Matayo 5:24 - KITABU KITAKATIFU

²⁴ u leke ho kihaanwa kikyo imbiri wobwali, u tange kutsia kuyanzana na mwavo wowo, kunangwa udze u lete kihaanwa kikyo.

Matayo 5:24 ပူးပေါင်းရင်းမြစ်များ

Ayubu 42:8

Kunangwa kalunu, mu vugule tsing'ombe tsitano na tsiviri, namagondi makole gatano na gaviri, mu tsie navyo ku mutumekiri wange Ayubu, mu haane vi ve vyemyoyo gyenyu kihaanwa kyokusambwa; na mutumekiri wange Ayubu a la mu saalira; kigira nda bugirira uyu, mbule kukolera mwinye kuli ubusiru bwenyu; kigira si mwa vola ku inze makuva gobulungi kuli mutumekiri wange Ayubu ya vola.

Tsing'ano 25:9

U volerane nomutende wowo mwene, makuva gogo, Kandi u ta vuula inkuva ya viswa yomundu wundi;

Matayo 23:23

O Bayaye bu veye ku mwinye, avang'odi na Vafarisayo, avagadi kigira mu tunga izaka ya inaana, nebizari, nekumini, navutswa mu leki amakuva manene gelilaga, bulungi, netsimbabasi, nelisuuvira: navutswa yivi nu bulahi kuvikola, vindu vindi vyembiri muvule kuvileka.

Matayo 5:23

Nu u lete kihaanwa kikyo ku bwrali, nu widzulitsa ho amwavo wowo a veye nelikuva ku ive,

Marko 9:50

Munyu nu mulahi: navutswa munyu ni gwoneka, mu la gu hambiridza naki? Mu ve nomunyu mu mwinye, mu menye mu mirembe avene na avene.

1 Vakorintho 11:28

Navutswa mundu yegeridze nandiyo a lie ku bukima nokunwa ku kikombe.

1 Timoteo 2:8

Nyenya avandu vasatsa va saale Nyasaye hosi, va ginge mikono mitakatifu, bugira butima nobuhing'ani.

Yakobo 5:16

Mweyamirane ubwoni bwenyu avene navene, mu saalirane avene navene mu duke kuhonnywa. Lisaala lyomundu mulungi li konya ligali mu likola lyalyo.