Matayo 6:19 - KITABU KITAKATIFU

¹⁹ Mu tivikira tsikiba mu lirova, he tsisere netsisisinia tsyononnya kandi ha avivi vigulira ni viba:

Matayo 6:19 ပူးပေါင်းရင်းမြစ်များ

Ayubu 24:16

Va hudula tsinyumba isi nimwami: Vehanira inyinga yombasu; Si va manya ubulavu.

Ayubu 31:24

Ni mba ni nkola ithahabu kuva kyokusuuvira kyange, Nokuvolera ithahabu i siyeku, Ive u Deye kyokwesedema ku kyange;

Zaburi 39:6

Ligali sa mulala a gendanga na a veye kiriri vutswa; Ligali va henda mwoyo vutswa: A vungidzanga ubutugi na si a manya ibwaha a la bu vugula.

Zaburi 62:10

Mu ta suuvira lidambidza, Mu tegingira ku lilanya lyenyu: Ubutugi ni bu medeka, u ta bu vika mu mwoyo gugwo.

Kutwula 22:2

Mwivi na a loleka na a hudulanga, na a kuywa kuduka likudza, si a la vanzirwa masahi gege mba.

Tsing'ano 11:4

Ubutugi si bu konya kindu mu lidiku lyobutima; Navutswa ubulungi bu honnyanga ku likudza.

Tsing'ano 16:16

Bu duka kuli ndi ubulahi bwokunyola ubugeeri kuvita kunyola ithahabu Yee, kunyola limanya li veye litovolwa kuvita linyola ifetha.

Kohelethu 2:26

Kigira Nya saye a hedzanga umundu wa a yanza ubugeeri, nelimanya, nelisangala; navutswa a hedzanga wobwoni, linyankana, kuvungidza nokumeda, a duke kuha wa Nyasaye a yanza. Yaga kandi na ga vutswa, nokudidi kana ku imbuudza.

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Matayo 19:21

Yesu ya mu volera, Nu wenya kuva mudukiru, tsia u gulidze vyosi vya u veye navyo, u he avadaka, na ive u la va na akiba migulu: udze, u nonde.

Matayo 6:20

navutswa mwivikire tsikiba migulu, he tsisere netsisinia tsi tononnya, kandi ha avivi va tigulira ni viba:

Luka 12:21

A veye ndiyo wivikira vindu, navutswa ku Nyasaye si a veye nobutugi.

Luka 12:33

Mu gulidze vya mu veye navyo, mu tunge tsisadaka; mwelombere avene tsimuya tsi ta kunguha, akiba yomigulu i ta hendeka, homwivi a tisunda himbi, kandi hetsisere tsi tononnya.

Luka 12:39

Navutswa mu manye yaga, mwene inyumba a va u manya inyinga mwivi a lidza, nkano ya linda, kandi nkano si a leka inyumba yeye i fulwe.

Luka 18:22

Yesu lwa ya hulira yaga, ya mu volera, U daki kindu kilala kalunu: gula vyosi vya u veye navyo, u he avadaka, na ive u la va nekiba migulu: hamba, u nonde.

Luka 18:24

Yesu kva ya mu lola, ya vola, Nu budinyu avaveye nobutugi kwingira mu bwami bua Nyasaye

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.