Matayo 6:2 - KITABU KITAKATIFU

² Lwa u twulidza tsisadaka, u ta kupa kisiliva imbiri wowo, kuli avagadi va kola mmasomero na ku tsinzira, avandu va vidzominye. Ligali mmu volera, Va mali kunyola madanyi gavo.

Matayo 6:2 ပူးပေါင်းရင်းမြစ်များ

Zaburi 112:9

A sugeridzi, na a haani ku avadaka; Ubulungi bwibwe bu hindiranga mihiga nemihiga: Ulwiga lwilwe lu la nenehidzwa nobukumi.

Zaburi 37:21

Mudamano a hambanga kivete, na si a tunga mba; Navutswa mulungi a kola tsimbabasi nokuhaana.

Tsing'ano 19:17

Uyu u verereranga avadaka a hambidza Yahova kivete, Na likola lilye lilahi a la mu tunga kandi.

Tsing'ano 20:6

Ku avandu avanyingi va lilwadza sa mulala ubulahi bwibwe mwene; Navutswa mundu musuuvirifu, ni bwaha u nyala kumulola?

Kohelethu 11:2

U he ava ndu vatano na vaviri vidieli vyavo, yee, kali vatano na vavaka; kigira si u manya ni budamano ki ubu la va ku kivala;

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 58:7

Si ga veye kugavulira vyokulia vivyo ku yavo ava veye nenzala, nokuleta mu inyumba yoyo avadaka ava kungwa kyova? Lwa u lola mundu u veye kyahonyo, u mu vike ingubo; kandi u tevisa ive mwene ku yava ava veye avovo?

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Hosea 8:1

Vika kisiliva ku munwa gugwo. Kuli indidzu a twulira inyumba ya Yahova, kigira vononnyi lilagana lyange, nokuhyola ku malago gange.

Matayo 15:7

Mwinye avagadi Isaya ya profeta bulahi ku mwinye, na a vola,

Matayo 16:3

Na mugamba, Isi i la dunya lero: kigira ligulu ni limugi nembula i mwaminya. Mu nyala kumanya weligulu li fwana; navutswa si mu nyala kumanya kyokulolekidzira kyetsinyinga.

Matayo 22:18

Navutswa Yesu ya manya ububi bwavo, na a vola, Kigira ki mu ntega, Avagadi?

Matayo 23:5

Navutswa miyinzi gyavo gyosi gya va kola, va kolanga avandu va va lole: va kola tsifilateri tsyavo tsimamba lalu, ni va dasa tsing'oli ku nyasi kwetsingubo tsyavo,

Matayo 23:6

ni va yanza kwikala hambiri mu lilia, kandi visako vinene mu masomero,

Matayo 24:51

a la mu temlnya, na a mu ha kidieli kikye halala navagadi: ha la va nokulira nokudyedyeidza amino.

Matayo 5:18

Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 6:3

Navutswa lwa u twulidza tsisadaka, u ta leka mkono mmosi gugwo gu manya vyomkono mulungi gu kola:

Matayo 6:5

Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

Matayo 7:5

Mugadi ive, u tange kutwulidza musala gu veye mmoni yoyo; kunangwa u la lola bulahi kutwulidza lindu mmoni yamwavo wowo.

Marko 12:39

nevisako vinene mu masomero, nevisako vilahi mu lilia:

Marko 7:6

Ya tivula na a va volera, Isaya ya profeta bulahi ku mwinye avagadi, kuli aga ng'odwa Avandu yava va nzidzominya neminwa gyavo, Navutswa myoyo gyavo gyi veye hale ninze.

Luka 11:41

Navutswa mu twulidze isadaka ku vyomugati; kandi henza, vindu vyosi vi veye vilahi ku mwinye.

Luka 11:43

Mwinye Vafarisayo, O bayaye bu veye ku mwinye kigira mu yanza visako vyokwegingira mu masomero nokuchelidzwa mu vitu.

Luka 12:33

Mu gulidze vya mu veye navyo, mu tunge tsisadaka; mwelombere avene tsimuya tsi ta kunguha, akiba yomigulu i ta hendeka, homwivi a tisunda himbi, kandi hetsisere tsi tononnya.

Luka 12:56

Mwinye avagadi, mu manya kugera mmoni mwelirova neligulu; navutswa kigira ki si mu manya kugera inyinga yiyi?

Luka 13:15

Navutswa Mwami ya mu tivulira na a vola, Mwinye avagadi, Ku mwinye sa mulala si mu boholola ing'ombe yenyu kinga isukiri yenyu kutwula mu kego, mu tsia kuginwehidza ku lidiku lyelisabato?

Luka 20:46

Mu gelihe ku vang'odi, ava yanza kugendera tsingubo tsintambi, kandi ava yanza kuchelidzwa mu vitu, nevisako vinene mu masomero, na ha bunene mu lilia;

Luka 6:24

Navutswa mu la lola ubudamano, mwinye avatugi kigira mu mali kunyola lihodzeridza lyenyu.

Luka 6:42

Kinga u la nyala ndi kuvolera amwavo wowo, Amitu, u leke, nku twulidze lindu mu imoni yoyo, na ive mwene si u lola musala gu veye mu imoni yoyo? Mugadi ive, u tange kutwulidza musala gu veye mu imoni yoyo, kunangwa u la lola bulahi kutwulidza lindu li veye mu imoni yamwavo wowo.

Yohana 13:29

Kigira avalala va ganagana, kigira Yuda ya ginga kilinga kyetsishilling, Yesu ya mu volera, Gula vindu vya ku daka vyelilia; kinga, a he avadaka kindu.

Yohana 5:41

Si mbugula ubukumi ku vandu.

Yohana 5:44

Mu nyala ndi kusuuvira mwinye ava hereridzana ubukumi, mu vula kwenya ubukumi bu twula wa Nyasaye u veye yeng'ine?

Yohana 7:18

Uyu wevolera yenya ubukumi bwibwe bwene: navutswa uyu wenya ubukumi bwa uyu wa mu tuma, uyu a veye weligali, kandi si a veye na ga ta lungiki muye.

Vikolwa 10:2

ya li mulahi wa tia Nyasaye, halala navenyumba yeye vosi, na a ha avandu tsisadaka tsinyingi, na a saala Nyasaye madiku gosi.

Vikolwa 10:31

naye ya mbolera, Kornilyo, lisaala lilyo li hulirwa, netsisadaka tsitsyo tsidzulitswa imbiri wa Nyasaye.

Vikolwa 10:4

Naye ya mwumika tsimoni tsitsye na a tia na a vola, Ni kindu ki, Mwamii Na a mu volera, Lisaala lilyo netsisadaka tsitsyo vi duki igulu vi ve kyokwidzulitsa imbiri wa Nyasaye.

Vikolwa 11:29

Navegidzwi sa mulala kuli va nyala va lalira kuhila ubukonyi ku vamwavo ava menya Ebuyuda:

Vikolwa 24:17

Kalunu inyima yemihiga minyingi nda duka kuletera ihiri yange tsisadaka nevihaanwa:

Vikolwa 9:36

Ya li mu Yopa mwegidzwi mulala wa langwa Tabitha, ligirunkanywa lyalyo ni Dorkasi, naho Kisusu: mukali uyu ya li ni yizula miyinzi milahi na gyetsimbabasi ya kola halala nokukonya vadaka.

Varumi 12:8

kinga uyu weganehidza a tumike mu lyeganehidza lilye: u haananga, a haane nobuhaani: uyu wamehanga, a kole nobugulu; uyu u vererera, a mu vererere nobusangali.

1 Vakorintho 13:3

Kandi ni mba ni mbaana vindu vyange vyosi kukonya avadaka, kandi ni mba ni mbaana mubiri gwange gu sa mbwe, navutswa ni nta va nobuyanzi, si vi nkonya kali hakuzu.

Vagalatia 2:10

navutswa venya kwinye kwidzulitse avadaka, yili lyeng'ine; likuva zana kandi nda li nobugulu kulikola.

Vafeso 4:28

Uyu wiba a tiba kandi: navutswa nubulahi a didikane, a yinzire namakono gege, a kole kindu ki veye kilahi, a duke kuva nekindu kyokuha uyu u veye nobudaka.

1 Vatesalonike 2:6

kandi s; kwenya ubukumi bu twulanga ku vandu, naho bu twulanga ku mwinye kinga ku vandi, lwa kwa li ni ku nyala kuvugula tsingulu kuli avatumwa va Kristo.

1 Timoteo 6:18

kandi va kole bulahi, va ve avatugi ku miyinzi milahi, va ve avahaani vevindu, kandi va ve avasangi navandi mu vindu vyomwoyo;

Filemona 1:7

Kigira nda li nobusangali nekilema mwoyo mu buyanzi bubwo, kigira myoyo gyavatakatifu gya lemeridzwa kigira ive, amitu.

Vahebraina 13:16

Navutswa mu tivirira kukola bulahi nokusanga, kigira visyuviriru kuli yivi Nyasaye a yanzidzangwa navyo.

1 Petro 4:11

Mundu na a va na a vola, a role kuli livola lya Nyasaye; mundu na a va na a tumeka a fumeke kuli mu tsingulu tsya Nyasaye a mu leteye: kuduka mu vindu vyosi Nyasaye yidzominyirwe ku Yesu Kristo, wobukumi bu veye bwibwe halala netsingulu mihiga nemihiga. Amini.

1 Samweli 15:30

Hene yaho ya vola, Nkoli ubwoni: kali ni ga veye ndiyo, nku goonya, u nzidzominye kalunu imbiri wa vakulundu vavandu vange, na imbiri wa Israeli, na wirane kandi halala ninze nduke kusigamira Yahova Nyasaye wowo.