Matayo 5:37 - KITABU KITAKATIFU

³⁷ Navutswa amakuva genyu ga ve, Yee, Yee; Auwa, Auwa: kandi ku gosi aga vita yaga ga twula ku mudamano.

Matayo 5:37 ပူးပေါင်းရင်းမြစ်များ

Matayo 13:19

Mulala lwa a hulira likuvalyobwami, na a vula kulimanya, mudamano yadza na a mu nyaga yili lya a ve kumidzwa mmwoyo gwigwe. Uyu niye wa midzwa ku inzira ha luvega.

Matayo 13:38

mulimi na vomulirova, na bugutsa bulahi, yava na vana vobwami; na mavanze na vana vomu damano;

Matayo 15:19

Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi:

Matayo 5:36

U tisuha mba mutwi gugwo, kigira si u nyala kukola lisu lilala li ve lilavu kinga li ve limwamu.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Yohana 17:15

Si nku saava u va twulidze mu lirova, navutswa u va linde ku mudamano.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Vafeso 4:25

Kigira yaga mu sule ububehi, sa mulala a volere wakye ageligali: kigira ku veye vivero avene navene.

Vafeso 6:16

halala na yaga gosi mu ginge ingavo yelisuuvira, ya mu li nyala kusiminyira imibano gyosi gyomuliru gyomuda mano.

Vakolosai 3:9

mu ta veherana avene navene; kigira mu mali kufwuvula mundu wa kale halala nelikola lilye,

Vakolosai 4:6

Livola lyenyu li ve netsimbabasi madiku gosi, li hambiridzwe nomunyu, mu duke kumanya kuli ga mu dukira kutivuiira mundu sa mulala.

2 Vatesalonike 3:3

Navutswa Mwami a veye musuuvirifu, u li luviridza mwinye, nokumulinda ku mudamano.

Yakobo 5:12

Navutswa kuvita vyosi, avamitu, mu tisuha ku ligulu kinga lirova kinga lisuha lindi ku lyosi: navutswa yee wenyu a ve yee, kandi auwa wenyu a ve auwa, gase mu la gwa mu likalagirwa.

1 Yohana 2:13

Mmu ng'odera mwinye vadada, kigira mwa manya uyu a veyo kutwula mu litanga. Mmu ng'odera mwinye avasoleli, kigira mwa guuta mudamano. Nda mu ng'odera mwinye avana, kigira mwa manya Dada.

1 Yohana 3:12

ku ta va kuli Kaini ya li womudamano, ni yiita amwavo wewe. Kandi ya mwiita kigira ki? Kigira vikolwa vivye vya li vidamano, nevyamwavo wewe vya li vilungi.

1 Yohana 5:18

Ku manya, ku vosi wivulwa kutwula ku Nyasaye si a kola ubwoni; navutswa wivulwa ku twula ku Nyasaye yelinda, na mudamano si a mu dira mba.