Matayo 5:18 - KITABU KITAKATIFU

¹⁸ Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi.

Matayo 5:18 ပူးပေါင်းရင်းမြစ်များ

Zaburi 102:26

Yivi vyosi vi la dividzwa navutswa ive u la hindira; Yee, yivi vi la kunguha kuli ingubo; Na kuli ingubo u la vi girunkannya, navyo vi la girunkanywa:

Zaburi 111:8

Ga dinyiridzwa mihiga nemihiga; Ga lombwa mu ageligali na mu bulungi.

Zaburi 119:152

Kutwula kale nda manya ku lilolekidza lilyo, Ni ive u li singeridziye mihiga nemihiga.

Isaya 40:8

Bunyasi bu nialanga, nekimuli ki kamanga; navutswa likuva lya Nyasaye wetu li la singira mihiga nemihiga.

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Isaya 51:6

Mu ginge tsimoni tsyenyu mu henze ligulu, kandi mu henze kivala kya hasi; kigira migulu mu la vuya kuli mwoki, na kivala ki la kunguha kuli ingubo, na va menyanga ku va la kudza kuli ndiyo: navutswa ubuhonnyi bwange bu la va bwemihigane mihiga, nobulungi bwange si bu la tsyomwa hasi.

Matayo 10:15

Ligali mmu volera, Ubulahi bwekivala kya Sodoma nekya Gomora mu lidiku lyokukalaga bu la vita bwelidala yilyo.

Matayo 10:23

Navutswa lwa va mu dambidza mu lidala lilala, mwirukire mu lindi: kigira rnmu volera ligali, Si mu li malilidza amadala ga Israeli, Mwana wa Adamu a ladza.

Matayo 10:42

Ku vosi u linwehidza mulala ku vakekeke yava kisanda kyamadzi makindu vutswa, ku lieta lyomwegidzwi, ligali mmu volera si a li nyala ligali kugotidza lidanyi lilye.

Matayo 11:11

Ligali, mmu volera, Kuvo avavakali vivula a kikiri kusingira u vita Yohana Mbatidzi: navutswa u veye mkekeke mu bwami bwomigulu a veye munene kuvita uyu.

Matayo 13:17

Kigira ligali mmu volera, avaprofeti vanyingi navandu valungi venya kulola vindu vya mu lolanga, ni va vula kuv lola nokuhulira vindu vya mu hulira, ni va vula kuvihulira.

Matayo 16:28

Ligali mmu volera, Avalala kuvo avasingira hano si va li lola likudza ligali, va kikiri kulola Mwana wa Adamu ni yadza mu bwami bwibwe.

Matayo 17:20

Na a va volera Kigira lisuuvira lyenyu ni likekeke. Kigira mmu volera, Ligali, ni mu ve nelisuuvira kuli bugutsa bwelisatsi, mu la volera kigulu yiki, Twula hano, wisunde hala; ki lisunda; kandi vindu vyosi vi la nyalika ku mwinye.

Matayo 18:18

Ligali mmu volera, Vindu vyosi vya mu boha mu lirova vi la bofwa kandi migulu; kandi vindu vyosi vya mu boholola mu lirova vi la bohololwa migulu kandi.

Matayo 18:3

na a vola, Ligali mmu volera, ni mu tigirunkannya kugwa kuli avana vakekeke, si mu li nyala ligali kwingira mu bwami bwomigulu.

Matayo 19:23

Yesu ya volera avegidzwi veve, Ligali mmu volera, Nu budinyu mutugi kwingira mu bwami bwomigulu.

Matayo 19:28

Yesu ya va volera, Ligali mmu volera, mwinye mu nondi, mu lilombwa lihya, lwa Mwana wa Adamu a likala ku intebe yobukumi bwibwe, mwinye kandi mu likala ku tsintebe likumi na tsiviri, no ku kalagira tsihiri likumi na tsiviri tsya Israeli.

Matayo 21:21

Yesu ya tivula na a va volera, Ligali mmu volera, Mwinye ni mu veye nelisuuvira, mu ta hayahayidza si mu la nyala kukola kuli ga kolwa ku mkuyu geng'ine, navutswa kali mu duka kuvolera kigulu yiki, Ive u gingwe u sikiswe mu inyanza, ga la kolwa.

Matayo 21:31

U li ha ku vaviri yava wa kola ubulaliri bwa ise? Va vola, Wambiri. Yesu ya va volera, Ligali mmu volera, avasololi vobushutu navaheyi vingira mu bwami bwa Nyasaye imbiri wenyu.

Matayo 23:36

Ligali, mmu volera, Vindu yivi vyosi vi la gwira likula yili.

Matayo 24:2

Navutswa ya tivula na a va volera, Mu lola vindu yivi vyosi? Iigali mmu volera Si li la tigala hano ligina lilala ku lindi li ta gwihidzwa hasi.

Matayo 24:47

Ligali, mmu volera, a la mu vika ku vyosi vya a veye navyo.

Matayo 25:12

Navutswa ya tivula na a vola, Ligali mmu volera, si mmu manya mba.

Matayo 25:40

Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze.

Matayo 25:45

Hene yaho a la va tivulira, na a vola, Ligali mmu volera, Kuli ga mwa vula kukolera mulala ku vakekeke yava, mwa vula kunkolera.

Matayo 5:26

Ligali nku volera, Si u twula yimo ligali, u luhe u maliridze isenti impereridzi.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 6:2

Lwa u twulidza tsisadaka, u ta kupa kisiliva imbiri wowo, kuli avagadi va kola mmasomero na ku tsinzira, avandu va vidzominye. Ligali mmu volera, Va mali kunyola madanyi gavo.

Matayo 8:10

Yesu lwa ya hulira ndiyo ya genya, na a volera ava mu londa Ligali mmu volera, Nkikiri kuiola lisuuvira linene kuli yili, kali mu Israeli.

Marko 10:15

Ligali inze mmu volera, Ku vosi u ta bugirira ubwami bwa Nyasaye kuli mwana, si a lingira mu, kali hakuzu.

Marko 10:29

Yesu ya vola, Ligali mmu volera, si ha li nomundu wa leka inyumba, kinga vamwavo, kinga vabotso kinga mama, kinga ise, kinga avana kinga milimi, kigira inze, kandi kigira ivangeli,

Marko 11:23

Ligali mmu volera, Ku vosi u li volera kigulu yiki, Ive u gingwe u sikiswe mu inyanza; kandi u ta hayahayidza mu mwoyo gwigwe, navutswa a suuvira mu mwoyo amakuva gege ga la kolwa; uyu a la ga nyola.

Marko 12:43

Ku, ya langa avegidzwi veve na a va volera, Ligali, mmu volera, Muku nzakali uyu u tungi vi viti vya vandi vosi va tungi.

Marko 13:30

Ligali mmu volera, Likula yili si li li vita, vindu yivi vyosi vi luhe vi kolwe.

Marko 14:18

Lwa vikala ni va litsa, Yesu ya vola, Ligali, mmu volera, Mulala ku mwinye a la nzama, niye u litsanga ninze halala.

Marko 14:25

Ligali mmu volera, Si nda nyala kandi kunwa ku makuyu gemizabibu, nduhe nduke lidiku lyokunwa amahya mu bwami bwa Nyasaye.

Marko 14:30

Yesu ya mu volera, Ligali nku volera, Lero ndi, mu budiku yibu, idaywa ni i kikiri kulagula hali kaviri, ive u la nyambakana hali kavaka.

Marko 14:9

Ligali, mmu volera, Mu vivala vyosi ha ivangeli yiyi i lilwadzwa, ga la kilwadzirwa kandi aga mukali uyu a koli ga ve kyokumwidzulitsa.

Marko 3:28

Ligali mmu volera, Avana va vandu va la samefwa ubwoni bwosi namanyego gavo ga va li nyega:

Marko 6:11

Kandi hosi ha va ta mwingiridza nokuvula kumuhulira, lwa mu twula ho, mu vungulule lugukyi lu veye mu tsi nduvatiru, lu ve lilolekidza kuvo.

Marko 8:12

Na a twula imiyika ligali mu roho gwigwe, na a vola, Kigira ki likula yili lyenya kulola kyokulolekidzira? Ligali mmu volera, likula yili si li li hebwa kyokulolekidzira mba.

Marko 9:1

Vatakatifu. Kandi ya va volera, Ligali, mmu volera, avalala ku va singiye hano si va la tsatsama ku likudza, ni va ta lola ubwami bwa Nyasaye buudza netsingulu.

Marko 9:41

Ku vosi u mu letera kisandn kyamadzi kunwa kigira mu veye avandu va Kristo, ligali inze mmu volera, madanyi gege si ga li nyala kugota mba.

Luka 11:51

kutwula ku masahi ga Habili kuduka ku masahi ga Zekaria, wa kudzera hagati hobwali nahatakatifu. Ligali mmu volera, ga la tevwa ku likula yili.

Luka 12:37

Va veye nobugasu avatugwa avomwami a li nyola va linda lwa a duka: ligali mmu volera, a leboha a la vikalidza ku vyokulia, a ladza na a vihula.

Luka 13:35

Henza, inyumba yenyu i lekeywi ku mwinye, yoneki: kandi inze mmu volera, Si mu li ndola kandi, mu luhe mu duke kuvola, A veye nobugasu yadza ku lieta lyo Mwami.

