Matayo 5:6 - KITABU KITAKATIFU

⁶ Va veye nobugasu ava veye nenzala nobuluhu bwobulungi: kigira va ligutidzwa.

Matayo 5:6 ပူးပေါင်းရင်းမြစ်များ

Zaburi 107:9

Kigira yigutidza mwoyo gu veye nelyenya, Na umwoyo gu veye nenzala a gwizulitsa ubulahi.

Zaburi 145:19

A la kolera yavo ava mu tidzanga, lyenya lyavo; A la hulira lilira lyavo, na a va honnya.

Zaburi 17:15

Na inze, nda lola mumoni mumwo mu bulungi; Ndiguta neligondo lilyo, lwa mbuka mu lifwanana lilyo.

Zaburi 63:5

Mwoyo gwange gu liguta kuli gu veye nobuhaali na maguta Munwa gwange gu la kwidzominya neminwa gyobusangali;

Zaburi 65:4

A veye nobugasu uyu wa u tovola, nokumuleta himbi ku ive A duke kumenya hango hoho: Ku liguta ubulahi bwenyumba yoyo, Litempeli lilyo litakatifu.

Zaburi 84:2

Mwoyo gwange gu kayirwa, yee, kali gu kudza ku lyenya lihema lya Yahova; Mwoyo gwange na mubiri gwange gu liranga ku Nyasaye weli vamwoyo.

Tsing'ano 10:24

Ubutii bwomudamano bu la duka kuye Na lyenya lyomulungi a lizulitsi rwa.

Tsing'ano 21:21

Uyu u londanga ubulungi na tsi mbabasi A nyola livamwoyo, na ubulungi, na lidzominywa.

Lwimbu lwa Solomoni 5:1

Mmali kwingira mmulimi gwange, mubotso wange, mukana mugima wange: Mmali kwagula manamane gange halala nevifunyanga mwayu vyange; Mmali kulia kemenye kyobwuki kyange halala nobwuki bwange; Mmali kunwa iwaini yange halala namaveere gange. Avalina vange, mu lie; Mu nwe, yee, mu nwe ligali, O vayanze vange.

Isaya 25:6

Kandi mu kigulu yiki Yahova wa mahe a la lombera avandu vosi lilia lyevinolu, lilia lyewaini halala na maseke gayo, lilia lyevinolu vizula buhali, lilia lyewaini ku maseke ya lombwa bulahi,

Isaya 41:17

Avadaka navadambi venyanga madzi, na fii ga veye ho, na tsinimi tsyavo tsyumanga kigira buluhu; Inze, Yahova, nda va tivulira, inze Nyasaye wa Israeli, si nda va leka mba.

Isaya 44:3

Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

Isaya 65:13

Kunangwa Mwami Nyasaye ya vola yaga, Henza, avatumekiri vange va la lia, navutswa mwinye mu la va nenzala; henza, avatumekiri vange va la nwa, navutswa mwinye mu la va nobuluhu; henza, avatumekiri vange va la sangala, navutswa mwinye mu la va isoni,

Isaya 66:11

mu duka kununa nokwiguta ku tsimbeere tsyelileminya mwoyo lilyo; mu duke kukera, nokusangalira bunyingi bwobukumi bwibwe.

Jeremia 31:25

Kigira mmali kwigutidza mwoyo gwa li ni gu luhi, nemyoyo sa mulala ugwa li ni gu vereranga mmali kugwirannya kuva umuhya.

Luka 1:53

Wigutidzi avenzala nivindu vilahi; Avatugi u va kungi bugira kindu.

Luka 6:21

Mu veye nobugasu mwinye ava veye nenzala kalunu: kigira mu liguta. Mu veye nobugasu ava liranga kalunu; kigira mu la seka.

Luka 6:25

Mu la lola ubudamano mwinye, avahinda kalunu kigira mu la va nenzala. Mu la lola ubudamano, mwinye avaseka kalunu kigira mu la verera nokulira.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 6:27

Mu ta yinzira ku vugula vyokulia vyoneka, navutswa mu yinzire kuvugula vyokulia vi menya kuduka ku livamwoyo li ta hera mba, vyo Mwana wa Adamu a la mu ha: kigira Dada, Nyasaye, u mali kukupa kuye kyokulolera.

Yohana 7:37

Ku lidiku lyekiheri, lidiku linene lyelilia, Yesu ya singira na a gamba, na a vola, Mundu na a va na a veye nobuluhu, yadze ku inze a nwe.

Likunula 7:16

Va la vula kulola inzala kandi, kandi si va la va nobuluhu kandi; kandi liuva li la vula kuvasamba, kali uluya lwosi: