Matayo 5:22 - KITABU KITAKATIFU

²² navutswa inze mmu volera, ku vosi u vihirirwa amwavo wewe yenya kukalagirwa; kandi ku vosi u volera amwavo wewe, Thu, yenya kuyalwa; kandi ku vosi u mbolera, Kisiru ive, yenya kuduka mmuliru gwegehena.

Matayo 5:22 ပူးပေါင်းရင်းမြစ်များ

Litanga 37:4

Na avamwavo veve va lola kuli dada wavo ya mu yanza kuvita avamwavo vosi veve; na va mu dunyira, na si va nyala kuvolerana naye nemirembe.

Litanga 37:8

Na avamwavo veve va mu volera, Hene ive u lameha ku kwinye? Kinga, ligali ive u la va nobwami ku kwinye? Navo va meda kumudunyira kigira maloto gege, na makuva gege.

2 Samweli 16:7

Na Shimei lwa ya nyega ya vola yaga, Tsia, tsia, ive mundu wekisahi, ive mundu mudamano:

2 Samweli 6:20

Hene yaho Daudi yirana a duke kugasidza avandu venyumba yeye. Na Mikali mwana wa Saulo ya twula kwaganira Daudi, na ya vola, Umwami wa Israeli a veye nobukumi kuli ndi lero, ya navula ingubo yeye lero imbiri wetsimoni tsyavakana vatugwa vavatumekiri veve, kuli mulala ku avoluyai yenavulanga bugira tsisoni

1 Avami 21:4

Ma Ahabu yingira mu inyumba yeve nomwoyo mudinyu, gwobutima, kigira likuva lya Nabothu Mujezireeli va mu volera; kigira ya li na a voye, Si nda ha ive miyandu gya nda nyola ku vaguga vange mba. Na yetuuia ku kitali kikye, na a giru nkanya mmoni mwimwe, na a sula kulia vyokulia.

2 Kyetsinyinga 16:10

Asa ya vihirirwa muloli uyu, na a mu vika mu inyumba yavahambe; kigira ya nyola butima ubululu kuye ku inkuva yiyi. Inyinga yeyo Asa ya dambidza avalala ku avandu.

2 Kyetsinyinga 19:5

Ya vika vakalagi mu kivala mu madala gosi ga Yuda agetsingaga, lidala nelidala,

Nehemia 5:8

Na nda va volera, Kwinye kuli bunyali bwetu ku tungiye avamwavo vetu Vayuda, yavo ava gulidzwa ku vetsihiri; na mwinye kalunu nkano mwa gulidza avamwavo venyu, va gulidzwe na kwinye ku va gule? Hene yaho va kiring'ana, va vula kuva nekya va vola.

Zaburi 109:3

Va nkumbiridzi na makuva gobudunyi, Va lwana ninze bugira kivuni.

Zaburi 14:1

A Musiru a voli mu mwoyo gwi gwe, Si ha veye na Nyasaye. Va veye avadamano, va koli agokuvihiriridza; Si ha veye nomulala u kolanga ubulahi.

Zaburi 25:3

Yee, ava lindiriranga ive si va la va netsisoni, kali mulala: Yavo ava kolanga ubugadi bugira kivune va la va netsisoni.

Zaburi 35:19

U ta leka yavo ava veye avasigu vange, va sangale ku inze bugira kivune; Kandi yavo ava ndunyiranga vutswa va ta simanira tsimoni ku inze.

Zaburi 37:8

Leka livihirirwa, na u twulidze ubutima: Mwoyo gu ta ku samba, u luhe u duke mu budamano.

Zaburi 49:10

Kigira a lolanga avageeri va kudza; Musiru navo avombiri vosi halala va diva, Na va lekera avandi ubutugi bwavo.

Zaburi 69:4

Yavo ava ndunyira bugira kivune va veye avanyingi kuvita lisu lyomutwe gwange: Yavo avenya kundividza, va veye avasigu vange nobugadi, va veye avetsingulu: Ma ndirannya kya nda vula kuhila.

Zaburi 7:4

Ni mba ni nzirannyi ubudamano ku uyu u veye nemirembe ku inze (Yee, mmali kuhonnya uyu u veye mudambidzi wange bugira kindu);

Zaburi 92:6

Mundu weliva lyetsinyama si a manya mba; Kandi musiru si a hulira kindu yiki:

Tsing'ano 14:16

Wobugeeri a tidzanga, na a leka ubudamano; Navutswa musiru a kolanga kirage na yesuuviridzanga.

Tsing'ano 18:6

Minwa gyomusiru gyingiranga mu lihing'ana, Na munwa gwigwe gu langanga maduya.

Jeremia 17:11

Kuli inkwari i goneranga mabuyu amasiru nokuvula kwalula, ni ndiyo a veye uyu u nyola ubutugi, navutswa si bu veye ku bulungi; bu la mu leka hagati ha madiku gege, na mu kiheri kikye a la va umusiru.

Lisyoma lya Jeremia 3:52

Va himanga inze kuli linyonyi li himangwa, ava veye avasigu vange bugira kivuni.

Danyeli 3:13

Kunangwa Nebukadinezaru mu livihirirwa nomu butima bunene ya haana munwa kuleta Shadaraka, Me shaka, na Abedinego. Ma va leta avandu yava imbiri womwami.

Danyeli 3:19

Hene yaho Nebukadinezaru yizula ubutima ubululu, na ligondo lyommoni mumwe lya galula ku Shadaraka, Meshaka, na Abedi-nego: ma ya vola, na a laga va vike muliru ml: kisambiru nokumeda mu kuduka hal katano na kaviri kuvita gu vedzanga gwamadiku gosi.

Obadia 1:10

Kigira kirage kya uyu amwavo wowo Yakobo ya kolerwa, tsisoni tsi la kukunika, na u la twulidzwa mihiga nemihiga.

Obadia 1:12

Navutswaive u ta henza ku lidiku lyamwavo wowo mu lidiku lyekivi kikye, u ta sangala ku avana va Yuda mu lidiku lyelidividzwa lyavo; kandi u ta vola noluyai mu lidiku lyobusaliri.

Matayo 10:17

Navutswa mu gelihe ku vandu: kigira va la mu hila mu viina, na mu masomero gavo va la mu kuya;

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Matayo 12:24

Navutswa Vafarisayo lwa va hulira, va vola, Mundu uyu si a kunga mademone navutswa netsingulu tsya Beelzebuli, munene wamademone.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 18:21

Hene yaho Petro yadza na a mu volera, Mwami, amitu a li nzona hali kanga, ninze mmu sameha? Hali gatanu na kaviri?

Matayo 18:35

Dada wange womigulu a la mu kolera ndiyo, ni mu ta sameha avamwavo mu myoyo gyenyu.

Matayo 23:15

O Bayaye bu veye ku mwinye, avang'odi na Vafarisayo avagadi kigira mu vodonkana inyanza nelirova mu duke kukola mundu mulala a hambane na mwinye; na lwa a mala kugwa ndiyo, mwinye mu mu kola mwana wa gehena kuvita mwinye hali kaviri.

Matayo 23:33

Tsinzoka mwinye, avana vevihirigoma, mu la hona naki mu likalagirwa lyegehena?

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Matayo 26:59

Ma vasalisi vanene ne kyina kyosi venya ubugini kugina Yesu va mwiite.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Matayo 5:34

navutswa inze mmu volera mu tisuha ligali mba; kali ku ligulu, kigira ni kisako kya Nyasaye;

Matayo 5:44

navutswa inze mmu volera, Mu yanze avasigu venyu, kandi mu saavire ava mu dambidza,

Marko 14:55

Avasalisi vanene nekyina kyosi venya amakuva ku Yesu va duke kumwiita; navutswa va vula kuganyola.

Marko 15:1

Mugamba mabwebwe nonoho avasalisi vanene navakulundu navang'odi nekyina kyosi, va tevana amakuva gokukola, ma va boha Yesu ni va twula naye kumuhila wa Pilatu.

Luka 12:5

Navutswa nda mu gelihidza ku uyu wa mu li tia: Mu tie uyu, na a mala kwiita, a veye netsingulu kuta mu igehena; yee, mmu volera, Mu tie uyu.

Luka 22:66

Lwa bwa kya nonoho kiduma kyavakulundu vavandu kya vugana, avasalisi vanene navang'odi vombi; ni va mu hila kutsia mu kiyalo kyavo, ni va vola,

Yohana 11:47

Avasalisi vanene na Vafarisayo va vugannya kyina, ni va vola, Ku kola ndi? Kigira mundu uyu a kolanga vilolekidzu vinyingi.

Yohana 15:25

Navutswa yaga ga kolwa li duke kudukidzwa likuva lya ng'odwa mu lilaga lyavo, Va ndunyira bugira kivune.

Yohana 7:20

Kiduma kya tivula, U veye nelidemone: ibwaha yenya kukwiita?

Yohana 8:48

Avayuda va tivula ni va mu volera, Si ku vola bulahi, Ive nu Musamaria, kandi u veye nelidemone?

Vikolwa 17:18

Kandi avalala ku Vaepikurio na Vasitoiko ava li vafilosofo, va mu nyola. Avalala va vola, Mudemanyi uyu yenya kuvola ki? Navandi va vola, A fwana mwilwadzi wamademone amageni: kigira ya li ni yilwadza Yesu nelisimuguka.

Vikolwa 22:30

Navutswa mugamba, yenya kumanya ligali kya Vayuda venya kumuyalira, ya mu boholola, na a laga avasalisi vanene nekyina kyosi, kuvugana, ya leta Paulo na a mu vika imbiri wavo.