Luka 16:17

Livita lyeligulu nelyelirova ni lyangu, kuvita livita lyenduguta indala ye lilaga.

Luka 18:17

Ligali mmu volera, Ku vosi u ta vugula ubwami bwa Nyasaye kuli mwana mukekeke si a lingira mu, kali hakuzu.

Luka 18:29

Naye ya va volera Ligali si ha li nomundu u leki inyumba, kinga mukali, kinga avamwavo, kinga avivuli, kinga avana, kigira ubwami bwa Nyasaye,

Luka 23:43

Naye ya mu volera, Ligali nku v olera, Lero u ia va ninze mu Paradisi.

Luka 4:24

Na a vola, Ligali mmu volera, Si ha li nomuprofeti wa bugirirwa mu kivala kikye.

Yohana 1:51

Kandi ya mu volera, Ligali, ligali, mmu volera, Mu la lola ligulu ligulika, netsingelosi va Nyasaye va nina ni vika ku Mwana wa Adamu.

Yohana 10:1

Ligali, ligali, mmu volera, U vula kwingira mu kiliango kyekego kyamagondi, navutswa a tsia kuhudula ha luvega, uyu nu mwivi kandi nu mwiguliri.

Yohana 10:7

Kunangwa Yesu ya va volera kandi, Ligali, ligali, Inze mbeye kiliango kyamagondi.

Yohana 12:24

Ligali, ligali, mmu volera, inzoli yengano ni i vula kugwa mu marova ni i kudza i la tigala yeng'ine; navutswa ni i kudza i lama lyama linyingi.

Yohana 13:16

Ligali, ligali, mmu volera, Mutugwa si a veye munene kuvita wa mu tuga; kandi mutumwa si a veye munene kuvita wa mu tuma.

Yohana 13:38

Yesu ya tivula, Hene u la haana liva mwoyo lilyo kigira inze? Ligali, ligali, nku volera, Idaywa ni i ta lagula, ive u la nyambakana hali kavaka.

Yohana 14:12

Ligali, ligali mmu volera, Uyu u suuvira inze miyinzi gya nkolanga naye kandi a la gyi kola; kandi a la kola minene ku vita yigyi; kigira inze ntsitsa wa Dada.

Yohana 16:20

Ligali, ligali, mmu volera, mwinye mu la lira ni mu syoma, navutswa avomkivala va la sangala: mwinye mu la verera, navutswa ubuvereri bwenyu bu la girunkanywa bu ve ubuyanzi.

Yohana 16:23

Kandi ku lidiku yilyo si mu li teva inze likuva. Ligali, ligali, mmu volera, ni mu saala kindu ku Dada, a la mu ha ku lieta lyange.

Yohana 21:18

Ligali, ligali, nku volera, Lwa wa li muyai, weboha nu u tsia wa u yanza: navutswa lwa u li duka musakulu, u la nyira makono, nowundi a la ku boha, a ku hile wa u ta yanza.

Yohana 3:11

Ligali, ligali, nku volera, Ku vola ga ku manya, kandi ku lolekidza vya ku loli, navutswa lilolekidza lyetu si mu bugirira mba.

Yohana 3:3

Yesu ya tivula na a mu volera, Ligali, ligali, nku volera Mundu na a tivulwa livulwa lyomigulu, si a nyala kulola ubwami bwa Nyasaye.

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Yohana 6:26

Yesu ya va tivulira na a vola, Ligali ligali, mmu volera, Si mu nyenyi kigira mwa lola vilolekidzu, navutswa kigira mwa lagira milango, ni mwiguta.

Yohana 6:32

Kigira yaga Yesu ya va volera, Ligali, ligali, mmu volera, Si ya li Musa wa mu ha ubukima bwomigulu; navutswa Dada wange a mu hedzanga ubukima bweligali bwo migulu.

Yohana 6:47

Ligali, ligali, mmu volera, Uyu u suuvira a veye nelivamwoyo li ta hera mba.

Yohana 6:53

Kigira yaga Yesu ya va volera, Ligali, ligali, mmu volera he, Ni mu ta lia inyama yomubiri yo Mwana wa Adamu nokunwa masahi gege si mu veye nelivamwoyo mu mwinye.

Yohana 8:34

Yesu ya va tivulira, Ligali, ligali, mmu volera, Ku vosi u kola ubwoni a veye mutugwa wobwoni.

Yohana 8:51

Ligali, ligali mmu volera, mundu na a gumira likuva lyange, si a li lola likudza mihiga nemihiga.

Yohana 8:58

Yesu ya va volera, Ligali, ligali, mmu volera, Abrahamu na a tivulwa, inze mbeye.

1 Petro 1:25

Navutsua likuva lyo Mwami li hindira kuduka mihiga nemihiga. Kandi yili li veye likuva lilahi lilwadzwa ku mwinye.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.