasaye bugira kuleka;

Yakobo 4:6

Navutswa a ku ha tsimbabasi kuvita. Kigira yaga mang'oda ga vola, Nyasaye a hingira avigingiri, navutswa a hedzanga avegehidzi tsimbabasi.