Matayo 6:12 - KITABU KITAKATIFU

¹² U ku samehe magovi getu, kuli kwinye ku sameha avamagovi getu.

Matayo 6:12 ပူးပေါင်းရင်းမြစ်များ

1 Avami 8:30

Na u hulire lisaala lyomutumekiri wowo, na lyavandu vovo Israeli lwa va saalanga lyokuhenza ha zana: yee, u hulire yaho migulu mbumenyo bubwo, na lwa u hulira, u samehe.

1 Avami 8:34

ma u hulire migu lu, u samehe ubwoni bwavandu vovo Israeli, u virannye kandi vingire mu kivala kya wa ha vaguga vavo.

1 Avami 8:39

ma u hulire mi gulu ha bumenyo bubwo, u samehe, nokukola, nokutunga sa mulala kuli tsinzira tsitsye tsyosi, wa u manya mwoyo gwigwe; (kigira ni ive, ive weng'ine, u manyanga myoyo gya vandu vosi;)

1 Avami 8:50

nokusameha avandu vovo ava ku koleye ubwoni, na makuva gosi agobutingu bwavo bwa va tinguha ive; na u va vere tsimbabasi imbiri wa yavo ava va hila, va duke kuvavera tsimbabasi

Zaburi 130:4

Navutswa ku ive ha veye ubusa mehi, Ive u duke kutibwa.

Zaburi 32:1

A veye nobugasu uyu wamahyolo gege ga sameheywi, Wobwoni bwibwe bu kunikeywi.

Kutwula 34:7

u hedzanga avandu tsielfu liverererwa, musamehi wobudamano, na mahyolo nobwoni; na a la vula kuvola kali hakuzuzu, mudamano a veye mulahi, na wokuvika ubwoni bwavadada ku avana, noku avana va avana, ku likula lya gavaka noku lya gane.

Isaya 1:18

Kalunu hambi, ku lombe makuva, Yahova a vola: kali ubwoni bwenyu ni bu va ni bu veye bwakanyu ligali, bu la va ubulavu ligali kuli likonza; ni bu va ni bu veye bwakanyu kuli kibaara bu la va kuli pamba

Danyeli 9:19

O Mwami, u hulire; O Mwami, u sarnehe; O Mwami, u hulire nokukola; u ta lindagira, kigira ive mwene, O Nyasaye wange, kigira lidala lilyo na avandu vovo va langangwa ku lieta lilyo.

Matayo 26:28

kigira yaga namasahi gange gelilagana, aga sundulirwa avanyingi kuduka ku busamehi bwobwoni.

Matayo 9:2

Kandi henza, va mu letera mundu wa fwogoya na a gona ku kitali: na Yesu lwa ya lola lisuuvira lyavo ya volera wa fwogoya, U leme mwoyo, mwana wange, u sameheywi bwoni bubwo.

Marko 11:25

Lwa mu singera kusaala, ni mu ve nekindu kumundu, mu mu samehe; Dada wenyu u veye migulu a duke kumusameha ubwoni bwenyu.

Luka 11:4

U ku samehe ubwoni bwetu; kigira kwinye avene ku sameha avoni vetu. U ta ku hila mu ligeridzwa.

Luka 13:4

Naho yavo likumi na vatanu na vavaka avomnara gwa gwira mu Siloam ni gu viita, mu ganagana va li avekivihiri kuvita avandi vosi ava menya Yerusalemi?

Luka 6:37

Mu ta kalagira, na mwinye si mu li kalagirwa mba: kandi mu ta kyaya, na mwinye si mu la kyaywa mba: mu sameha na mwinye mu la samefwa.

Vikolwa 13:38

Kigira yaga, ga manyekane ku mwinye, avamitu, ku mundu uyu mwilwadzwa lisameha lyobwoni:

Vafeso 1:7

muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye,

Vafeso 4:32

mu ve nobuhooma avene navene, nokuvererana tsimbabasi, nokusamehana avene navene, kuli Nyasaye ya sameha mwinye mu Kristo.

Vakolosai 3:13

mwikudzirane avene navene, nokusamehana mundu sa mulala nowa kye, ku vosi mundu na a veye nelikuva ku wakye; kuli Mwami ya sameha mwinye, na mwinye mu kole ndiyo: