Matayo 6:16 - KITABU KITAKATIFU

¹⁶ Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 6:16 ပူးပေါင်းရင်းမြစ်များ

2 Samweli 12:16

Kunangwa Daudi ya saala Nyasaye kigira mwana; na Daudi ya honga lilia, na yingira, na a gona hasi ubudiku bwosi.

2 Samweli 12:21

Hene yaho vatumekiri veve va mu teva, Inkuva ki yiyi ya u koli? Wa honga lilia nokulilira mwana, lwa ya li mwoyo, navutswa lwa a kudzi, wa vuka no u lagira ubukima.

1 Avami 21:27

Na ga duka, lwa Ahabu ya hulira makuva yaga, hene yaho ya tandula tsingubo tsitsye, ni yivika ingubo yeligunia ku mubiri gwigwe, na a honga lilia, nokugona ku ma gunia, nokugenda galaha.

Nehemia 1:4

Kunangwa, lwa nda hulira makuva yaga, ndikala nokulira, noku syoma madiku aga duki; na nda honga lilia nokusaala imbiri wa Nyasaye womigulu,

Esther 4:16

Tsia, u vungidze Avayuda vosi ava veye ha Shushan, mu honge lilia kigira inze, mu vule kulia kinga kunwa kuduka madiku gavaka, ubudiku kinga mbasu: na inze navatugwa vange ku la honga lilia ndiyo; na ndiyo ndingira ku mwami, i veye inkuva i ta li kuli malago: ni mba ni ndiva, ndive.

Zaburi 109:24

Masigamo gange ga degeranga kigira lihonga lilia; Inyama yombiri gwange iniaye ku ligeha maguta.

Zaburi 35:13

Navutswa inze, lwa va li valwaye ingubo yange ya li ligunia: Nda saliridza mwoyo gwange nelihonga lilia; Na lisaala lyange lya irana ku kiritu kyange.

Zaburi 69:10

Lwa nda lira nokuregidza mwoyo gwange nelihonga lilia, Yaga ga leta linyegwa.

Danyeli 9:3

Na nda yekidza tsimoni tsyange ku Mwami Nyasaye, kwenya mu lisaala, nomu lihomba, mu lihonga lilia, nomu tsingubo tsyeligunia, nomu ligoke.

Malaki 3:14

Mwinye mu vola, Litumekira Nyasaye si li veye nevya mbeti; kandi lilinda lya kwinye ku linda bulindi bwibwe li konya ki, na ligenda lyokugenda neliverera imbiri wa Yahova wa mahe, li konya ki?

Matayo 6:1

Henze bulahi, mu ta kola bulungi bwenyu imbiri wa vandu, va mu lole: kigira ni mu kola ndiyo, si mu nyala kunyola madanyi ku Dada wenyu u veye migulu.

Matayo 6:2

Lwa u twulidza tsisadaka, u ta kupa kisiliva imbiri wowo, kuli avagadi va kola mmasomero na ku tsinzira, avandu va vidzominye. Ligali mmu volera, Va mali kunyola madanyi gavo.

Matayo 6:5

Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

Marko 2:18

Avegidzwi va Yohana na Vafarisayo va honga lilia; ni vadza ni va mu volera, Kigira ki avegidzwi va Yohana na Vafarisayo va honga lilia, navutswa avegidzwi vovo si va honga lilia mba?

Luka 18:12

Ku lisidza lilala mbonga lilia kaviri; kandi ntwulidza amazaka ku vyosi vya nyola.

Luka 2:37

kandi ya li mukunzakali imihiga gyi duka amakumi gatanu na gavaka nemihiga gyine), wa vula kutwula mu litempeli, na a sigamira halala nokuhonga lilia nelisaala ubudiku nombasu.

Vikolwa 10:30

Kornilyo ya mu tivulira, Nda li ni nsaala mu inyumba yange, isaa i kola tsitanu na tsine, kutwula inyinga yeyo lero ni kane, henza, mundu ya singira imbiri wange wiviki tsingubo tsing'ereng'anu,

Vikolwa 14:23

Navo lwa va mala kuvika avakulundu mu mavugana gosi, kandi lwa va saala halala nelihonga lilia, va va vika ku Mwami wa va mala kumsuuvira.

1 Vakorintho 7:5

Mu ta sulana avene navene bugira ni mu ta lagani inyinga, mu duke kuva nobwiyangu bwokusaala, ma mu ve halala kandi; Setani a ta duka kumugeridza kigira ku livula kwegaya lyenyu.

2 Vakorintho 11:27

mu miyinzi nomu busaliri, mu lihenzerera hali kanyingi, mu inzala nomu buluhu, mu lihonga lilia hali kanyingi, mu bukindu nomu kyahonyo.

2 Vakorintho 6:5

mu bukinduki, mu libofwa, mu kivihiri, mu miyinzi, mu lididikana, mu lihonga lilia;