Matayo 5:12 - KITABU KITAKATIFU

¹² Mu yanze, mu sangale ligali: kigira madanyi genyu ga veye manene migulu: kigira ni ndiyo va kupidza kivi avaprofeti ava li imbiri wenyu.

Matayo 5:12 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

1 Avami 18:13

Munene wange si wa volerwa ga nda kola lwa Jezebeli yiita vaprofeti va Yahova, kuli nda visa mia avalala ku vaprofeti va Yahova makumi gatano, gatano mu tsimbangaywa, nokuvaha vyokulia nokuvaha amadzi?

1 Avami 18:4

kigira ga li ndiyo, lwa Jezebeli yiita vaprofeti va Ya hova, na Obadia ya vugula vaprofeti mia, na a va visa makumi gatano, gatano mu tsimbagaywa, na a va ha vyo kulia, nokuvaha madzi.)

1 Avami 19:2

Hene yaho Jezebeli ya tuma mutumwa kutsia ku Elija, na a vola, Avanyasaye va nkolere ndiyo, nokuvita yaga, ni mba ni mbula kukola mwoyo gugwo kuling'ana nomulala ku mwoyo gwavo, mugamba inyinga kuli yiyi.

1 Avami 21:20

Ahabu ya volera Elija, U nyoye, O musigu wange? Naye ya tivula, Yee, mali kukunyola, kigira wa gulidza mwoyo gugwo kukola ubu damano imbiri wa Yahova.

1 Avami 22:8

Mwami wa Israeii ya volera Joho shafatu, A veye ho kandi mundu wa ku nyala kuteva Yahova naye, naye ni Mikaiya mwana wa Imla: navutswa inze mu dunyiranga; kigira uyu si ya profeteranga inze amalahi navutswa madamano. Na Jehoshafatu ya vola, Mwami a ta vola ndi mba.

2 Avami 1:9

Ma mu ami ya tuma munyampara wavasikari makumi gatano halala navasikari veve makumi gatano. Na yanegira kuye: henza, ya li ni yikaye ku kigulu. Ya mu volera, Ive mundu wa Nyasaye, mwami a vola, Yika.

2 Kyetsinyinga 16:10

Asa ya vihirirwa muloli uyu, na a mu vika mu inyumba yavahambe; kigira ya nyola butima ubululu kuye ku inkuva yiyi. Inyinga yeyo Asa ya dambidza avalala ku avandu.

2 Kyetsinyinga 36:16

navutswa va tindira avatumwa va Nyasaye, na va lega makuva gege, na va kolera vaprofeti veve kihenyihenyi, kuduka ubutima bwa Yahova bwa vuka ku avandu veve, kuduka ha vula kuva nekyoku honnya.

Nehemia 9:26

Navutswa va sula kuhulira ni vebaala ku ive, nokuvika lilaga lilyo himugongo havo, na viita vaprofeti vovo ava lolekidza kuvo kuvirannya ku ive, na va kola kivihiri kinene.

Zaburi 19:11

Kandi ku yaga mutumekiri wowo a gerehidzangwa: Mu ligumira yaga li veye madanyi manene.

Zaburi 58:11

Na avandu va la vola, Ligali ga veye ho madanvi gavalungi: Ligali a veye ho Nyasaye, a kalaganga mu lirova.

Tsing'ano 11:18

Mudamano yenyolera madanyi gobugadi Navutswa uyu u midzanga bulungi a veye namadanyi geligali.

Isaya 3:10

Mu vole ku mulungi, ga la va amalahi kuye: kigira va la lia makuyu gevikolwa vyavo.

Jeremia 2:30

Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 26:8

Na ga duka, lwa Jeremia ya mala kuvola yaga gosi aga Yahova ya mu laga a volere avandu vosi; ma avasalisi navaprofeti, navandu vosi va gumira Jeremia, nokumuvolera Ive ligali u la kudza.

Jeremia 37:14

Hene yaho Jeremia ya vola, Si ga li ndiyo: si ntsitsanga kwivika ku Vakalidei mba. Navutswa si ya mu hulira mba; ma Irija ya gumira Jeremia, nokumuleta ku vanene.