Vikolwa 23:1

Ma Paulo yumika kyina na a vola, Avamitu, ng'endi imbiri wa Nyasaye nomwoyo mulahi kuduka lero.

Vikolwa 24:20

Kinga avandu yava avene va vole ubwoni bwa va lola lwa nda singira imbiri wekyina,

Vikolwa 4:15

Navutswa lwa va va ha munwa kutwula mu kyina, va volerana avene,

Vikolwa 5:21

Navo lwa va hulira yaga, vingira mu litempeli ni bwenya kukya, ni vegidza. Navutswa musalisi munene yadza, navo ava li naye, ni va vungidza kyina navakulundu vosi va Israeli, kandi va tuma avandu kutsia mu inyumba yavahambe kuvaleta.

Vikolwa 5:27

Kandi lwa va mala kuvaleta, va va singeridza imbiri wekyina. Kandi musalisi munene ya va teva,

Vikolwa 6:12

Ni va gema avandu, na vakulundu, navang'odi, ni va mu nyola ni va mu gumira, ni va mu hila imbiri wekyina.

Vikolwa 6:15

Navo vosi vikala mu kyina va mwumika, ni va mu lola mmoni mwimwe mu fwanana mmoni mwengelosi.

Vikolwa 7:37

Uyu ni Musa uyo wa volera avana va Israeli, Nyasaye a la mu singeridzira muprofeti u li twula mu vamwavo venyu, u fwanana na inze.

Varumi 12:10

Mu buyanzani bwenyu mu yanzane bulahi avene navene; mwimiridzane mu bukumi ku vakye venyu;

1 Vakorintho 6:10

kinga avivi, kinga avakayirwa vyavene, kinga avahambiki, kinga avanyegi, kinga avanuuli, si va nyala kunyola ubwami bwa Nyasaye.

1 Vakorintho 6:6

navutswa amwavo a tsia kuyala amwavo, kandi ni imbiri wa va ta li avasuuviri?

Kwidzulitsa 15:11

Kigira avadaka si va la hera mu kivala: kunangwa nda ku laga, nokukuvolera, U kumile ligali mukono gugwo ku amwavo wowo, mwegombi wowo, nomudaka wowo, mu kivala kikyo.

Kwidzulitsa 16:18

U vike avakalagi navanyampara mu viribwa vivyo vyosi, vya Yahova Nyasaye wowo a ku ha, kuli tsihiri tsitsyo; navo va kalagire avandu nelikalaga lyobulungi.

1 Vatesalonike 4:6

mundu a ta ga manya nokugenderera amwavo wewe mu makuva yaga: kigira Mwami a veye mbanzi mu makuva yaga gosi; kuli kwa tanga kumumannya nokumulolekidzira.

Tito 3:2

va ta nyega mundu kali mulala, va ta va avakupani, navutswa va ve avahokya, nokulang'aminya ubuhooma bwosi ku avandu vosi.

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu:

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

Yakobo 2:20

Navutswa u la manya, Ive mundu u ta li kindu, lisuuvira bugira likola li veye ligumba?

Yakobo 3:6

Kandi ululimi lu veye muliru: Iirova lyobudamano ku vivero vyetu li veye lulimi, nilwo lu vikanga kivihiri ku mubiri gwosi, nokwaakidza ligenda lyosi lyelilombwa, nalwo lwaakidzangwa negehena.

1 Petro 2:23

inyinga ya nyegwa si yirannya linyega; inyinga ya saliridzwa ya vula kwihalavannya; navutswa yihaana ku uyu u kala ganga bulungi.

1 Petro 3:9

ava ta tungana ubudamano ku budamano, kinga manyego ku manyego; navutswa lyavukana na yago mu gasidzane; kigira mwa langirwa yaga, mu duke kulia miyandu gyobugasu.

1 Yohana 2:9

U volanga a veye mu bulavu kandi a dunyira amwavo wewe, a veye mu kisundi kali kalunu.

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Yohana 5:16

Mundu na a lola amwavo wewe na a kola ubwoni bu ta li bwelikudza, a la saala, na Nyasaye a la mu heera livamwoyo kigira yava ava kola ubwoni bu ta li bwelikudza. Ubwoni bu veyo bwelikudza: si mbola a saale kubwo.

Yudasi 1:9

Navu tswa Mikaeli ingelosi munene, lwa ya hing'ana na Setani nokuhangali dzana naye ku mubiri gwa Musa, si ya luvirira kuleta kuye likalagirwa lyamanyego, navutswa ya vola, Mwami a ku gaye.

Likunula 20:14

Kandi likudza na Kihadisi vya tebwa mu inyanza yomuliru. Yili nilyo likudza lya kaviri; li Deye inyanza yomuliru.