Matayo 6:34 - KITABU KITAKATIFU

³⁴ Kunangwa mu ta henda mwoyo ku mugamba gundi: kigira mugamba gu la henda mwoyo namakuva gagwo. Ubudamano bwelidiku bu dukana nelidiku lyene.

Matayo 6:34 ပူးပေါင်းရင်းမြစ်များ

Lisyoma lya Jeremia 3:23

Tsi veye tsimpya mugamba nomugamba; busuuvirifu bubwo bu veye bunene.

Matayo 6:11

Lero u ku he vyokulia vyetu vya kase.

Matayo 6:25

Yiki ni kigira mmu volera, Mu ta henda mwoyo ku liva mwoyo lyenyu, vya mu li lia kinga vya mu li nwa; kinga ku mubiri, vya mu li vika. Liva mwoyo si li vita vyokulia, nomubiri si gu vita tsingubo?

Matayo 6:27

U li ha ku mwinye u nyala nokuhenda mwoyo kwesonga ku butambi bwibwe mkono mulala?

Luka 10:41

Navutswa Mwami ya tivula na a mu volera, Marita, Marita, u nyankana nokudidikana ku vindu vinyingi:

Luka 11:3

Madiku na madiku u ku he vyokulia vyetu vi duki.

Luka 12:11

Kandi lwa va li mu hila imbiri wavamavugana navanene navetsingulu, mu ta henda mwoyo kuganagana litivula kandi kuli wa mu li tivula kandi aga mu li vola:

Luka 12:22

Kandi ya volera avegidzwi veve, Kigira yaga mmu volera, Mu ta henda mwoyo ku liva mwoyo lyenyu, ku vya mu li lia, kinga ku mubiri, vya mu li vika.

Yohana 14:27

Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Kwidzulitsa 33:25

Vilatu vivyo vi veye kivya nomugasa; Na kuli madiku gogo tsingulu tsitsyo tsi la va ndiyo.

Vafilipi 4:6

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

1 Petro 5:7

mu vike kuye kihenda mwoyo kyenyu kyosi, kigira a lindanga mwinye.