Matayo 6:24 - KITABU KITAKATIFU

²⁴ Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

Matayo 6:24 ပူးပေါင်းရင်းမြစ်များ

Litanga 47:17

Navo va leta mitugu gyavo ku Yosefa; na Yosefa ya va ha vyokilia ku tsiparasi tsyavo, noku magondi, noku tsing'ombe, noku tsisukiri: naye ya va ha vyokulia ku mitugu gyavo gyosi mu muhiga yigwo.

1 Avami 18:21

Na Elija yisunda ku avandu yavo vosi, na a va volera, Mu la genda kuli avalema mu tsiganagani tsiviri kuduka inyinga ki? Yahova na a va na a veye Nyasaye mu mu londe navutswa na a va na a veye Baal mu londe uyu. Navandu yavo si va mu tivulira kindu kali kilala mba.

2 Avami 17:41

Ma vetsihiri yitsyo va tia Yahova, na va tumekira vifwananyi vyavo vya vadzwa; kandi avana vavo ndiyo, navana vavana vavo, kuli vadada vavo va kola, navo kandi va kola ndiyo kuduka lero.

Ezekieli 20:39

Ku makuva genyu, mwinye avenyumba ya Israeli, Mwami Nyasaye a vola: Mu tsie, sa mulala a tumekire vifwananyi vivye, nenyinga yenyima, ni mu vula kwenya kuhulira inze; navutswa lieta lyange litakatifu si mu la lyononnya kandi nevindu vyenyu vya mu haananga, nevifwananyi vyenyu.

Zefania 1:5

navo ava sigamira amahe gomigulu ku visegese vyetsinyumba; na yavo ava sigamiranga, avesuhiranga Yahova nokwisuha ku Malikam;

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Luka 16:11

Kunangwa mwinye ni mu ta li nelisuuvirwa ku butugi bu ganga, ibwaha u li mu ha ubutugi bweligali?

Luka 16:13

Si ha li nomutugwa womu inyumba u nyala kutumekira avami vaviri: kigira a la dunyira mulala, nowundi a la mu yanza; kinga a la hambana nomulala, nowundi a la mu lega. Si mu nyala kutumekira Nyasaye nobutugi.

Luka 16:9

Na inze mmu volera, Mwekolere avalina ku butugi bu ganga; lwa bu li yoneka, va la ka mwingiridze mu bugono bu ta hera mba.

Vagalatia 1:10

Navutswa kalunu nyenya avandu va mbugirire, naho Nyasaye? Naho nyenya kuyanzidza avamlu? Kalunu ni mba ni nyanzidza avandu, si mbeye mutumwa wa Kristo.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

2 Timoteo 4:10

kigira Dema, wa li ndeka, kigira u mali kuyanza vyelirova lya kalunu yili, kandi wa tsia Tesalonike; Keresike wa tsia Galatia, Tito wa tsia Dalamatia.

Yakobo 4:4

Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.