Matayo 6:28 - KITABU KITAKATIFU

²⁸ Kigira ki mu henda mwoyo ku tsingubo? Mu ganagane amadanya gemilimi, kuli ga viruka; si ga kola miyinzi, kandi si ga sita:

Matayo 6:28 ပူးပေါင်းရင်းမြစ်များ

Hosea 14:5

Nda va kuli lime ku Israeli; a la lavidza vimuli kuli vimuli vyelidanya, nokulandidza imiri gyigye kuli Le banon.

Matayo 10:10

kandi mu ta vugula imuya yo lugenda, kinga amakoti gaviri, kinga vilatu, kinga impimbo: kigira muyinziri a dukana nevyokulia vivye.

Matayo 6:25

Yiki ni kigira mmu volera, Mu ta henda mwoyo ku liva mwoyo lyenyu, vya mu li lia kinga vya mu li nwa; kinga ku mubiri, vya mu li vika. Liva mwoyo si li vita vyokulia, nomubiri si gu vita tsingubo?

Matayo 6:27

U li ha ku mwinye u nyala nokuhenda mwoyo kwesonga ku butambi bwibwe mkono mulala?

Matayo 6:31

Kunangwa mu ta henda mwoyo, ni mu vola, Ku la lia ki? Kinga, Ku la nwa ki? Kinga, Ku li yavala ki?

Luka 10:41

Navutswa Mwami ya tivula na a mu volera, Marita, Marita, u nyankana nokudidikana ku vindu vinyingi:

Luka 12:11

Kandi lwa va li mu hila imbiri wavamavugana navanene navetsingulu, mu ta henda mwoyo kuganagana litivula kandi kuli wa mu li tivula kandi aga mu li vola:

Luka 12:22

Kandi ya volera avegidzwi veve, Kigira yaga mmu volera, Mu ta henda mwoyo ku liva mwoyo lyenyu, ku vya mu li lia, kinga ku mubiri, vya mu li vika.

Luka 12:27

Mu henze amadanya, kuli ga viruka: si ga yinzira, kandi si ga sita; navutswa mmu volera, Kali Solomoni mu bukumi bwibwe bwosi, si ya li yavalwa kuli lilala kugo.

Luka 3:11

Naye ya tivula, na a va volera, U veye netsikanzu tsiviri a he u ta li nayo; kandi u veye nevyokulia a kole ndiyo.

Vafilipi 4:6

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

1 Petro 5:7

mu vike kuye kihenda mwoyo kyenyu kyosi, kigira a lindanga mwinye.