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Luka 13:34

O Yerusalemi, Yerusalemi, ive wiitanga avaprofeti nokulasa magina ava tumwa ku ive tsinyinga tsyanga ndenya kuvungidza avana venyu kuli inyavuli i vungidza viminyo vyayo mu tsimbaha tsya yo, navutswa mwinye si mwenya

Luka 6:23

Ku lidiku yilyo mu sangale, mu kine nobuyanzi: kigira henzi, madanyi genyu ga veye ma nene migulu; kigira avaguga vavo va kola ndiyo ku vaprofeti.

Luka 6:35

Navutswa mu yanze avasigu venyu, mu kole bulahi, mu hambidzane kivete mu ta suuvira mu liranyirwa; na madanyi genyu ga la va manene, kandi mu la va avana va Uveye Igulu Ligali: kigira a veye mulahi ku ava ta santidza navadamano.

Vikolwa 16:25

Navutswa himbi ubudiku hagati Paulo na Sila va saala ni vimba tsinyimbu tsyo kwidzominya Nyasaye, kandi avahambe va va huliridza;

Vikolwa 5:41

Kunangwa va tsia ni ya twula mu kyina, ni va yanza kigira va validzwa kudukana nokuvikwa mu tsisoni kigira lieta yilye.

Varumi 5:3

Navutswa si ga li yaga geng'ine, navutswa kandi ku sangalira mu kivi kyetu: kigira ku manya kivi ki leta lyekudzira;

1 Vakorintho 3:8

Kalunu uyu u simikanga no uyu u samanga va veye mulala: navutswa sa mulala a la nyola madanyi gege mwene kuli miyinzi gyigye mwene.

2 Vakorintho 4:17

Kigira lidambidzwa lyetu lyangu li veye lyenyinga inkekeke vutswa, li ku kiridzira ligali ligali musigo gwobukumi gwemihiga nemihiga;

Vafilipi 1:29

Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye:

Vafilipi 2:17

Yee, ni ntsukwa ku isadaka noku butumwa bwelisuuvira lyenyu, nsangala, kandi nsangala halala na mwinye mwosi:

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

Vakolosai 3:24

mu manya mu la nyola ku Mwami madanyi gemiyandu: mu tumikiranga Mwami Kristo.

1 Vatesalonike 2:15

aviita Mwami Yesu, kandi avaprofeti, kandi va kunga kwinye, kandi si va yanzidza Nyasaye, kandi va hing'ana navandu vosi;

Vahebraina 10:34

Kigira mwa salira mu myoyo halala na yavo ava li mu buhambe, kandi mwa bugirira nobuyanzi kunuulwa vindu vyenyu, kigira mu manya mwinye avene mu veye nevindu vilahi kuvita yivyo navyo vi ta hera mba.

Vahebraina 11:26

a vola linyegwa lya Kristo li veye ubutugi ubunene kuvita ubutugi bwa Egepeti: kigira ya henzerera madanyi.

Vahebraina 11:33

ava guutira ku lisuuvira ubwami bwavami, va kola bulungi, va nyola lisuuviridzwa, va kunikaminwagyeving'ang'a,

Vahebraina 11:6

kandi bugira lisuuvira si ga nyalika kuyanzeka kuye; kigira uyu uudzanga ku Nyasaye ga mu dukira kusuuvira a veye ho, kandi niye muhaani wa madanyi ga yavo ava mwenyanga.

Yakobo 1:2

Mu lole bu veye ubuyanzi bwere, avamitu, inyinga mu gwa mu ligeridzwa tsing'ano netsing'ano.

Yakobo 5:10

Avamitu mu vugule avaprofeti ava vola ku lieta lyo Mwami, va ve kyokulolera ku lisaliridza lyobudamano bwa va gwira nokwikudzira kubwo.

1 Petro 4:13

navutswa kuli mu veye avasangi mu busaliri bwa Kristo, mu sangale; mu lilang'aminya lyobukumi bwi bwe mu duke kusangala nobusangali ubunene.

Ruth 2:12

Ku miyinzi gyigyo Yahova a ku he madanyi madukanu, Nyasaye wa Israeli wa wadzira mu tsimbaha tsitsye u duke kunyola lisuuvira.