Matayo 5:11 - KITABU KITAKATIFU

¹¹ Mwinye mu veye nobugasu, lwa va li munyega nokumukupidza kivi nokumubehera amakuva madamano gosi kigira inze.

Matayo 5:11 ပူးပေါင်းရင်းမြစ်များ

Zaburi 35:11

Avaloli avakyamu va singira; Va nteva ku vindu vya nta manya.

Zaburi 44:22

Yee, kigira ive kwiitangwa lidiku lyosi; Ku validzangwa kuli magondi gokwiitwa.

Isaya 25:8

Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.

Isaya 51:7

Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Jeremia 37:14

Hene yaho Jeremia ya vola, Si ga li ndiyo: si ntsitsanga kwivika ku Vakalidei mba. Navutswa si ya mu hulira mba; ma Irija ya gumira Jeremia, nokumuleta ku vanene.

Matayo 10:18

kandi mu la hilwa imbiri wavanyampara navami kigira inze li ve lilolekidza kuvo noku Tsihiri.

Matayo 10:22

Avandu vosi va la mu dunyira kigira lieta lyange. Navutswa u dinya kuduka ku kiheri, uyu a la ka honnywe.

Matayo 10:25

Ga duki mwegidzwi kuva kuli mwegidzi, nomtugwa kuva kuli wa mtuga. Ni va langa mwene inyumba Beelzebuli, nasindi avenyumba yeye

Matayo 10:39

Uyu u nyola liva mwoyo lilye a la li gotidza; noyu u gotidza liva mwoyo lilye kigira inze a la li nyola.

Matayo 19:29

Ku vosi u leki tsinyumba, kinga avamwavo, kinga avabotso, kinga ise, kinga mama, kinga avana, kinga milimi, kigira lieta lyange, a la nyola vindu hali mia, kandi a la nyola liva mwoyo li ta hera mba.

Matayo 24:9

Inyinga yeneyo va la mu zama mu kivi, nokumwita: kandi tsihiri tsyosi tsi la mu dun ira kigira lieta lyange.

Matayo 27:39

Ava vita ku nzira va mu nyega, ni va sung'usa mitwe gyavo,

Marko 13:13

Na vandu vosi va la mu dunyira kigira lieta lyange: navutswa u li dinya ku kuduka ku kiheri a la honnywa.

Marko 13:9

Mu gelihe avene, kigira va la mu zama mu hilwe mu kyina; va la mu duya mu masomero; mu la singira imbiri wa vanyampara na vami kigira inze, mu ve kilolekidzu kuvo.

Marko 4:17

avene si va veye nemiri, ma vidinyiridza hakekeke; ma lwa va lola kivi nobudambidzwi kigira likuva, nonoho vikigitala.

Marko 8:35

Ku vosi yenya kuhonnya liva mwoyo lilye a la li gotidza; kandi uyu u gotidza liva mwoyo lilye kigira inze nevangeli, a la li honnya.

Luka 21:12

Navutswa imbiri wevindu yivi va la mu gumira, kandi va la mu kupidza kivi, va mu zama ku avamasomero kandi mu tsinyumba tsyavahambe, kandi mu la hilwa imbiri wavami navanya mpara kigira lieta lyange.

Luka 21:17

Kandi avandu vosi va la mu dunyira kigira lieta lyange.

Luka 6:22

Mu veye nobugasu, mwinye, avandu lwa va li mu dunyira, kandi lwa va li mwesigana, nokumunyega, nokuta lieta lyenyu kuli li veye lidamano, kigira Mwana wa Adamu.

Luka 9:24

Kigira ku vosi wenyanga kuhonnya liva mwoyo lilye a la li gotidza; navutswa ku vosi u gotidza liva mwoyo lilye kigira inze, a la li honnya.

Yohana 15:21

Navutswa yaga gosi va la mu kolera kigira lieta lyange, kigira si va manya wa ntuma.

Yohana 9:28

Kandi va mu nyega, ni va vola, Ive nu mwegidzwi wewe; navutswa kwinye ku veye avegidzwi va Musa.

Vikolwa 9:16

kigira nda mu mannya vindu vinyingi kumusaliridza, vi la mu gwira kigira lieta lyange.

Varumi 8:36

Kuli ga ng'odwa Kwiitangwa mbasu pei kigira ive; Ku volangwa ku veye magondi gokwiitwa.

1 Vakorintho 4:10

Kwinye ku veye avasiru kigira Kristo, navutswa mwinye mu veye avageeri mu Kristo; kwinye ku veye avadedekere, navutswa mwinye mu veye netsingulu; mwinye mu veye nelidzominywa, navutswa kwinye ku veye nelilegwa.

2 Vakorintho 4:11

Kigira kwinye ava ku veye mwoyo ku haanangwa kuvikwa mu likudza kazozo kigira Yesu, livamwoyo lya Yesu li duke kulang'aminywa mu mubiri gwetu gwelikudza.

Vafilipi 1:29

Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye:

1 Petro 2:23

inyinga ya nyegwa si yirannya linyega; inyinga ya saliridzwa ya vula kwihalavannya; navutswa yihaana ku uyu u kala ganga bulungi.

1 Petro 4:14

Ni mu va ni mu nyegwa kigira lieta lya Kristo, mu veye nobugasu; kigira Roho wobukumi kandi Roho wa Nyasaye a menya ku mwinye.

Likunula 2:3

kandi wa li nobwikudziri nokwikudzira ku lieta lyange, kandi si wa luha.