Matayo 6:10 - KITABU KITAKATIFU

¹⁰ Ubwami bubwo budze. Ubulaliri bubwo bu kolwe mu lirova muno kuli bu kolwa migulu.

Matayo 6:10 ပူးပေါင်းရင်းမြစ်များ

Nehemia 9:6

Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

Zaburi 2:6

Navutswa mbiki mwami wange ku Zioni Kigulu kyange kitakatifu.

Zaburi 40:8

Inze nyanza kukola ubulaliri bubwo, O Nyasaye wange; Yee, amalago gogo ga veye mu mwoyo gwange.

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Jeremia 23:5

Henze, madiku gadzanga, Yahova a vola, mugo nda singeridzira Daudi Kisibu kyobulungi, naye a lameha mwami na a la kola nobugeeri, na a la kola likalaga nobulungi mu kivala.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Danyeli 7:13

Nda lola mu malola gobudiku, na henza, mulala yadza halala na malesi gomigulu, ya li kuli mwana womundu, na ya duka kali ku Muhindira wa madiku, ni va mu dukidza himba imbiri wewe.

Danyeli 7:27

Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 12:50

Kigira ku vosi u li kola ubulaliri bwa Dada wange u veye migulu niye amitu wange, nambotso wange, na mama wange.

Matayo 16:28

Ligali mmu volera, Avalala kuvo avasingira hano si va li lola likudza ligali, va kikiri kulola Mwana wa Adamu ni yadza mu bwami bwibwe.

Matayo 26:42

Ya tsia kandi na a saala, na a vola, Dada wange, ni ga ta nyalika kikombe yiki ki mbite, mbule kukinwa, ubulaliri bubwo bu kolwe.

Matayo 3:2

Mweganire; kigira ubwami bwomigulu bu veye himbi.

Matayo 4:17

Kutwula inyinga yeyo Yesu va tanga kwilwadza na a vola, Mweganire; kigira ubwami bwomigulu bu veye himbi.

Matayo 7:21

Si va lingira vosi mbwami bwomigulu ava mbolera, Mwami, Mwami, navutswa uyu u kola ubulaliri bwa Dada u veye migulu.

Marko 11:10

Bugasi bwami buudzanga, bwa Daudi guga wetu: Hozana igulu ku ligulu.

Marko 3:35

Ku vosi u li kola ubulaliri bwa Nyasaye, uyu niye amitu wange, na mbotso wange, na mama wange.

Luka 19:11

Ni va ki hulira vindu yivi, ya meda amakuva na a kupa lugano, kigira ya li himbi Yerusalemi, kandi kigira va ganagana ubwami bwa Nyasaye bu la loleka nonoho.

Luka 19:38

ni va vola, A veye nobugasu, Mugali yadza ku lieta lyo Mwami: mirembe migulu, nobukumi igulu ligali.

Luka 22:42

na a vola, Dada, Ive nu u lalira, u ntwulidzire kikombe yiki: navutswa ga ta va kuli ubulaliri bwange, navutswa ga ve kuli ubulaliri bubwo.

Yohana 4:34

Yesu ya va volera, Vyokulia vyange nokukola ubulaliri bwa uyu wa ntuma, nokumaliridza miyinzi gyigye.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Vikolwa 13:22

Lwa ya mala kutwulidza uyu, ya singeridza Daudi a ve mwami wavo; wa ya lolekidza na a vola, Nyoye Daudi mwana wa Jesse, a veye mundu ku lugano lwomwoyo gwange, u li kola ubulaliri bwange bwosi.

Vikolwa 21:14

Lwa ya sula i kugirunkanywa kwa mu leka ni ku vola, Ubulaliri bwo, Mwami bu kolwe.

Vikolwa 22:14

Kandi ya vola, Nyasaye wavaguga vetu u mali kukutovola u duke kumanya ubulaliri bwibwe, nokulola Mulungi, nokuhulira mwoyo gu twula mmunwa gwigwe.

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

Vafeso 6:6

bu ta va butumwa bwetsimoni, kuli ava yanzeka ku vandu; navutswa kuli avatugwa va Kristo, ava kola ubulaliri bwa Nyasaye nomwoyo;

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

Vakolosai 1:9

Kigira yaga kwinye kandi, kutwula lidiku lya kwa hulira, si ku lekanga kusaala nokusaava kigira mwinye, mu duke kwizula limanya lyobulaliri bwibwe mu bugeeri bwosi nelimanya lya roho,

1 Vatesalonike 4:3

Kigira kya Nyasaye ya lalira ki veye litakaswa lyenyu, mwinye mu vule kutsia mbakana;

1 Vatesalonike 5:18

mu santidze ku vindu vyosi: kigira yibu bu veye ubulaliri bwa Nyasaye mu Kristo Yesu ku luvega lwenyu.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Vahebraina 10:36

Kigira mu veye nelyenya lyobwikudziri, inyinga mu mali kukola aga Nyasaye yenyanga, mu nyole lisuuviridzwa.

Vahebraina 10:7

Kunangwa nda vola, Henza, mmali kuudza (Mu tsikaratasi tsyekitabu ga ng'odwa ku inze) Kukola ubulaliri bubwo, O Nyasaye.

Vahebraina 13:21

a mu kole mu ve ava dukiru mu vindu vyosi vilahi kukola ubulaliri bwibwe, nokukola mu mwinye ki yanzekanga imbiri wewe, ku Yesu Kristo; wobukumi bu ve kuye mihiga nemihiga. Amini.

1 Petro 2:15

Kigira ubulaliri bwa Nyasaye bu veye ndiyo, ku likola bulahi mu duke kukiring'anya livula kumanya lyavandu avasiru.

1 Petro 4:2

kunangwa kutwula kalunu tsinyinga tsyenyu tsi tigaye mu mubiri, mu ta menya mu likayirwa lyavandu, navutswa mu bulaliri bwa Nyasaye.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 12:10

Kandi nda hulira mwoyo munene migulu, ni gu vola, Kalunu buhonnyi bu duki, netsingulu, nobwami bwa Nyasaye wetu, netsingulu tsya Kristo we we: kigira muyali wavamitu vetu waguluywi hasi, uyu wa va yalanga imbiri wa Nyasaye mbasu nobudiku

Likunula 19:6

Kandi nda hulira mwoyo kuli mwoyo gwekiduma kinene, kandi kuli mwoyo gwamadzi manene, kandi kuli mwoyo gwetsinkupa tsyetsingulu, ni gu vola, Aleluya: kigira Mwami Nyasaye wetu, Wanyala Vyosi, yamehanga.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.