Matayo 5:3 - KITABU KITAKATIFU

³ Va veye nobugasu ava li nobudaka mmwoyo: kigira ubwami bwomigulu nu bwavo.

Matayo 5:3 ပူးပေါင်းရင်းမြစ်များ

2 Kyetsinyinga 33:12

Na lwa ya li mu kivi, yanira Yahova Nyasaye wewe, ni yegehidza ligali imbiri wa Nyasaye wavuguga veve.

2 Kyetsinyinga 33:19

Ka ndi lisaala lilye, na kuli ya hulirwa, nobwoni bwibwe nelihyola lilye, na hadiguluku ha yombaka, nelisingeridza lilye misala gyemisambwa, neki fwananyi kyokuvadzwa, lwa ya li na a kikiri kwegehidza, henza, vyosi vya ng'odwa mu makuva ga Hozai.

2 Kyetsinyinga 33:23

Naye si yegehidza mwene imbiri wa Yahova, kuli Manase dada wewe yegehidza; navutswa uyu Amoni ya kiridza ubwoni.

2 Kyetsinyinga 34:27

kigira mwoyo gugwo gwa ii mudoto, wegehidza imbiri wa Nya saye, lwa wa hulira makuva gege ku hano, noku yavo ava menyanga ho, na wegehidzi imbiri wange, na u tanduye tsingubo tsitsyo, nokulira imbiri wange; Yahova a vola, Inze nku huliye.

2 Kyetsinyinga 7:14

ni i va avandu vange, ava langwa ku li eta lyange kuvo, vegehidze avene, nokusaala, nokwenya mmoni mwange, nokwirana kutwula ku tsinzira tsyavo tsindamano tsyosi; hene yaho nda hulira hano miguhl, nokusameha ubwoni bwavo, nokuhonnya kivala kyavo.

Ayubu 42:6

Kunangwa kigira yaga inze nzedunyira Na nzeganira mu lugukyi nomu ligoke.

Zaburi 1:1

A veye nobugasu mundu u vula kugenda mu makuva gavoni Kandi u vula kusingira ku inzira ya vetsimbi, Kandi si yikala ku kisako kya vekihenyahenye:

Zaburi 112:1

Mwidzominye Yahova. A veye nobugasu mundu u tidzanga Yahova, Wokusangala ligali ku malago gege.

Zaburi 128:1

A veye nobugasu uyu u tidzanga Yahova, Uyu u gendanga mu tsinzira tsitsye.

Zaburi 146:5

A veye nobugasu u veye na Nyasaye wa Yakobo kuva mukonyi wewe, Welisuuvira lilye li veye ku Yahova Nyasaye wewe:

Zaburi 2:12

Mu buse mwana, gase a la va nobutima, na mwinye mu divira ku inzira, Kigira ubutima bwibwe bu laaka bwangu. Va veye nobugasu vosi ava suuvira kuye.

Zaburi 34:18

Yahova a veye himbi kuvo ava vuniki mwoyo, Na a honnyanga yavo ava miniki roho

Zaburi 41:1

A veye nobugasu uyu widzuli tsanga avadaka: Yahova a la mu honnya mu lidiku lyekivi.

Zaburi 51:17

Vihaanwa vya Nyasaye vi veye roho gu vuniki: Mwoyo gu vuniki na gu miniki O Nyasaye, si u li gu lega mba.

Zaburi 84:12

O Yahova wa mahe Mundu u suuviranga ive a veye nobugasu.

Tsing'ano 16:19

Nobulahi kuva nomwoyo gwokwegehidza halala navadaka, Kuvita ligavula vilanye halala na avoluyai.

Tsing'ano 29:23

Uluyai lwomundu lu la mwikidza hasi; Navutswa uyu u veye nomwoyo gwokwegehidza, a lidzominywa.

Tsing'ano 8:32

Kunangwa kalunu, mwinye avana vange, mu hulire inze; Kigira va gasidzeywi yavo ava lindanga tsinzira tsyange.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Matayo 11:25

Inyinga yeyo Yesu ya tivula na a vola, Nku santidza, Dada, Mwami weligulu nowelirova, kigira wa visa ku vageeri navahuliri, vindu yivi, nu u vi vuulira avana:

Matayo 11:6

Kandi ku vosi u vula kulola ku inze kyokwikigitala, a veye nobugasu.

Matayo 13:16

Navutswa tsimoni tsyenyu tsi veye nobugasu, kigira tsi lola; namatu genyu, kigira ga hulira.

Matayo 19:14

Navutswa Yesu ya vola, Mu leke avana vakekeke vadze ku inze, mu ta va gaya mba: kigira ubwami bwomigulu bu veye bwa va li ndi.

Matayo 24:46

A veye nobugasu womwami wewe a li nyola na a kola ndiyo lwa a ladza.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Matayo 3:2

Mweganire; kigira ubwami bwomigulu bu veye himbi.

Matayo 8:11

Na inze mmu volera, vanyingi va la twula ivugwe na madioli, va likala halala na Abrahamu, na Isaka, na Yakobo mbwami bwomigulu:

Marko 10:14

Navutswa Yesu lwa ya lola, ya vihirirwa, na a va volera, Mu leke avana vakekeke vadze ku inze; mu ta vambakannya mba: kigira ubwami bwa Nyasaye bu veye bwa va li ndi.

Luka 11:28

Navutswa ya vola, Yee, navutswa va veye nobugasu ava hulira likuva lya Nyasaye, na va li gumira.

Luka 18:14

Mmu volera, Mundu uyu ya sulunguta kutsia hango hehe, na a hebeywi ubulungi kuvita wundi: kigira ku vosi wenenehidza a la gehidzwa; navutswa wegehidza a la nenehidzwa.

Luka 22:29

kandi inze mmu vikira ubwami kuli Dada ya mbikira ubwami,

Luka 22:30

mu duke kulia nokunwa ku imeza yange mu bwami bwange; kandi mu likala ku visako vyobwami mu kalagira tsihiri likumi na tsiviri tsya Israeli.

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Yohana 20:29

Yesu ya mu volera, Kigira u ndoli u suuviye: va veye nobugasu avasuuviye ni va kikiri kulola.

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

Yakobo 1:10

na uyu mutugi mu ligehidzwa lilye: kigira kuli kimuli kyobulimu ni ndiyo litwulidzwa lilye li veye.

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

Likunula 19:9

Kandi ya mbolera, U ng'ode, Va veye nobugasu ava langeywi va tsie mu lilia lyekiserero kyo Mwana Weligondi. Kandi ya mbolera, Yaga ga veye amakuva ageligali ga Nyasaye.

Likunula 22:14

Va veye nobugasu avogidzanga tsingubo tsyavo, va duke kuva netsingulu kuduka ku musala gwelivamwoyo, nokwingira mu viribwa kuduka mu lidala.

Likunula 3:17

Kigira u vola, Inze mbeye mutugi, kandi nyoye ubutugi, kandi si mbeye nelyenya kindu; kandi si u manya u veye mudambi, kandi u veye muyingu nomudaka nomuboku nomwere: